رواية جديدة الفصول من 13-18

...هي مش واضح عليها انها ملوخية ولا ايه جرب كدة تقطع منها بالسکينة ودوقها هتلاقيها ملوخية والله بس انا اتحمست شويه وتقلت أيدى علشان الملوخية متسقطش في قعر الحلة .....انا دا فشم كدا يا قلبي اعتبره طاجن البامية باللحمة المفرومة....شفت بتعب اد ايه واعملك اصناف كتيرة
نظر إليها مصعب وبدأ بالاهتزاز كاتما 
ضحكاته مع غيظه وغضبه وهتف
بزمتك دى نجرسكوا....دا آخرها نفتح الشباك ونعمل جرس وفضايح علي طبيخ مراتي حبيبتي .....ملوخية يا منيرة يا أمي دى اصلا رافضة تسيب الطبق لا بتتحرك يمين ولا شمال ومعتقدتش السکينة ممكن تقطع فيها اصلا ......اشم اية يا قلبي ....الطاجن شايط يا روحي اشم ريحة الشياط مثلا
عادت منيرة ترفرف باهدابها وبراءة الحمل الوديع تظهر في عينيها وهمست برقة
حبيبي ما أنا قلت لك قبل كدا ...شيل الشفرة اللي علي قنوات الدش وبالذات قنوات الطبخ هتعلم منها واعملك احلي أكل وجرب 
نظر إليها مصعب بغيظ وهتف
يعني ماما ست الكل طول عمرها
معرفتش تعلمك ....هتعلمك قنوات الدش يا منيرة
عادت منيرة تنظر إليه ببراءة وتقول
حبيبي ....طبعا القنوات تختلف ...ماما كانت بتفضل على دماغي ...وانا بحب الحرية واختار الطبخة اللي علي مزاجي واطبخها....عالعموم انا كتبت لك اسماء القنوات الفضائية اللي محتاجاها علشان تفك شفرتها 
امسك مصعب بالورقة التي بها اسماء القنوات وتردداتها وهتف 
ياااه دا انتي جاهزة علي كدا ...وكتبتي كمان ...بجد من غيرك اعمل ايه يا منيرة
ثم أنعقد حاجبيه بشدة وهتف بها متعجبا
ايه اللي دخل القناة دى بالطبخ ....دى قناة.......للدراما....دراما يا جبارة
ابتسمت منيرة ببساطة وهتفت 
في شيف اسمه الشيف..... 
بيكون موجود على القناة دى الساعة اربعة واكلاته ايه جنان روعه يا صاصا..
ونظرت إليه وأكملت بمكر وخبث
لو تعرف تتصرف وتخلي القناة تتشفر باقي الوقت ....وتشتغل بس الساعة والنص دول ...انا موافقة
ونظرت إليه وغمزت بعينيها الجميلة الخبيثة
هو أنا ليا غير راحتك ورضاك ...وهتعلم الأكل الحلو علشانك يا صاصا يا حبيبي
فتح محمود عينيه بسعادة وهو يتطلع لسحر بجواره ...جمالها الآخاذ ودلالها الذى كاد أن يطيح بعقله ليله الأمس وتذكر كيف تسلل من البيت في هدوء ليخرج للمطار مباشرة في رحلة اجمل من الخيال ....وكم يشكر سحر علي هذه المغامرة الفريدة من نوعها ...ثم لم يلبث أن عبث مفكرا بحال والدته...وكيف ستتقبل الموضوع...وهز رأسه بعدم اكتراث...لقد تزوج من اختارت ...فليس من حقها الاعتراض الآن....تململت سحر لتفتح عينيها الجميلتين وتنظر لمحمود بهمس مغوي
صباح الخير علي احلي واجمل عريس في الدنيا ....يلا حبيبي نلبس ونخرج علشان نشوف لبنان وجمال لبنان وخصوصا معايا مشوار مهم هيغير حياتنا أنا وأنت للأبد ..
تفاجأ محمود وهمس بحذر محاولا التماسك أمام جمالها ورقتها ودهائها 
مشوار اية يا سحر اللي في لبنان انتي تعرفي حد هنا
ضحكت سحر وقبلته قبله