رواية شيرين الأول الجزء الثالث

اللتان ذرفتا الدموع في سكوت وسكون حزين ولم ترمش لدقائق وكل ما تفكر به إلي أين ذهب!
آنسة شيرين نادتها فاطمة لتفق من شرودها كل حاجة هتكون بخير يا بنتي ربتت على كتفها بلطف بينما لا تدري شيرين الآن أين ستجده من أين ستبدأ وماذا عليها فعله
سارت بشرود تام خارج المنزل نست حقائقبها ونست أنها تسير على قدماها ولم تنظر حولها ولم تلاحظ حتى السيارة التي توقفت بجانبها ولم تفق حتى سمعت من يتحدث إليها
ليه جيتي دلوقتي صړخ صوتا تعرفه جيدا
أستاذ م..
ايه مفيش وراكي شغل ولا حاجة محتاجة تعمليها لقيتي أخيرا وقت في جدولك عشان
تيجي تدوري عليه قاطعها مراد پغضب ولم يعطي لها الفرصة حتى تتحدث 
ملقيتيهوش مش كده! عموما محدش عارف هو فين وهو مش عايز حد يلاقيه قرر يختفي تاني وكل ده بسببك أنا معرفش هو فين معرفش إذا كان كويس ولا لأ حتى زينة بنتي بطل يكلمها عايزة ايه أكتر من كده عايزة تموتيه ولا جاية عشان تشوفيه مكسور وضعيف قدامك كفاية اوي كل اللي عملتيه لغاية دلوقتي امشي.. امشي ومترجعيش تاني.. أنتي خلاص بقيتي مصدر تعاسة ونكد على الكل!! أكمل صراخه بها لتندهش شيرين من عصبيته وغضبه المبالغ فيه وتركها ثم غادر.
لم تدري من أين آتى ومن أخبره أنها متواجدة بمنزله شعرت كم أصبحت مكروهة من الجميع فالحقيقة هي أنها السبب في إختفاء آدم وإنقطاعه عن التحدث حتى مع أقرب الأشخاص له ولكن إحساسها يخبرها بأن عليها أن تذهب له وتبحث عنه وليذهب كلام مراد للچحيم.
حبيبة أنتي فين
قولي صباح الخير الأول أجابتها حبيبة مازحة عندما وجدت اسمها على شاشة هاتفها
مفيش قدامي وقت أنا محتاجة عربيتك أخبرتها مسرعة
ايه ده!! أنتي هنا رجعتى أمتى ليه مقولتليش أنا بكرهك يا شيرين!! صاحت پغضب
آدم! أختفى تاني يا حبيبة ومحدش عارف مكانه ليه مقولتليش سألتها بينما بدأت في النحيب
والله العظيم أنا ما كنت أعرف قوليلي أنتي فين وهاجيلك حالا
في بيته.. أرجوكي متتأخريش
انتظرتها شيرين وكل تفكيرها من أين ستبدأ! تدرك أن المهمه ليست سهلة قد لا تجده أبدا والأصعب أنه قد يصدها وألا يتقبلها من الأساس ولكنها لن تمكث هكذا وكأن كل شيء بخير!
بعد حوالي نصف ساعة وصلت حبيبة ثم دلفت شيرين للسيارة بخطوات متثاقلة وما إن نظرت لها حبيبة اندهشت لملامحها وآثار البكاء التى كست وجهها وصاحت بها في قلق
شيرينأنتي شكلك مش كويس خالص أنا.. أنا مش عارفة أقول ايه بس.. ممم .. عايزة تعملي ايه دلوقتي
هادور عليه اجابت بهمس
هتدوري على مين آدم ممكن يكون في أي حتة هو قرر يختفي أكيد راح مكان محدش يعرفه
حبيبة! أنا فاهمة كلامك بس لو كان حاسس زي ما أنا حاسة أكيد هيروح مكان كنا فيه سوا قبل كده! هيبعد عن الكل بس مش عني!
تمام.. تمام!! هو بيحبك وبيموت فيكي وكلنا عارفين ده بس عمرك روحتي معاه مكان لوحدكوا سوا قبل كده! سألتها بحيرة
آه.. روحنا يخت بتاعه مرة قبل كده ومرة روحنا شاليه بعيد كده شوية كان بيشوف البحر على طول أظنه راح هناك بس اختفى قبل كده ولما سألته لو كان راح نفس الشاليه قالي لأ
خلاص ماشي هنروح اليخت الأول وبعد كده نروح الشاليه أنتي فاكره هو فين ولا عنوانه فين
أنا عايزة أعمل ده لوحدي يا حبيبة كفاية إنك جيتي لغاية هنا عشان تاخديني بس أنا عايزة الاقيه لوحدي هو بعد بسببي ودلوقتي أنا اللي لازم الاقيه
أنا مش هاسيبك لوحدك أنتي يا دوبك لسه جاية لا يا شيرين مش هاينف..
أرجوكي.. قاطعتها مسرعة أنا عارفة انتي بتقلقي عليا ازاي وصدقيني لو احتاجت حاجة هقولك أنا مش عايزة أتناقش في الموضوع ومش عايزة أضيع وقت أكتر من كده
خلاص زي ما تحبي أخبرتها حبيبة وقد شعرت بالڠضب
متضايقيش مني أرجوكي أنا مقدرة اللي عايزة تعمليه عشانيوكل اللي عملتيهولي بس مفاية لغاية كده مش عايزة أتقل عليكي بمشاكلي أكتر من كده
أنتي يا إما عبيطة يا إما اټجننتي ازاي بتقولي كده أنتي أختي يا شيرين اياكي تقولي كده تاني
شكرا يا حبيبتي عانقتها وقد أشتاقت لها حقا وشعرت كم هي محظوظة لتملك صديقة