رواية حازم الفصول من ستة وعشرون لثلاثون

نتفق كده هيكون بعد اسبوعين
حسناء بنبره تحمل بعض الارتياح طيب كويس هنلحق نجهز براحتنا
حازم ان شاء الله و انا هساعدك في كل حاجه ونخلص بس العمل ده و ماما و نرمين هيجوا يتفقوا معاكي هتعملي ايه علشان يساعدوكي و ربنا يجازيكي خير علي موقفك ده و عقبال يارب ما نعملك قريب يارب
ردت عليه حسناء بصوت يفجر بين حروفه غيظ مكبوت انت معندكش ډم مش عندك اي احساس دي دعوة تقولهالي ايه يا اخي حرام عليك انا اقدملك خير و انت تردهولي بالشړ اتقي الله يا ظالم
فاقت من شرودها علي صوته صحيح انتي جبتي فلوس الفستان و القماش ده منين
حسناء بارتباك من معايا
حازم مش انتي اعطيني الفلوس اللي معاكي علشان تبقي نصيبك في الشركة
حسناء ما كان معايا حسبه احتياطي 
قاطعها حازم احسبي انتي صرفتي كام و اول ما اطلع من ظروف شبكة نور تاخديهم
حسناء باستحياء لا دي هديتي لنور مش هاخد حاجه
حازم نعم لا طبعا كفايه وقفتك جنبي و حرصك علي سعادتها دي اكبر هديه 
حسناء لا ده واجب عليا انتوا ياما بقدمولي و انا عايشه من خيركم
حازم بصوت ينبض بحب مخفي بين الحروف بحياء عيب يا حسناء انتي واحده مننا والله انتي عندي زي نرمين
زجرته حسناء ثانية نرمين نرمين بس و انا اللي بقول انت الضحكة اللي منوره حياتي و انت القلب اللي محببني في ايامي انت الورده اللي مجمله دنيتي و انت تقولي نرمين بجد قليل الذوق
فاقت من شرودها علي مزاحه و هو يتململ في جلسته بشكل كوميدي طيب بما انك معاكي فلوس يعني معكيش سلفة أحلق شعري
ابتسمت و قالت تحت امرك معايا ثلاثه جنيه الا ربع
تابع بجديه مصطنعه لا ده مبلغ كبير خساره يابنتي هاتيهم احطهملك في نصبيك في الشركة
قالت هي الاخري بنفس اللهجه لا متقلقش انا معايا خمسه جنيه وبريزة عامله حسابي هحطهم في الشركة
حازم و هو يبتسم لمبادلتها مزاحه يعني مسألتنيش علي الشركة و لا عملت ايه و لا وصلت لحد فين 
حسناء صحيح الشركة اللي لسه مردتش عليك مردوش
حازم بلهجة تبرز مدي فرحته بنجاحه لا ردت الحمد لله ردت الاسبوع اللي فات و اللي انتي كنتي زعلانه فيه ومقموصه و مخصاماني زي العيال الصغيرة
ابتسمت بحياء و قالت انا مكنتش زعلانه ولا حاجه انا كنت بس مشغوله في الفستان
حازم معترضا بمزاح وهو يشير بسبابته بالنفي لا لا كنتي زعلانه و مقموصه يا ام قمصه
حسناء علي فكره انا والله مش بزعل من اي حد الزعل ملهوش لازمة انت بس اللي بزعل منه
رفع احد حاجبيه باستنكار بعدما احدثت العباره الاخيره صدي رنين تنبيه بقلبه اشمعني انا 
تداركت حسناء زلة لسانها اللعېن فتفجرت عروقها تبعث بالډماء لوجهها الڤاضح في الحال وتوترت جلستها وتضارب انفاسها حاولت البحث عن اي حروف تجمعهم لتحصل علي كلمة تخرج بها من موقفها الحرج ولكنها لم تجد سوي كلمة واحدة خرجت بالكاد من بين شفتيها المرتجفتين يعني
وقف قلب حازم يرقص و يقفز و يزرغد من مظهر حسناء الفوضوي هذا وكان كمن يتربص له ليأخذ عليه حجه بشئ يكتمة داخله ولكن يبدو ان التوتر ذاته بدأ يتسرب لحازم وأعراض الحب المكبوت داخله تتسرب عبر نظراته تململ في جلسته و مسح شعره بيده ثم هم ان يتحدث بشئ مشابه لما قالته بل و اكثر فكثيرا ما تمني ان تسنح الظروف له بذلك و لكنه سمع صوتها يخرج من فمها ضعيف هزيل مهتز ببقي خاېفه تتخلي عني و ارجع اضيع في الدنيا لوحدي
تبدل حال حازم فورا من الهايم الولهان و لصنم مصډوم كأنه تعرض لصدمه كهربائية فبعد ان ظنه اعتراف غير مباشر لحبها اكتشف انه مجرد سکين مغروس بقلبها يؤلمها كل لحظة و يتزايد عندما تخاف من خسرانها وجوده و بقائها و حدها 
نظر لها بعدستي عينيه المتسعتين بشده و ترك مابيده علي المنضدة و قال لها بدهشة و كلماته تخرج من قلبه لا اراديا و ليس من لسانه ونبرة صوته تنتمي لعالم العاشقين نعم حسناء ايه اللي انتي بتقوليه ده اياك تنطقي الكلام ده تاني ابدا ابدا انا لا يمكن اتخلي عنك في يوم و لا اقدر استغني عنك حسناء انت جزء لا يتجزأ من حياتي بل انت اهم ما في حياتي كلها انا اه كنت في البدايه حاسس انك واحده غريبه لكن دلوقتي انتي جزء مني انتي جزء من لحمي و دمي انا حياتي من غيرك ما تكملش و انتي الوحيده اللي بتفهميني و بتقدريني و بتحسي بيا و بتدعميني في كل حاجه ... و تيجي تقوليلي اتخلي عنك....... ارجوكي يا حسناء امحي التخاريف دي من دماغك نهائيا والله لو حسيت انك خاېفه في يوم من اني اتخلي عنك يا حسناء هزعل جدا جدا
صمت برهه ثم