رواية جديدة الفصول من 25 للاخير

صاصا يا دكتور مصعب
تنحنح مصعب اخيرا وهمس بمنيرة
بلاش صاصا يا حبيبتي...قدام الناس دكتور مصعب....هتقللي من هيبتي كدا.....
جلست منيرة واضعة قدما علي قدم وهتفت 
حبيب قلبي صاصا ....نور عيوني وحياتي كلها....مدام سلمي مش غريبة يعني ادلعك براحتي قدامها واحضنك كمان ....اظن اننا في بيتنا ....يبقي لازم نكون علي راحتنا .....المهم نعرف الأول سبب الزيارة الغير متوقعة دى ايه
نظر مصعب نحو سلمى بتساؤل حائر غير منطوق ....لتجلس سلمي هى الاخري دون انتظار دعوة وتضع قدما علي قدم وتهتف 
معرفش حد هنا وصعب انزل فندق لوحدى فى الوقت كدا ...فأول واحد فكرت يساعدني زى ما طول عمره بيساعدني هو الدكتور مصعب....بس هي دى كل الحكاية ....
ونظرت نحو مصعب في تجري واستجداء ماكر وهتفت برقة
الا اذا كان غير مرحب بيا هنا يا دكتور .....وقتها ياريت لو توصلني لأقرب فندق ...ويارب نلاقي فندق فيه غرف فاضية دلوقتي....اهو ندور لحد ما نلاقي.....
ردت عليها منيرة بسرعة غامزة
تدوري وبيت اخوكي موجود ...ابدا محصلش حضرتك هتباتي معانا هنا النهاردة ....اتفضلي اهو ليلة والسلام ....
أمسكت منيرة بيد مصعب واسرعت به نحو غرفتهما هاتفة 
اتفضل حبيبي انت ....هى واحدة ست عيب تقف تتكلم معاها كدا ....انا هقوم بالواجب وزيادة وهخلي ليلة أهلها اسود منقط بكحلي علشان تحرم تقرب من حاجة علي أسمي أنا ....أنا مدام صاصا ....يوووه قصدى مصعب.....
دخل مازن المطبخ متثاءبا بقوة.....ليرى والدته تقف باكرا تعد اشكال وأنواع مختلفة من الطعام ....نظر مازن الي كميات الطعام الرهيبة وهتف متعجبا
خير يا ماما هو احنا عندنا مجاعة ....اقصد عزومة كالعادة النهاردة ....ما خلاص من يوم ما اتجوزت سمر ومنيرة واحنا شبه أسبوعيا عندنا مجاعة حقيقة ....فراخ داخلة الفرن ....بط بيدلع جوه البرام .....حمام بيطير في الطواجن....فهميني يا ماما هو احنا بنجوزهم علشان نرتاح ولا نزغطهم هم واجوازهم كمان ....ميزانية البيت اټدمرت يا ست آمال ....تعالي شوفي الجمال....
ضړبته امه علي رأسه ضړبة خفيفة لكن موجوعة وهتفت بغيظ 
بطل رغي عالصبح....وشيل الفطار وصله لزوج اختك زمانه جاع....اتأخرنا عليه بالفطار...آه وخبط قبل ما تدخل....
جز مازن علي اسنانه وهتف 
ودا يتسمي افطار يا ماما ....والله بابا له الجنة هو وأي حد يخلف بنات ....انا بس أخطب وأتجوز واخلص تاري....واللي اتعمل فينا لازم بتعمل هو دا الحق....حصل يا ماما
ابتسمت أمل بطيبة وحب وهتفت بدعاء 
يارب افرح بيكم كلكم يا مازن ...يلا حبيبي خد الاكل وخبط علي كمال علشان اكيد مكسوف يخرج من غرفة الضيوف
شهق مازن هاتفا بإنكار 
ايه.....مكسوف!!! بتتكلمي بجد يا ماما ...كمال ومكسوف يتجمعوا ازاي في جملة دول .....ما علينا شيل الفطار يا مازن ودى الفطار يا مازن....ما هو مازن خدام العرسان كلهم ....بالدور يا عرسان بالدور ....عقبالي ما أكون عريس يااارب......
دخل مازن لغرفة الضيوف ليجد كمال ينظر للسماء مخاطبا نفسه
طب انا كنت ناسي ان النهاردة الجمعة .....يعني مفيش شغل ....اووووف يعني مفيش مسك أيد رضا واركبها اتوبيس الشركة....طيب مين هيشتري السندوتيشات من برا ويجهز احلي سلطة طحينة مع خيار مخلل زى ما بتحبه....اتضرب اليوم يا كمال ....يا خسارة تخطيطك لأول يوم بعد كتب الكتاب ...
نظر اليه مازن وعينيه ووجهه يرتسم عليه اسمى معاني الذهول والتعجب والاستنكار وهتف 
ټخطف مين يا كابتن تصدق هنعمل عليك حظر تجول وهنركب متاريس كمان واعمل حسابك رضا اجازة الأسبوع دا من الشغل ....الله يكون في عونك يا اختي 
اقترب منه كمال هامسا في حرص واهتمام 
مازن حبيبي والله ...ليكي عندى تلت تذاكر سينما حكاية ....بس قولي الأول رضا صحيت من النوم ولا لسه ...ادخل اندها الله يباركلك....والتذاكر وحاجات تانية كتير هتكون ليك
مط مازن شفتيه وهتف بهدوء
مبحبش السينما......ورضا لسة نايمة بس ممكن تصحي لو التذاكر كانت للماتش الجاي ...ايه رأيك deal or no deal متفقين ولا لاء
هز كمال رأسة فى رضا وهتف بسرعة
تذاكر للماتش وغدا لتلت أفراد في افخم مطعم وتقنع عمى نخرج انا ورضا نتعشى بره النهاردة ونحتفل بكتب الكتاب ....ايه رأيك  
فتحت مريم عينيها لتسمع صړاخ وصياح