رواية وهم الفصول من 33 للاخير

المفروض ماريو هو اللي مشتبه فيه پقتل عزام!
وضح لها وسام الأمر بقوله
لما فحصنا تليفون مهاب لقينا في سجل المكالمات اتصال بينه وبين ماريو وده معناه أنه ممكن يكون متورط في الموضوع وده طبعا شيء هيبان أثناء التحقيقات.
غادر وسام تاركا فرح تنظر إلى أثره پغضب فهو شخص ذكي للغاية وخطړ في عقله حقيقة أنها بالفعل قد سمعت عزاما وهو يأمر أحد رجاله پقتل داليا ولكنها لم تفعل أي شيء لإيقافه وتظاهرت بعدم معرفتها بما حدث.
تمتمت فرح بضيق وهي تتوجه لداخل المنزل
يا نهار أبيض!! أنا مش مصدقة أن البني آدم اللي اسمه وسام ده طلع ذكي أوي كده!!
هرج ومرج في المستشفى جعل حبيبة التي دلفت للتو حتى تستعلم عن وضع مهاب تشعر بالدهشة وتحاول السؤال عما يحدث ولكن لم يجبها أي أحد.
نظرت حبيبة حولها باستغراب وتمتمت
هي ليه الدنيا مقلوبة كده وكأن فيه وزير أو سفير دخل المستشفى عشان يتعالج!!
اصطدمت بها إحدى الممرضات واعتذرت لها وكادت تبتعد ولكن أوقفتها حبيبة متسائلة
لو سمحت ممكن أفهم منك إيه اللي بيحصل هنا وليه الأمن قفل البوابة بعد ما أنا دخلت ومنعوا أي حد من الخروج!
أعطتها الممرضة الجواب الذي نزل على أذنيها كصاعقة مدمرة
الدنيا مقلوبة لأن المړيض مهاب رشوان اختفى ومفيش ليه أي أثر.
الفصل السابع والثلاثون الأخير
استيقظ مهاب من غفوته ووجد نفسه داخل غرفة غريبة لم يرها من قبل وهذا الأمر أثار حفيظته ودهشته لأن أخر ما يتذكره هو وجوده داخل المستشفى ودخول ممرضة إلى الغرفة حقنته بعقار جعله يغيب عن الوعي.
نهض مهاب من فراشه وسار نحو الباب بخطوات بطيئة وقبل أن يقوم بفتحه تفاجأ به يتم فتحه من الخارج ووجد أمامه ماريو يبتسم قائلا
صح النوم يا عم مهاب أنا مكنتش أعرف أن نومك تقيل أوي كده!!
نظر له مهاب باستغراب قائلا
إحنا فين بالظبط يا ماريو وإزاي قدرت تخرجني من المستشفى!
ربت ماريو على كتف صديقه وهتف بتوضيح
إحنا دلوقتي موجودين في عرض البحر وبالنسبة للطريقة اللي خرجتك بيها من المستشفى فأنا أديت قرشين لبعض العمال اللي بدلوك بواحد مېت وحطوك بداله في الصندوق يعني أنت خرجت من المستشفى على أساس أنك شخص مټوفي وعلى ما هما اكتشفوا الموضوع كنا خلاص هربنا وبعدنا ومحدش دلوقتي هيعرف يوصلنا.
اتسعت عينا مهاب من فرط الدهشة وقال
عرض البحر!! هو إحنا رايحين فين يا ماريو!
أجلسه ماريو وجلس أمامه وهو يجيب
رايحين على إيطاليا وعايزك تطمن على الأخر ماما مستنياني هناك في ميلانو وهي هتظبطلك كل حاجة بحيث أن يتعملك ورق وتكون إقامتك هناك بشكل قانوني وكمان هي اتفقت مع واحدة هناك هتتجوزك جواز على ورق مقابل فلوس عشان تاخد الچنسية وتقدر تفضل هناك على طول وبعدها هتبقى تنفصل عنك.
شعر مهاب بغصة مريرة في صدره بعدما تذكر حبيبة 
التي لم يتمكن من توديعها وطلب السماح منها على ما فعله بها.
رأى ماريو الحزن المرتسم على وجه صاحبه فهتف بإشفاق قاصدا التهوين عليه
انساها يا صاحبي أنتم الاتنين عمركم ما هتكونوا لبعض لأنها مستحيل هتقدر تنسى أنك أنت اللي قټلت أخوها واتسببت في اڼتحار مراته اللي كانت أعز صديقة ليها.
همس مهاب بحړقة وهو يحاول التحكم في دموعه
أنا حبيتها أوي يا أيمن عمري ما كنت أتخيل أن هيجي اليوم اللي هكون موجوع فيه أوي كده عشان خاطر واحدة ست.
نظر له ماريو بحزن فهو يفهم جيدا حجم الألم الذي يشعر به رفيقه وقرر أن يغير مجرى الحديث بأسلوبه المرح
بص عليا يا مهاب وخدني نموذج يا سيدي أنا كنت بحب تانيا بنت خالتي وهي كانت بسم الله ما شاء الله ملكة جمال وفي الأخر هي فضلت عليا الولد الأصفر اللي اسمه مارشيل وكنت مموت نفسي من الزعل بس قدرت في النهاية أتغلب على حزني وأنساها نهائي ومفكرتش أرجعلها بعد ما مارشيل سابها عشان خاطر البنت أم شعر برتقالي.
رمقه مهاب باستنكار وهتف بنبرة ساخرة
نعم يا أخويا!! بقى أنت كنت مموت نفسك على تانيا!! شوف والنبي حد تاني تضحك عليه بالكلمتين دول لأن أنا خابزك وعاجنك كويس وعارف أنك عمرك ما حبيت تانيا أصلا ولا حتى فكرت ترتبط بأي واحدة إيطالية أو أجنبية عموما.
تظاهر ماريو بالإحراج وهو يشعر بداخله بسعادة كبيرة لأنه جعل صديقه يتناسى بشكل مؤقت أمر فراقه عن حبيبة
يا ستار يا رب هو أنت الواحد ميعرفش يضحك عليك أبدا!! يا أخي طيب كنت حتى اعمل نفسك مصدقني واقعد واسيني.
ضحك مهاب بشدة على حديث ماريو وقال
أعمل نفسي مصدقك إزاي!! أنت بتقول كلام مفيش واحد عاقل يصدقه إحنا عارفين بعض من زمان أوي وكل اللي يعرفوك عارفين أنك رافض فكرة الجواز من واحدة إيطالية أو أجنبية بشكل عام عشان مش عايز تكرر تجربة أبوك وأمك.
شعر ماريو بقليل من الأسى بعدما ذكره مهاب دون قصد بتجربة والده عامر الذي هاجر في شبابه إلى إيطاليا ووقع في غرام