رواية جديدة الفصول من 25 للاخير

وسعادة حقيقية وهتفت بمكر انثوى غريب علي طبعها
ولا يهمك يا حبيبي ....نعتبر الليلة ليلة ډخلتنا عادى ...فين المشكلة 
فغر كمال فمه وهتف بصوت مبحوح من شدة الإثارة 
رضا ....اسكتي حالا والا هخطفك ونسيب الفرح وأصحاب الفرح ونروح نفرح احنا ولا اقولك يلاااا....
هزت رضا رأسها في يأس من تصرفاته وربتت عليه كطفل صغير تهادنه......
مال مصعب نحو منيرة وهتف وعيناه تلمعان بمكر شديد وهتف
يا تري موضوع الشراب تحت قميص النوم اللي نفس الدرجة ولايق عليه تقليد عائلي ولا حصري النمرة منيرة بس
ضحكت منيرة بسعادة وهتفت پجنون 
لاء طبعا حصري يا دكتور وفي عرض حصري ليك النهاردة احتفالا بزواج آخر بنوته في بيتنا بيت العوانس......
اقترب حمدى من أمل ليحتضنها بحب ويغمز بشقاوة تصغرة عشرات السنين وهمس لها
ايه هبقي جد وأية يعني يا ست الجدة ....يا بنتي انا لا ممكن أعجز....هم بيقولوا السر فين........
جلجلت ضحكة أمل وهتفت لتغيظه بطريقتها
يا سلام علي يدى...
لا يمكن تعجز يا جدو .....امال مين كان ېصرخ من ۏجع ركبته بالليل وناقص نعمل زى الفيلم ادهني بالراحة ايديكى حنينة يا بنتي ....
عاد لاحتضانها بقوة وهمس محاولا اغوائها 
بزمتك.....انا افضل كتير من شباب اليومين دول آخرهم عيل ونص ويصرخوا ويقولوا مسئولية....لكن انا بعون الله مخلف سته يا حبيبتي......
نظرت نحوه أمل بحب شديد وهتفت برضا عن حالها
انت الخير والبركة يا حمدى ....يديم وجودك بينا يا ابو العيال وتفرح باحفادك كمان.....
غمزها في وقاحة لا تليق بعمرهما هاتفا
حاليا انا عاوز افرح بنفسي يا ام العيال ولا اية حكايتك ....ناوية تضحكي علي ....دى الليلة ليلتك يا ام العيال ....عاوز اتأكد ان ركبتي خفت يا امولة.....
قهقهت أمل بصخب وهتفت
اتاكد يا ابو العيال خفت وبقيت عال العال ....احنا هنجوز البنات ونغير منهم ولا ايه 
يا سلام كلهم عرسان وانا اللي راحت عليا ....لاء طبعا انا ابو العرايس وسيد العرسان كمان.....
نظرت فاتن نحو عائلتها المتجمعة في حفل زفافها لتتنهد في راحة وسعادة وتحمد الله على زيجات اخوتها وكرم الله بأزواج صالحة تهتم بزوجاتها وتراعي شعورهم.....
مال نحوها آسر هاتفا بخفوت 
قمر ما شاء الله يا مراتي ....اخيرا انعم رب العباد عليا بيكي ....حقيقي فرحان اوي وناوي ان شاء الله اتبرع بنص مرتبي لمدة أربع شهور من كتر الفرحة
هزت فاتن رأسها في غيظ وجزت علي أسنانها هاتفة
طول عمرك ذكى وبتفهم ما شاء الله....ياربي محظوظة انا بعريسي......نص المرتب يا ناصح ....طب نكمل باقي الشهر ايه سلف ودين !!!!!....
ضحك آسر بصخب واقترب من وجهها قرب مهلك و لمس بشفتيه خديها لتضربهما حمرة الخجل مباشرة وأضاع اللحظة الرومانسية مرة اخري حين هتف 
اول مرة اعرف انك مادية للدرجة دى يا فاتن!!! ....عالعموم هقولك نص المرتب هعمل بيه ايه اول تلت شهور يا مادية....
ابتسمت فاتن وهتفت بسخرية 
حدد يا كابتن....تلت شهور ولا اربعة 
ابتسم آسر وهتف في صدق
جمالك ينسي الواحد اسمه مش شهر واحد ....عالعموم انا ناوي اهادى الولاد أخوات ياسين بلبس العيد ليهم كلهم ....وكمان كام دسته كشاكيل علي أقلام اهو مجرد مساعدة بسيطة واعتراف مني بعظمة شخصية مكافحة وقوية ومضحية زى ياسين.....
ارتجفت شفتا فاتن في تأثر شديد وهتفت في خوف
لكن ياسين هيرفض....انت عارف كرامته عنده بالدنيا....
نظر نحوها وهو يكاد يلتهمها بعينيه وهتف بخفوت 
اطلعي منها انتي انا هجيب هدايا للاولاد مش هديله فلوس صدقة لا سمح الله....هدية والنبي قبل الهدية.......
زادت ابتسامة فاتن الجميلة ورفعت عينيها نحو السماء حامدة شاكرة معترفة بفضله ونعمته ....لتنظر نحو عائلتها مرة اخري وتهمس في نفسها بسعادة
خلاص انتهينا من اجمل بيت كنت فيه وهيفضل فيا طول عمري ....بيت الكل فيه في ضهر التاني بيحب التاني ويدافع عنه .....بيتنا .......بيت العوانس........
٠٠تمت بحمد الله ٠٠
ووصلنا للنهاية. ام هي فقط البداية لا أدرى ولا أحد يدرى كل ما ارجوه ان اكون ضيفة خفيفة عليكم ....اذكروني بالخير ان رأيتموه منى واصفحوا ان رأيتم ما يشين ......
دمتم سعداء وبخير