رواية رائعة الجمال الفصول من 21 للاخير وبداية الجزء الثاني

ما هو روحت ازور بابا بالزي الرسمي وكنت لوحدي.
يومها وأنا داخل كانت هي خارجة خبطت فيها وهي اعتذرت بدون ما ترفع وجهها اللي كان باين عليه الضړب والاجهاد الشديد حسيت اني اتخنقت واتضايقت هاين عليا اسألها مين اللي عمل فيها كده واخد حقها منه وبردو مش عارف ليه سالت نفسي بدون إجابة لسه هدخل عند بابا سمعت صوت جهورى بينده عليها والڠضب مالي صوته وتعابير وجهه وكان لؤي طبعا وقرب منها وشدها من ذراعها وكان بيحركها پعنف بيرجها بقوة وڠضب و راه الشخص البارد هادي وعلي وجهه ابتسامة سخرية كان نفسي الكمه الصراحة.
لقيت نفسي وقفت وبصيت عليهم اما أمل اول ما سمعت الصوت ولؤي واصبح امامها اغمي عليها وسقطت بين ايدين اخوها حسيت بشعور غريب جدا ما قدرتش أفهمه وحاولت أتجاوز اللي حصل لكن كنت بفكر فيها وصورتها وهي بيغمي عليها فارضة نفسها عليا.

ماما بدأت تلاحظ وتسالني وأنا ما كنش عندي رد ما أنا أصلا مش فاهم ولا عارف فحقول إيه!!!
حالة من التخبط وعدم الفهم خلتني أروح كتير لوحدي لبابا واتكلم معاه كأنه معايا وسامعني والغريب أنها هي كمان الفترة دي كانت بتيجي كتير ودائما مڼهارة حالتها كانت بتأثر فيا لدرجة غير مفهومة كنت بحس بنغزة في قلبي بتزيد كل مرة عن اللي قبلها كان في سؤال بيفرض نفسه عليا إيه اللي وصلها لكده وهل البنات مش كلهم زي المدعوة سمر هل في نوع تاني من البنات بتحس ومحترم هل في بنات بتتظلم زينا ومش ظالمة
الغريب إني بقيت ساعات أروح المقاپر بس عشان أشوفها وأطمن عليها وطبعا ولا مرة أطمنت وكل مرة أحس بقلق أكتر ونغز قلبي يزيد أكتر وأكتر.
مر ست شهور تقريبا يومها كنت في المقاپر أنا والدتي لقيتها جت وبتتكلم مع الغفير والكلام طول شوية حسيت إن في حاجة غريبة فقربت شوية اسمع وفهمت ان اؤي مانعها تزور باباها اتضايقت منه جدا.
كانت حتمشي مش عارف إزاي لقيت نفسي خارج أكلم الغفير اقنعته يفتح لها لو حد كلمه حتدخل وأحفظ له حقه بدون مشاكل وفعلا الغفير فتح لها.
وهي بكسوف وإحراج شكرتني وأنا عيني علي وجهها اللي بتجاول تخبيه بالطرحة والنظارة وبالرغم من كده واضح أثار البكاء والضړب رديت بالكلام التقليدي وكل حد فينا دخل يزور والده.
قامت بروتينهت المعتاد وبعدين قعدت تتكلم كانت پتبكي پقهر حسيت إني بتوجع ونغز قلبي يزيد كنت متضايق من إحساسي وفضلت مستني عشان لو أخوها جه كنت بقول لنفسي إني وعدت الغفير بس الحقيقة كنت متابعها قلقان من رد فعل أخوها لو جه.
شوية لقيتها بتتكلم في التليفون وقامت تجري تنادي الغفير مرة واحدة سمعت صوت أخوها ينادي عليها بحدة وڠضب وفي لمح البصر كان أمامها لافف شعرها علي ايده وسمعت حوارهم واتهامه لها ودفاعها عن نفسها وجعني تجريحخ لها ومعايرتها بعجزها
أقنعتيه إزاي يطلق وعايزة تطلقي ليه ما أنت عاقر.
اتوجعت مرتين مرة لۏجعها ومرة عشان وافتكرت كلام سمر عني وجعني ردها والألم الساكن بين طياته أول ما قالت اه عاقر روحت في دنيا تانية لدرجة إني ما سمعتش باقي كلامهم طريقة أخوها أكدت لي إن اللي في وشها من الضړب فعلا وأكيد الهدوم مخبيه أكتر رجعت من شرودي وانتبهت علي تمنيها للمۏت احساس حسيته قبل كده كفيل لوحده پقتل الروح ووقتها قررت اتدخل واهدي بينهم.
شوفت في عينه ڠضب أكبر لكن للأسف ما كنش في ايدي أي حاجة تانية مش عارف ليه تمنيت إني اشدها منه وأخدها أحميها من غضبه وطبعا هو اللي أخدها ومشي بعد ما فصلت جنازة بينا وشوفته من بعيد وهو لسه يضربها پعنف بجد همجي حسيت بۏجع قلبي وضعفي عن حمايتها.
شردت فيها واللي بيحصل لها وانتبهت علي صوت ماما بتنادي عليا نمشي.
ما كنش المفروض تتدخل بينهم في الأخر هما أهل وممكن باللي عملته ده تكون أذيتها أكتر.
يعني كنت أسيبه يكمل ضړب فيها مش شايفة وشها واضح أنه بيضربها من فترة .
وهو كده بطل ربنا يعينها ما بدء يضربها من تاني أول ما ركبت العربية وأكيد حيكمل في البيت.
رديت بقلة حيلة وڠضب خفيف منه وقلق عليها 
اللي حصل حصل.
طبعا ماما أخدت بالها من اهتمامي اللي مش مفهوم 
مالك مهتم ليه
رديت وأنا مخڼوق من كل حاجة 
ماما ما تكبريش الموضوع يلا نمشي.
مشينا وأنا بفكر ممكن يكون عمل فيها إيه وهل هشوفها تاني كانت صورتها وهو بيضربها أمامي طول الوقت نفسي أمنع عنها عڈابها بأي شكل الغريب إني كنت باحاول أتخيل ملامحها بدون أثار الضړب دايما أحس بنغزة خفيفة كده كل ما أفتكر شكلها بين ايديه وأقول لنفسي شخص زي ده المفروض يكون اخ لسمر عشان يعيد تربيتها من جديد.
الفصل الخامس قراااار 
زيارتها قلت جدا وده كان غريب وتوقعت إن أخوها مانعها ما كنتش بشوفها غير نادرا ساعات أروح