رواية جديدة الفصول من 25 للاخير

توك كمان هتطلع حنونة على ماما اما الولد هيكون شرير وقاسې ويعذب ماما معه....وممكن يطلع براوى وينساني وكمان بكرا يتجوز ويحب مراته اكتر مني صح يا مصعب هاه صح
نظره نحوها مصعب وهو تقريبا يبكي من شده الغيظ والحيره ولكنه رد بسرعة حتي ينهي چنونها الذي يثبت انها بصحة جيدة ولم تصاب بأذى شديد من روائح مستلزمات التنظيف 
طبعا حبيبتي .....البنت حنونة وبتحب ماما جدا وبابا كمان بيحب ماما ....يلا يا منيرة نخرج من المكان دا .....انا بتخنق من جو المستشفيات....
ليلة الحناء ...قبل الليلة الموعودة بليلة....
تقف الفتيات الثلاث سمر منيرة فاتن ينظرن نحو رضا بفستانها الانيق جدا جدا.....فستان يجعلها كملكة متوجة .....فستان ضيق من الاعلي مطرز بخطوط ذهبيه عند الصدر علي هيئة وردة متفرعة تتألق كالف شمس في ليلها ...فستان جعل كمال جالسا بجوارها لا ينطق مطلقا بل ناظرا إليها بعيون متسعة وقلب خافق ....تنحنحت رضا ومالت نحو كمال هاتفة بضيق
ممكن أفهم....هو الفستان ماله ....فيه عفريت لا سمح الله.....
جز كمال علي أسنانه وهتف صارخا
ارحميني. ...بصى انتي تسكتي خالص بلاش تتكلمي النهاردة وبكرا ابوس ايديكى يا شيخة سيبني اعيش لحظة من غير ما طوبة تخبط في ام التخيلات بتاعتي.....
مالت نحوه رضا دون أن تقصد ليرفع نظره نحوها واتفاسه تكاد تزهق من قربها الشديد وهتفت بطفوليه متذمرة
طب افهم الأول.....الفستان حلو ولا وحش دا ذوقي واختياري واول مرة حد يشوفه ....الكل مبحلق وساكت كأنهم اكلوا سد الحنك......


ابتسمت سمر وهي تمسك بيد منيرة للخلف قليلا لتعطى الفرصة لآسر للكلام دون التعرض لقذائف منيرة الموجه وخصوصا باتجاه آسر وهتفت بسعادة غامرة 
العرسان هم اللي مجانين يا اعقل بنات حمدى حسين .... الله يرحم ايام عمتك رجاء والدلع اللي دلعتيه ليها ....صحيح ايه اخبارها دلوقتي ....انا شايفة زينب عايشة هنا مرجعتش.....
ردت منيرة بنبرة من يعرف بواطن الأمور كالمعتاد
عمتو لسه تعبانة جدا من الموقف الرهيب اللي هي عملته بايديها....يا سلام لو كانت ناسبت الفتوة وليد كان علم عليها بدرى بدرى بس حرام زينب طيبة وبنت حلال ....وعمتك فاضلها تكة وتطلع برا واظن التكة هتكون من ست الحسن والجمال قنبلة الموسم الممثلة الصاعدة الواعدة سحر ابراهيم....
ضحكت سمر وقبلت منيرة سعيدة وهتفت 
سبحان الله....حاليا احنا في حال ارجعي سنة وشهرين بالضبط ....حالنا كان ازاي يارب يديم السعادة علينا ....وطبعا اول نونو هيوصل هيكون ابنك يا منيرة....
 
بنت انا حامل في بنت ....ومصعب ناوى يسميها أميرة وانا ناوية علي اسم تاني خالص....الصبر بعدين يعرف ....قال يسمى هو بنتي يا سلام...
مال آسر نحو فاتن وتكلم بغيظ حقيقي
ربنا لو هداكي.....كنا حاليا بنستعد لليلة الكبيرة زيهم ......يا بنتي الجواز نص الدين ....
نظرت نحوه فاتن هامسة بغيظ 
لا والله ....ربنا يقوى ايمانك يا عم الشيخ..انسى هنعمل خطوبة بعد أسبوعين