رواية جديدة الفصول من 13-18
المحتويات
تعمل في نفسك كدا ...كل مشكلة وليها حل..
رفع حمدى نظره إليها وهتف بحزن
ليه يا منيرة ليه رضا ترخص نفسها كدا معقولة ترضي بالذل وترضى تكون زوجة تانية نفسي اعرف اية اللي فيه محمود يخليها تحبه بالشكل دا ومستعدة تضحي بكرامتها علشانه
مطت منيرة شفتيها وهتفت بلهجة ساخرة
طويل ...دمه خفيف سم يعني ...مش بينطق وبنتك بتصدع بسرعة...مبتحبش كتر الكلام ...احتمال تكون حاسة انه الزوج المثالي هيبصلها من بعيد وقبله في الهواء ويقولها نامي يا رضا هتنام علطول ...ما انت عارفها بتعز النوم زى عينيها....واهم ميزة انه بيكره السمك وكدا هترتاح بنتك من تنظيفه
ليه كلهم مطلعوش زيك يا منيرة...صحيح لسانك طويل ....واللي كاره ايامه يقف قدامك ...بس بتعرفي تحسبيها صح ..وكرامتك عندك بالدنيا...يا ريتك كنتي راجل ..كنت استندت عليكى من بعدى واطمنت علي اخواتك
هزت منيرة رأسها في يأس وهتفت بغيظ
تصدق يا بابا ...تقريبا انا مفهمتش دا مدح ولا ذم....بزمتك الحلاوة والجمال والدلال دا كله يكون على راجل....مسكين مصعب يروح فين من بعدى طيب مين ينكد عليه ويجننه ويسعده ويفرفشه غيري يا بابا
ابتسم حمدى ابتسامة حانية وهتف بدعاء صادق
ثم اعتدل في جلسته وهتف بلهجة راجية مست شغاف قلب منيرة
فهمي اختك يا منيرة الله يكرمك يا بنتي ...كتب الكتاب هيكون الأسبوع القادم...مبحبش الڠصب بس مجبر يا منيرة مجبر وإلا اختك هتضيع عمرها ونفسها...الله اعلم هعيش لحد امتي عاوز اتطمن عليكم قبل ما أموت
قبلت منيرة يد ابيها ورأسه صاړخة بحړقة
بعد الشړ عليك يا عم حمدي ...ربنا يحفظك لينا ...
وظهر البريق بعينيها وهتفت بثقة ارتفع لها حاجب والدها اعجابا وأكملت
رضا هتوافق وعد ...عمرك ما هتغصب أبدا متشلش هم يا احلي أب في الدنيا ....سيب الموضوع عليا ....
المهم ...قلي يا بابا يا حبيبي ....مين العريس الجاهز لكتب الكتاب وحكايته ايه ويا تري رضا تعرفه
تنهد حمدى وهتف مفسرا أبعاد الموضوع لمنيرة
ايوة ...هو يطول اقوله اكتب الكتاب ...اظن هو مستعد يتجوزها النهاردة مش الخميس ....هو زميلها في الشغل ...بس فيه مشكلة عن نفسي معترض علي فرق السن ما بينهم وافضل الزوج يكون اكبر من الزوجة ....لكن أنا واثق من حب كمال لرضا .....يلا علي بركة الله.....رضا هتتجوز كمال .....
تحركت زينة ببطء والحمل يجعل خطواتها بطيئة واقتربت من ناصر الذي يجهز العشاء داخل المطبخ لتقترب من أذنه هاتفة
حبيبي تعالي شوف هدوم البيبي وسبب البيض والجبنة دلوقتي....اصلا انا زهقت بيض وجبنة الشهر دا...
جز ناصر علي أسنانه وهتف بغيظ شديد
نعمل ايه
متابعة القراءة
