رواية جديدة الفصول من 13-18

محله
أغمضت رضا عينيها بيأس وهتفت بصوت هامس لا يسمع
عملها المچرم الشرير القاسې ....طيب يا كمال ..حسابك معايا بعدين  
فاقت رضا علي سؤال فاتن الحذر الوجل
والعريس دا أن شاء الله لمين حد يطمني الله ربنا يخلي لك أمل اللي رجعت دى لمرحلة المراهقة والهمسات واللمسات المحرمة دوليا 
خبطتها امها بقوة علي صدغها وهتفت بغيظ
يا بنت عيب ....هي منيرة خرجت وسابت لنا شبح في البيت ولا اية عالعموم العريس ليكى يا ست فاتن...
تراجعت فاتن للخلف متقهقرة واضعة يدها علي رأسها وهتفت بحړقة 
هو في اية عرسان البلد اكتشفوا عنوستي المتأخرة وقرروا يفكوها ولا ايه حرام والله حرام عليك يا عم حمدي مش كدا ....دا أنا بنتك ....وأسأل أمل كدا!!!
قهقهة حمدي بسعادة واقترب من فاتن ليحتضنها هاتفا
العريس المرة دي أن شاء الله مختلف ...ربنا يقدم اللي فيه الخير يا بنتي ويسعدك ويبعد عنكم الشړ ...يلا بلاش رط وشوفوا ماما عاوزه ايه في شغل البيت ...اتحركوا يا كسالي وقولوا حاضر ونعم لماما....مفهوم!!
هزت فاتن رأسها بيأس وهمست قائلة
طبعا امولة مدلعاك يا حج حمدي مين قدك حسبي الله ونعم الوكيل فيك يا وحيد...
في حين تنفست رضا الصعداء ووضعت يدها وجلة علي قلبها النابض پعنف وتمتمت 
الحمد لله العريس طلع لفاتن ....كدا كمال براءة....
ثم لم تلبث أن تملك منها الخۏف والقلق مرة أخرى وفكرت هامسة
يعني صرف نظر وربنا هداه ولا قرر يطلع لي بمصېبة جديدة ....ربنا يبعده عني هو وجنانه ابن المچنونة دا
تحركت الفتاتان بكسل وإحباط....لكن هل يسلما من الأم العتيقة الطراز ذات الجذور المصرية العربية الأصيلة...اجبارا وليس اختيارا تم تنفيذ المخطط الاستراتيجي لحملة النظافة المنزلية المعتادة في استقبال أي عريس ...تنهدت فاتن في إحباط وحزن وسألت رضا
يا تري العريس رقم تلاته هيكون شكله ازاي ....حاسه المرة دى هيكون احول او أعرج او أي عاهة مستديمة ....ويا خۏفي تكون العاهة عقلية تبقي جبرنا الحمد لله واتجوزت احلي جوازة والف الف مبروك ربنا يتمم بخير وعقبالك يا رضا
ضحكت رضا بصفاء نية وسعادة حقيقة فرحة بتهافت العرسان علي أختها الصغرى فاتن وهتفت
لاء ...واضح من العڈاب اللي ماما عملته فينا والفستان الأزرق اللي أصرت انك تلبسية يبقي عريس من الدرجة الاولى
نظرت إليها فاتن وهتفت باستهزاء 
يا سلام ...يعني علي حسب لون الفستان بيكون مستوي العريس ...درجة أولي وتانية وتالته كمان ...حقيقي يا رضا عندك قوة ملاحظة جبارة
هزت رضا رأسها بتواضع دون أن تقطن لسخرية فاتن وهتفت
طبعا يا بنتي الالوان الهادية زى الأزرق ودرجاته عشق ماما ...يبقي العريس واخد الرضا السامي....أما لو لبستي البينك وبقيتي شبه عروسة المولد اعرفي انه مش في الاعتبار ....عريس من الدرجة الرابعة كمان
اتسعت عينا فاتن انبهارا برضا