رواية رائعة الجمال الفصول من 21 للاخير وبداية الجزء الثاني

ما تخلصوا حأحتاج اقعد معاك.
خرج الدكتور وبدأ عماد الكلام.
أنا ما استاهلش انك تخافي عليا.
سكت ما قدرتش ارد كمل كلامه بصوت حزين مكسور 
عرفت إنك رافضة تقابليني عندك حق أنا عايز أطمن عليك.
مالك عامل كده ليه أول مرة أشوفك كده أنت كويس
رد بحسرة 
مين اللي يطمن علي التاني!
مالك
حسيت أنه على وشك البكا فقلبي وجعني قوي قربت من مكان جلوسه وجثيت بين ايديه
مالك
ضمني جامد كأنه خاېف أهرب 
أنا تعبت في بعدك قوي ما كنتش عارف اني بحبك كده.
قمت بسرعة وبعدت عنه وتعصبت هليه لأول مرة.
كفاية أنت مش مضطر تكذب ما تتدعيش حاجة مش حاسسها من باب الشفقة أنا تعبت بجد.

من حقك ما تصدقيش بس أنا فعلا بحبك ضعت لما ضعيتي مني حياتي اڼهارت أمي ڠضبت عليا وسابتني بعدك أهملت في شغلي وىرتكبت أخطاء كتيرة وعشان ملف خدمتي ادوني إجازة مفتوحة بدل ما يوقفوني عن العمل.
قربت منه وقفت جنبه وحطيت ايدي علي كتفه 
ليه يا عماد مصر توقف عند نقطة ما تتحركش منها أرجع زي ما كنت قبلي عيش حياتك من تاني أنا حكلم طنط ترجع معاك أنا مش زعلانه منك.
وانت يا أمل مش عايزة ترجعي لي أنا محتاجك جنبي.
ما تقولش حاجة أنت مش حاسسها كده بتوجعني أكتر.
محتاجك يا أمل عايزك جنبي.
مش محتاجة عطف من حد مش محتاجة شفقة كفاية أرجوك كفاية أنا تعبت تعبت من إني أمني نفسي بحاجة مش هتتحقق تعبت إني اتعلق بحد ويبعد تعبت وإتوجعت ۏجع يكفيني باقي عمري أرحمني نظرات الشفقة والعطف اللي بشوفهم منك من يوم ما عرفتك بتدبحني كلامك اللي قولته آخر مرة عرفت منه انت شايفني إزاي ولك حق ما أنا كنت عايشة لوحدي عايرتني وقتلتني جاي تكمل عليا دلوقتي وتمثل الحب كفاية أرجوك كفاية بجد.
قرب مني ولفني ناحيته بالراحة ورفع وجهي بايده وبص في عيني 
بحبك من يوم ما بطلتي تبصي في عيني من يوم ما بقيتي تخافي تصدقي احساسك حاولت أفهمك كتير وأنت خفتي تتعلقي فكرت في العملية عشان احسسك انك غالية عندي أغلي من نفسي لكن فهمتي إني ببعد احساسي بعجزي سيطر عليا آخر مرة كلام اخوكي قطعني افتكرتك حكيت له ما كنش قصدي أقول عنك حاجة وحشة كنت عايز افهمك اللي حصلي قبلك وما عنديش الجرأة اني احكي أنا محتاجك والله محتاجك وبحبك حقك عليا سامحيني وارجعي لي يا أمل طول عمرك بتسامحي سامحيني واأوعدك مش حخذلك تاني .
أحاسيس متضاربة خاېفة منه وعليه وحاسة بوجعه نفسي أصدقه وادخل في حضنه وخاېفة انهار تاني صعبان عليا الحالة اللي وصلها ووحدته خناقة بين قلبي وعقلي ما استمرتش كتير وقلبي انتصر في النهاية وماقدرتش اسيبه موجوع.
اتكلمت بصوت مخڼوق وعيني في الأرض ودموعي بتنزل 
برغم كل اللي قولته يومها إلا إنك وحشتني كنت بټعذب في بعدك وكل يوم كنت بتوحشني اكتر.
رفع وجهي برقه بص في عيني ومسح دموعي 
والله كنت بمۏت وأنا عارف اني ۏجعتك وأذيتك بټعذب عشانك حسيت پألم وۏجع عمري ما تخيلتهم وماكنتش قادر عليهم.
ضمني جامد بحب حضڼ اشتاقت له من كتير 
آاااااااااااااااه يا أمل سامحيني.
بصيت له والدموع في عيني 
بتحبني بجد!
بحبك وحيات أمل بحبك.
مسح دموعي وسألني كأنه يتأكد من رجوعي.
حترجعي معايا
ابتسمت بفرحة واماءت راسي 
أيوة 
حسال الدكتور حضري حاجتك أول ما يوافق نمشي.
حاضر.
مطيعة. 
وابتسم وحضني جامد حضڼ طويل.
رجعت البيت مع عماد وبدأنا حياة مختلفة كل واحد فينا حاسس بالتاني وبنقوي بعض أصر يتابع حالته مع دكتور وأنا وافقت المهم من غير ما يضر نفسه اللي هي نفسي أنا كمان لأننا واحد من حقه يكون عنده أمل مش مهم حيكون عندنا أولاد أو لأ المهم يكون عندنا أمل مش بخاف من أي حاجة وأنا معاه لسه قربه بيدوبني ولمسة ايده بتوقع قلبي وبتلج.
عماد رجع شغله أقوي من الأول وصلح صورته من تاني أمام رؤساءه واترقي كمان وشي حلو طبعا.
اما لؤي بقي واحد تاني حنين جدا مع أولاده خصوصا شذي يعاملها زي الأميرات استحالة يسمح لحد أنه يفكر يضايقها ورحمة كمان بيعاملها بحب وكملكة طبعا هي دلوقتي حامل بولد وقررت تسميه عماد علي اسم حبيبي.
أنا طبعا صالحت طنط وعماد من قبل ما ارجع البيت ودايما نعمل تحالف عليه وأخيرا بقيت اسم علي مسمي وبقي عندي أمل في بكرة.
نسيت اقول لكم عمتي طبعا رجعت امريكا تاني بس غيرت رأيها في مصر وقررت تنزل إجازتها في القاهرة بقت هي ولؤي أصحاب جدا وبدأت أغير منه هههه بقي أقرب لها مني.
يا رب أصلح حال كل الناس اعطيهم أمل في بكرة ودي كانت حكايتي حكاية أمل لسه ما انتهتش طبعا لأنها كده ابتدت.
حكاية ... الوجه الثاني هو قدري ومليكتي
الفصل الأول
استنو الحكاية لسه ما خلصتش أنتم سمعتوا من أمل بس مش بقول أنها غلط أو ظلمتني أبدا لكن من حقي أدافع عن نفسي أنا فعلا أذيتها وعذبتها بس بدون قصد