رواية نهي الجزء التاسع

ليس الآن على الأقل.. يجب أن تؤجل المواجهة قليلا.. ولكنها هكذا تكرر الخطأ مرة أخرى.. فلتحاول الشرح بهدوء وهو سيتفهمها ولن يطاوعه قلبه على هجرها تلك المرة بعدما ذاق مرارة فقدانها و.. ظلت الأفكار تموج بعقلها وهي شاردة تماما.. غافلة عن عينين متيمتين بها عاشقتين لكل تفاصيلها ونظرات مازن تتأملها بشغف وقد أغمضت عينيها واستندت بكفيها على سور الشرفة بينما تتطاير خصلاتها الحمراء حول وجهها وقد رسمت ظلال الشمس الغاربة على وجهها تعبيرات شجن وحيرة أثارت تعجبه فترك كوب العصير الذي كان يحمله وتوجه نحوها مستمتعا برجفة جسدها المتأثرة به.. تأثرا أصبحت لا تهتم باخفائه عنه في الفترة الأخيرة بل تكاد تصرخ معلنة عن وقوعها تحت تأثير جاذبية زوجها المهلكة.. طبع _
لسه ما غيرتيش هدومك.. يادوب نلحق ميعاد العشا.
لفت بجسدها لتواجه عينيه وتطوق عنقه بذراعيها هامسة_
ينفع نسهر في الشاليه هنا وما نخرجش!
توسعت عيناه للحظة وهو يحاول التأكد من طلبها الذي أكدت عليه بايماءة موافقة ..
نيرة..
أغمضت عينيها بخجل لم تدعه فهي تستشعره معه دائما فعاد يهمس باسمها وهو يرفع ذقنها قليلا_
نيرة.. افتحي عينيك..
رمشت قليلا قبل أن تفرق جفونها لتقابلها نظراته العاشقة وهمسه المتردد_
متأكدة يا نيرة.. أنت كويسة..
أجابته بابتسامة خجولة ولكنها واثقة له حبها الواضح حتى ولو تلكأ لسانها في التعبير عن مشاعرها
بحبك.. بحبك يا نيرة يا حب عمري كله..
وأخيرا بعدما هدأت العاصفة تحرك مازن مبتعدا عنها قليلا بينما انطلقت منها همسة متوسلة بدون إرادة منها_
مازن.. ما تبعدش عني..
أنا هقوم أجيب لك العصير بس.. ما تقلقيش ما فيش قوة تقدر تبعدني عنك الليلة..
_
أنت كويسة..
أومأت برأسها وهي تبتسم بشقاوة_
جرى ايه يا مازن هو أنا عروسة جديدة لسه!
.. تعلم أنه منحها الليلة قلبه وكيانه بالكامل وجاءت همسته لتؤكد مشاعرها وتزيد من احساسها بالذنب_
أيوه.. الليلة أنت عروستي.. اعتبري الليلة بداية حياتنا سوا..
لم تعد قادرة على الكتمان.. لتصارحه ويبدآ معا بداية حقيقية تلك المرة_
مازن.. أنا..
_
بحبك با نيرة.. حبك هو الشيء الوحيد اللي ثابت جوايا.. يمكن حبي ليكي اتقدر من قبل ما نتولد احنا الاتنين.. دايما كنت بالنسبة لي شمسي اللي بتنور دنيتي.. لا.. شمس ايه.. أنت أساسا دنيتي كلها.. الحب بيبدأ مع نيرة.. وعمره ما هينتهي أبدا يا حبي.. ساعات بحس أنه قدري.. قدري أنك تكوني ليا.. وأحلى قدر..
هقولك على حاجة ما حدش يعرفها أبدا.. أنا كنت بدأت أجهز ورقي للهجرة لما اتخطبتي.. كنت مقرر أني أسافر بعد فرحكوا على طول..
ابتسم بشجن وأكمل_
مش عايز أفكر في الأوقات دي تاني.. أنا كنت بټحرق من جوايا مع كل لحظة بتمر وأنت مش معايا.. وبعد جوازنا.. قلبي وعقلي كانوا هيجننوني معاهم.. كنت بهرب منك ليكي.. عقلي بيقولي ابعد وقلبي بيشدني شد ناحيتك.. طاوعت عقلي لأني كان ممكن اټجنن فعلا لو سيبت مشاعري ليكي تتحكم فيا.. ضغطت على نفسي كتير وأجبرتها على البعد.. لحد.. لحد اللحظة اللي كنت هفقدك فيها.. يااااه..
سكت قليلا ليبتلع غصة كادت أن ټخنقه_
لحظات سودا ما أتمنهاش لألد أعدائي.. لحظات قلبي كان پيصرخ ويتقطع ويلوم عقلي.. كان پيصرخ فيا ايه معنى حياتك من غيرها.. انتقمت لكبريائك وكرامتك.. ضيعتها وعاقبتها.. ياه يا نيرة.. أنا كان ممكن اقدم أي حاجة وترجعي لي تاني.. بس تكوني موجودة في دنيتي..
هز رأسه پألم وكأنه ينفض عنه ذكريات تلك الأيام أكمل همسه_
خلاص الأيام دي عدت واحنا دلوقت مع بعض فعلا.. وهنبدأ حياتنا صح.. و..
الټفت لها ليفاجئ بدموعها ټغرق وجنتيها مما دفعه لسؤالها بهلع_
نيرة.. في ايه!.. ليه الدموع..
استمرت في نحيبها وهي تهز رأسها المزروعة رافضة مواجهة عينيه حتى كاد أن يجن من القلق فابعدها عنه پعنف صارخا_
في ايه يا نيرة.. اتكلمي..
همست من بين دموعها_
أنا ما استحقش.. ما استحقش الحب ده كله.. أنا..
هتف بها_
أنت ايه..
_
أنا آسفة.. آسفة.. مازن.. أرجوك افهمني.. أنا كمان كنت عايزة أعمل أي حاجة ترجعك لي.. وأنت خلاص كنت قررت.. وناوي على الانفصال.. ما كانش ممكن أسمح لك تبعد و..
أمسك بمرفقيها متسائلا بتردد_
وايه.. قصدك ايه..
هزت رأسها لتحاول ترتيب أفكارها قبل أن تهمس_
اللي حصل كان سوء فهم.. كا..
قطع كلماتها بحيرة_
سوء فهم!!
عادت تردد كلماتها الجوفاء_
أقصد سوء تقدير.. أنا.. الغيبوبة حصلت ڠصب عني.. بسبب دوا الحساسية اللي أخدته بالصدفة.. أنا بس كنت عايزة أوصلك أني محتاجة لك في حياتي و.. كنت عايزاك تعرف أني مهمة في حياتك وأنك ما تقدرش تستغنى عني و..
نفضها من بين يديه فارتمت پعنف على الفراش بينما نهض هو بقوة متسائلا بذهول_
يعني ايه.. كانت لعبة!.. لعبة تانية من ألعابك عشان تجيبيني راكع تحت رجليك!..
همست بضعف_
مازن.. افهمني..
قاطعها بقوة_
أفهمك!.. للأسف أنا فهمتك كويس.. أنا أكتر واحد فاهمك في الدنيا دي.. أنت عايزة تاخدي كل