رواية شيرين الأول الجزء الاول

الناس بتقول عليه ايه وسمعته عاملة ازاي لو مكناش في بلد شرقي كان زمانه ممثل إباحي.. طب مسمعتوش إدعاءات الإغتصاب والتحرش اللي نازلة ترف عليه لا لأ.. ما تقولوليش إني لازم أشتغل معاه.. يعني أنا بعد ما أتعرض عليا أشتغل مع ممثلين كتير مشهورين وناجحين ترسى في الآخر على آدم رأفت ده أنا مش هانزل للمستوى ده أبدا مش هاشتغل معاه حتى لو ده الحل الوحيد قدامي!! أخبرتهما بحزم وتصميم غاضبة وهي رافضة تماما ما سمعته....
بارت 3
شيري أرجوكي اهدي كده شوية واسمعيني همس يوسف بجدية وهو يحاول أن يناقشها
متقوليش اهدى ولا اسمع!! عايزني ازاي اهدا بعد اللي أنا سمعته! أنت عايزني أشتغل مع واحد زي ده.. ده براحة كده يبقا قۏاد.. إنسان تافه ومفيش غير البنات التافهة الصغيرة هي اللي بتشجعه وبتشوف أفلامه كل جمهوره بيبقوا مستنين يشوفوه بيبوس واحدة ساڤلة ولا يتحرش بيها في فيلم من أفلامه.. ده كفاية اللي سمعناه عنه.. طب بذمتك عايزني أشتغل مع واحد حقېر أغتصب خطيبته طب شوفت كام ممثلة تانية قالوا إنه پيتحرش بيهم أنت مصدق يا يوسف الكلام ده عايزني اهدى ازاي صاحت به وعسليتاها تكاد ټنفجر من الڠضب
خلصتي صاح سائلا اياها وهو يتفقد تلك العسليتان بينما سكتت شيرين ونظرت ليوسف پغضب وتعجب بآن واحد أما حبيبة لم تتجرأ على الحديث أو

النطق بحرف.
أنتي عارفة كويس إنك بالنسبالي أختي وصاحبتي ومش هارضى حد يقول عليكي كلمة وسمعتك بالنسبالي مهمة وعمري ما هاقبل أسمع عليكي حرف نظر لها بحنان أخوى وخوف عليها أول حاجة لازم تعرفيها إن التصريحات دي بتاعت الإغتصاب والتحرش كلها غلط وهتتكذب قريب.. وتاني حاجة هو مكنش ليه مدير أعمال قبل كده غير مراد رأفت.. عارفاه! تفقدها وهو يحاول أن يستشعر انتباهها وتقبلها لمجرد المناقشة بالأمر
آه عارفاه.. سمعت عنه كده مرة ولا مرتين أجابته على مضض
طيب.. آدم رأفت بعد كل اللي بيتقال عليه ده هو إنسان غامض لا بيصرح بحاجة ولا بيعمل مقابلات حتى ولا حتى مهتم بال Social Media أظنك أنتي عارفة ده كويس وبالرغم بقا من كل الحاجات ديه أفلامه لسه لغاية دلوقتي إيرادتها كبيرة أيا كان محتواها إيه بس لسه بتنافس والناس مبتبطلش تتفرج عليها يعني هو كممثل لسه مشهور وشاطر وناجح أخبرها ليحاول إقناعها
اللي هي أفلام قڈرة وحقېرة ومفيهاش غير رومانسية تافهة بتشد البنات مش كده!! ردت بسخرية
شيري يا حبيبتي متقلقيش محدش هيقدر يتعرضلك ولا يأذيكي ولا يهوب ناحيتك أنا جنبك وكمان حبيبة جنبك وعمرنا ما هنسيبك لو حاجة حصلت حاول أن يطمئنها
لو حاجة حصلت! وأنا لسه هستنى حاجة تحصل! لا أنا مش هستنى لما حاجة تحصل ولا يلزمني أصلا أشتغل مع واحد زيه صاحت بإصرار قاطع
حاول بردو يا شيري تعرفي إننا بنتكلم عن شغل مش عن Relationship بين اتنين بيحبوا بعض أردف يوسف لتتعجب شيرين مما يقول
تقصد ايه عقدت حاجباها بإستغراب
بصي أخذ نفسا عميقا وأمسك يدها في ود أخوي أنا من أكتر الناس اللي يعرفوا أنتي حبيتي كريم ازاي ووقفتي جنبه وتعبتي علشان تشوفيه حد كويس وعارف بردو كان نفسك تشوفيه ازاي والناس يشوفوه ازاي وعارف إنك عافرتي عشان الناس تعتبره حد موهوب ويبصوله بإحترام ويعتبروه ممثل ناجح وشاطر بالرغم من أن سنه صغير.. بس آدم حاجة تانية آدم رأفت جمهوره أكتر من جمهور كريم لطفي بكتير والكل في المجال وحتى الجمهور يعرفوا كده وأنتي مش هتتعبي مع آدم كده وكل اللي عليكي بس إنك تركزي في شغلك طول مدة العقد ما بينكم وبعد ما العقد يخلص نبقا نشوف هيحصل ايه! حاول إقناعها بأسباب رآها منطقية من وجهة نظره وستستطيع هي تفهمها نظرا لخبرتها بالمجال
يوسف .. أنا مش..
اعتبريها بداية جديدة وتحدي جديد قاطعها وربت على كتفها بأخوة وأنا هساعدك متقلقيش أنا عندي أفكار أفلام جديدة مختلفة عن اللي هو بيعمله وأنتي شاطرة وهتقدري تقنعيه إنه يمثلها.. بس خلينا نسيب ده لقدام شوية لسه مش عارفين هيحصل ايه
طيب تنهدت بيأس وبعد محادثتها مع يوسف يبدو أنها لا تملك حلا آخر سوى العمل مع آدم! لربما يكون ملجئها الأخير لتستطيع إثبات نفسها!
فيه حاجة كمان لازم أقولك عليها! حمحم وظهر عليه الاضطراب
فيه ايه يا يوسف نظرت له في تعجب من ملامح الإرتباك التي ظهرت عليه
يعني.. بعد التصريحات بتاعت كريم اللي ملت المواقع والجرايد والدوشة بتاعت الصحافة والإعلام عليكي هيخلي الموضوع صعب شوية بس..
نعم!! موضوع ايه اللي هيكون صعب بادرت وسألته بإستغراب مرة ثانية وعقدت حاجبيها في استفسار خاصة عندما شعرت بأنه يحاول أن يوصل لها خبر ليس بجيد على الإطلاق
أقصد شروط العقد ومرتبك وحتة ال control بتاعت حساباته في البنك والتفاصيل دي.. بس أوعدك إني هاعمل كل اللي هاقدر عليه علشان خاطر أضمنلك حقك تريث وهو يتفقدها في