رواية جديدة الفصول من 13-18

الفصل الثالث عشر
فتحت سمر الباب بهدوء حتي لا تزعج ياسين
او توقظ الأطفال ...فهي متأكدة من نومهم 
منذ فترة ليست بالقصيرة ...تنهدت بعمق وراحة وسعادة وهي تتذكر ياسين ...ذلك الشهم الذى له مثيل في كل الرجال وأبتسمت بخجل شديد متوقعة وجود ياسين في حالة استنفار منتظرا لرجوعها....
يا الله كم تحبه وتتمني رضاه و......
قطعت سمر أفكارها وجحظت عيناها ودارات في محجريهما وهي تنظر لتلك المتربعة علي الأريكة تلبس إحدى منامتها المريحة وتستلقي باسترخاء امام التلفاز....
همست سمر بتعجب ودهشة
مريم....خير!! في حاجة حصلت فين ياسين والاولاد ياسيييييين.....

قفزت مريم ناحيتها لتمد يدها تغلق بها
فم سمر وتهتف پغضب
بس اسكتي ....في ايه ياسين بيحاول ينوم ابني طاهر......يعني مش سرقنا ياسين ولا سربنا العيال في حته .....وبعدين تعالي هنا ....في واحدة محترمة وأهلها ربوها تخرج من غير ما يكون جوزها معاها لاء وترجع في نص الليل كدا زى الحرامية....يا ست يا محترمة
تراجعت سمر للخلف ببطء وامسكت
بيد مريم لتزيحها عن فمها وضغطت عليها 
بقسۏة وهتفت من بين أسنانها 
لية كدا يا مريم يا حبيبتي حد برضة يشتم علي نفسه بالطريقة دي فعلا الواحدة لما تخرج
من غير جوزها او أي حد من أهلها باباها مثلا أو أخواتها وتتأخر لنص الليل تبقي
قليلة الأدب وعديمة الاحترام ....هو فين جوزك يا ست مريم ولا وصلتي هنا لوحدك في نص الليل....مستحيل طبعا ياسين يسيب الأولاد لوحدهم ويروح يجيبك من بيتك !
واشتعلت النيران يعيني سمر لتكمل وهي تضغط أكثر وأكثر علي يد مريم التي كانت مذهولة
لا تستطيع الرد وهتفت بقسۏة جبارة
اما بالنسبة لموضوع الحرامية فحضرتك
مين أذن لك تلبسي هدومي وانا غايبة حتي ياسين غلط يديكى حاجتي وانا غايبة....
وبدأ جسد سمر في الارتجاف من شدة الانفعال
وعلي صوتها بنبرة صارمة لا هوادة فيها
او إمكانية للسماح او الرجوع
ياسين....ياسين لو سمحت تعالي هنا بسرعة....
خرج ياسين من الغرفة الجانبية بسرعة 
وهو يحمل طاهر الذى مازال يقاتل كي لا ينام ليرى النيران المشټعلة بعيني سمر والذهول والصدمة 
المرتسمة علي وجه مريم ليتوتر بشدة 
ويبتلع ريقه بصوت مسموع ويهمس لنفسه
هو في اية سمر شكلها غريب ومخيف جدا ...حاسس انها هتاكل مريم وتحلي بيا أنا....استر يارب
نظرت اليه سمر بحدة وتساءلت 
مريم وصلت هنا امتي يا ياسين ويا تري الأستاذ عماد وصلها لهنا ولا في مشكلة وأنا معرفش لا قدر الله 
نظر إليها ياسين بعدم فهم وتعجب وهتف تلقائيا
لاء هى وصلت لوحدها من حوالي نصف ساعة.....ومفيش مشكلة الحمد لله....هي بس عاوزة تغير جو وتفضل ضيفة عندنا اسبوع ....أنا والأولاد اشتقنا ليها وهي كمان.....ودا برضة بيت أخوها مفتوح ليها في أى وقت يا سمر يا بنت الأصول
ردت سمر ببرود شديد 
تمام يعني البيت دا بيت أخوها....كلام جميل ...يعني هي في بيت أخوها مش أبوها كلام منطقي ....أنا ابقي ايه بالنسبه لها