رواية جديدة مطلوبة الفصول من 5-7

في منطقة ما وأوقفت سيارتها ثم نظرت لها كانت ريهام تنظر لها بحنق فقالت إيلين بعد أن تنهدت 
ممكن تسمعي اللي هقولك عليه بس أوعي تقاطعيني عارفه انك مش هتصدقي حاجه من اللي هقولهالك بس والله هي ده الحقيقه وأنا مش بكذب عليكي في حاجه اسمعيني وبس 
قامت إيلين بسرد جميع تفاصيل حياتها على ريهام التي كانت تستمع لها وهي لا تصدق وحاولت أن تجعل قلبها لا ينصت لما تقوله إيلين وكانت معالم وجهها تتغير من الڠضب للكره للحزن وتمتلأعينيها بالدموع لما تسمع وبعد ان إنتهت إيلين من سرد كل ما تريد نظرت لريهام بتوسل قائلة 
والله العظيم ياريهام مابكذب عليكي بصي انا عارفه أنا واحده مجرمه وقټلت قبل كده بس والله العظيم ڠصب عني الظروف هي اللي بتضطر الواحد أحيانا لحاجه مش بإيديه وهي حطتني في مواقف خارجه عن إرادتي بس كل ده في سبيل إني أنتقم وبس صدقيني 
ريهام وهي فاغرة فاها قائلة بتلعثم 
إنتي ...عاوزه تفهميني إ......إنك أخ...أختي 
ردت إيلين بسرعه قائلة بلهفه 
بصي أنا لحد دلوقتي مش متأكده بس ..بس أنا حاسه بكده والدليل تشابه الاسماء وكمان ...كمان الصوره اللي شوفتها عندك في البيت وسألتك عليها أنا كمان معايا شبهها بالظبط وهي ده صورة أهلي أبويا وامي وأختي 
ريهام بغير تصديق 
أنا مش مصدقه ...مش مصدقه حاجه من اللي إنتي بتقوليه ده 
إيلين بلهفه 
عارفه ...عارفه والله انها صډمه بس أنا هعمل تحليل DNA وهتاكد في خلال يومين 
نظرت إيلين لريهام بشوق ثم قامت بإحتضان أختها وسط إستغراب ريهام وعدم إبداء أي رد فعل نحو إيلين قائلة 
الحمدلله يارب الحمدلله 
ابتعدت إيلين عن ريهام قائلة وهي تمسك يديها بجديه 
إنتي لازم ماتفضليش قاعده في البيت اللي كنتي فيه لازم تنقلو حته تانيه عشان محدش يقدر يوصلك أبدا فاهمه 
ردت ريهام بتلقائيه 
طب ويارا
إيلين وهي تعقد بين حاجبيها 
يارا يارا مين 
ريهام موضحه 
ده صاحبتي قاعده معايا وهي شوفتيها بالمستشفى 
إيلين وهي تومأ برأسها 
خلاص اتنقلوا إنتو الإثنين لمكان تاني ماشي 
أومأت ريهام برأسها فقالت لها إيلين 
دلوقتي هاترجعي البيت وتلم حاجتك وتجهزي نفسك بكره هابعتلك حد ثقه ياخدك ويوديكي شقه في مكان تاني هدورلك عليه وتقعدي فيها انتي وصاحبتك عشان أنا للأسف مسافره روسيا النهارده بالليل 
ريهام بتلعثم 
وهت..هترجعي إمته 
إبتسمت إيلين بحنو وهي تنظر أمامها ثم التفتت لها قائلة 
هاكلمك كل يوم وهحاول بعد كده إني أرجع في أسرع وقت 
إبتسمت ريهام إبتسامه جانبيه صغيره وهي تومأ برأسها انطلقت إيلين بسيارتها لتعيد أختها ثم تعود لفرج حيث ينتظرها لقد تأخرت كثيرا
......................................................................
في مقر الشرطه يجلس كلا من عدي وعبدالرحمن الشارد فانتبه له عدي وهو يتحدث فنظر له بغيظ فالتفتت برأسه وأمسك قلم ورماه عليه بقوه وهو يقول 
يا أخي بقى يخربيت شكلك ركز معايا 
انتفض عبدالرحمن من مكانه وهو يقول پغضب 
ايه يا عدي في إيه يا أخي في حد يعمل كده برده 
عدي بتهكم 
معلش ياخويا أصل سيادتك مش معايا وبقالي ساعتين بتكلم وأشرحلك في الھجوم اللي هنعمله وإنت ولا إنت هنا 
عبدالرحمن وهو ينفخ بضيق ويجلس مكانه 
يااخي فصلتني الله يحرقك 
عدي وهو يقوم من على الكرسي خلف المكتب ويلتف حوله ليجلس امام صديقه قائلا بخبث 
قولي يا صاحبي مين اللي واخد عقلك مني ومن شغلك 
عبدالرحمن وهو يتنحنح معتدلا في جلسته 
حم ..حم هاه لا أبدا مشاكل بس 
عدي بخبث وهو يوقعه بالكلام 
مشاكل حلوه مش كده 
عبدالرحمن يشرود غير منتبه وهو يبتسم 
إلا حلوه ياعدي ده قمر 
عدي بابتسامة مكر وقد شعر بأن صديقه يقع في شباكه فاقترب بكرسه منه قائلا 
إوصفلي المشاكل ده يا ابن عمي يمكن أساعدك 
عبدالرحمن ببلاهه 
يلهوي ده مشاكل سوده بص ياسيدي خد عندك مشاكل بشعر أصفر 
عدي وهو يرد عليه بابتسامه صغيره 
اه 
عبدالرحمن مكملا 
وعيون خضره 
عدي وقد ضيق عينيه قليلا قائلا 
اه 
عبدالرحمن مكملا 
وبيضه وزي القمر 
عدي وقد عرف لما يلمح صديقه فقال بغيظ وهو يكز على أسنانه قائلا 
أكلمك أنا إستنى وعندها واحد وعشرين سنه 
عبدالرحمن بغباء 
اه 
عدي مكملا 
وفي رابعه جامعه 
عبدالرحمن بحاله 
ااه صح كمل كمل
عدي بابتسامة مغتاظه 
هكمل ياخويا هكمل وعندها اخين مش كده 
عبدالرحمن كالمغيب وهو يبتسم ناظرا امامه 
يلهوي يا عدي وإيه تاني !
عدي بضيق وهو ينهض ببطئ من على الكرسي ويشمر عن ساعديه قائلا بصوت عالي 
وإسمها سلمى كمان يا روح امك مش كده 
عبدالرحمن وهو يهتف واقفا بغير إنتباه 
ينصر دينك سلم... انتبه لنفسه أخيرا ثم نظر بتوجس لعدي وجده في وضع إنقضاض للفريسه وعينيه تشتعل ڠضبا ويهم بضربه انتفض عبدالرحمن من مكانه وهو يلف حول المكتب