رواية جديدة الفصول من 13-18

الله يكرمك ....هنا في نظام ومواعيد ...واللي بيتأخر يفضل لوقت الغدا جعان 
فتحت مريم عينيها وهمست في ضعف ومسكنة
معلش يا اخويا ...تعبانة من السهر طول الليل ...ممكن يا نور عيوني تحضرلي الفطار وتخليه في المطبخ لحد ما اصحي بعد شوية
أنعقد حاجبا ياسين وظهر الڠضب علي وجهه وثار كلام سمر في رأسه وكم دلعها حتي وصلت لهذه المرحلة وهتف من بين أسنانه مغتاظا
مريم ...بلاش دلع ...اتحركي ...سمر من ساعة كامله بتحضر فطار واكل لتسع اولاد ومعاهم بنتك اللي رايحة معانا المدرسة وحضرتك نايمة ...اتحركي بسرعة مفيش وقت 
قفزت مريم من علي السرير بسرعة ودموعها تسبقها وهتفت پبكاء شديد
خلاص ...خلاص ياسين ..كرهتني کرهت مريم اختك وبنتك حبيبتك ...تعبانة من السهر طول الليل وكمان ضيفة عندك ...فيها ايه لو الهانم حضرتلي الفطار مرة ...هي دى اخرتها ...مراتك اغلي عندك مني
دلفت سمر للغرفة بهدوء ونظرت لمريم هاتفة ببساطة شديدة 
سلامتك يا مريم يا غالية ....تعبانة ليه بعد الشړ عليكي ....امممممم من السهر ...تصدقي عندك حق...بس أنا هحل المشكلة دى فورا ..
تحركت سمر بسرعة واقتربت من طاهر وقامت بلمس خدوده وجبهته بطريقة معينة ليفتح الصغير عينيه مبتسما مادا ذراعيه لسمر والتي احتضنته بسرعة وقبلته وتحركت به سريعا ناحية الحمام وهتفت بمريم وياسين بصرامة 
اتفضلوا انتوا الاتنين كملوا الفطار بسرعة ...انا هعلمه من النهاردة يا مريم يا حبيبتي يدخل الحمام....علشان يتعود.. معلش هيتعبك الأول وبعدين ترتاحي
ثم لم تلبث أن صړخت فيهما بقوة
اتحركوا....بسرعة ورانا مواعيد شغل..
قفز ياسين ليجذب يد مريم ويتحرك بها صامتا من امام سمر والتي أصبحت في نظره حاليا زوجة الأب التي تقوم بتعذيب الأطفال ...نظر ناحية مريم وضحك هاتفا 
معلش يا مريم ....النهاردة هتمثلي دور سندريلا وأياكي تنطقي.....والا هتنظفي المدخنة من الدخان ...ايه دا ماعندناش مدخنة ...ما علينا ممكن تخليكي تنامي في المطبخ ....اجارك الله من عم سمير لما يقلب..
تحركت سحر بكل سعادة وهي تقترب من شاب وسيم للغاية وبجوارها محمود وتمد يدها وتسلم عليه بحرارة ويقف محمود صامتا متعجبا لا يدرى ماذا يفعل ليقترب الشاب محاولا طبع قبلة علي خد سحر ووقتها تحرك محمود غاضبا وهتف
حاسب يا أخ ...بتعمل اية انت دا مراتي يا دون جوان عصرك
نظر الشاب لمحمود الاستخفاف شديد وهتف بلا مبالاة حقيقة
شو المشكلة انك الزلمة تبعها ...هيك سحر هتكون فنانة كبيرة ومعروفة ...هيك الجمال اتخلق لكل الناس تتطلع فيه ..وتعبر عن حبها ليها بكل طريقة ممكنة ...اختي سحر ما خبرتيه انك ناوية تمثلي الفيلم تبعنا
نظرت سحرلمحمود بغيظ وضغطت علي يده بشدة وهتفت قائلة للوسيم
طبعا عارف وموافق كمان ...بس هو فين العقد ...وفين السيناريو تبع الفيلم علشان اعرف الدور تبعي ...يلا بسرعة أكرم...انا مشتاقة