رواية جديدة الفصول من 19-24

وكل واحدة بتثبتلي شطارتها وجمالها...حقيقي هتحرم من كل المميزات دى
ضحك كمال سعيدا بتقبل امه لحبه دون ضغط او عصبية وهتف
يا سلام.. علي اساس انك بتقبلي منهم حاجة ...وبترفضى تعشمي اي واحدة وتتحججي مرة صايمة ومرة السكر عالي....آه منك يا أم كمال يا واعية انتي ...
فتحت وداد فمها لترد شارحة إلا أن صوت جرس الباب اصمتها ليجري كمال سريعا ويفتح الباب وېصرخ بفرح چنوني .
ريماس وصلت ....ريماس حبيبة خالو 
احتضن كمال ابنة اخته بحب شديد وهو يقبلها ويدللها ويلعب معها ليدخل خلفها صفوت ابيها وترحب وداد بزوج ابنتها الراحلة وحفيدتها ذات الثلاث سنوات....نظرت وداد نحوه ليحزن قلبها علي هذا الشاب الطيب الذى كان ومازال يعشق ابنتها الراحلة والتي توفت أثر ولادة ابنتها الوحيدة ريماس....
رحبت وداد به وهتفت حين جلس 
اتغديت يا صفوت ...حماتك بتحبك....يلا كمان عندنا زيارة النهاردة لعروسة كمال ....عقبالك يا صفوت
ظهر الذهول والڠضب والجنون علي وجه صفوت وهتف بصوت عالي 
عقبالي....انتي اللي بتقولي كدا يا حماتي ...كنتي تعرفي كويس جميلة مازالت بالنسبة ليا ايه دا الروح والنفس اللي عايش بيه وهفضل علي ذكراها لحد ما اقابلها بأذن الله....
ونظر ناحية ابنته وفاضت عيونه دمعا وهتف مخټنقا
جميلة موجودة يا حماتي ...شايفها وبكلمها في ريماس ...لا يمكن اخون بنتك أبدا يا أم جميلة
نظرت اليه وداد وهزت رأسها في أسف وهتفت پاختناق 
بنتك محتاجة أم...محتاجه أخ أو أخت ...ليه تكتب عليها تفضل طول العمر وحيدة ....واثقة فيك وفي اختياراتك وفي حبك لبنتك.. فوق يا صفوت ....الأعمار بيد الله....والدنيا ماشية مبتقفش بمۏت حد يابني
لم يرد عليها صفوت واقترب من كمال ليحمل طفلته ويقبلها بحنان ويهتف 
ريماس هي دنيتي ....وبيها عايش. ... لحد ما ربنا يسترد أمانته ويوصلني بروحي مرة تانيه ...
ثم ابتسم وهتف مغيرا الموضوع
اخيرا يا كمال ....طبعا هروح معاكم اشوف الكونتيسة اللي قدرت توقع اوسم شباب المنطقة ....مبروك يا اخويا 
ردت رضا وهي ترتعش علي مكالمة عمتها لتبادرها الأخيرة بمداهنة واضحة 
رضا حبيبة قلب .ايه الاخبار عندك....يا تري بابا وافق ولا لسه اوعي تيأسي يا رضا ....محمود محتاجك يا بنتي...
صمتت رضا للحظة ثم لم تلبث أن أخذت نفس عميق وهتفت ببطء
هو محمود طلبني للجواز بنفسه يا عمتو ...اصلا هو يعرف انك طلبتيني للجواز
تلجلجت رجاء في الرد وهتفت مراوغة
وهو يطول كمان ...انتي حلم حياته من هو وصغير ....اول ما يعرف انك وافقتي هيشكرني اني طلبتك ...وغير انك تساعديه يخلص من العقربة اللي كلت عقله وعصته علي امه
ردت رضا ذاهلة 
معني كلامك محمود ميعرفش...مطلبنيش للجواز ...حضرتك اللي خطبتيني من غير ما يعرف
ردت عليها رجاء بحسم
اظن انك عارفة محمود بيحبك اد ايه يا رضا ومن زمان ....لولا انه بس قسمة ونصيب و......
قاطعتها رضا هاتفة بحدة شديدة لم تعهدها في نفسها من قبل
اعرف فعلا يا عمتو انه بيحبني ....وحضرتك يا تري كنت عارفة ...ومع ذلك خطبتي سحر ومن بعدها اختي فاتن ....ودلوقتي رجعنا للعانس اللي مستنية ابنك او حضرتك بمعني اصح تتكرمي وتتعطفي وتجوزيها ابنك كزوجة تانية ....بس علشان يرجع لحضنك ويسمع كلامك ....ممتاز يا عمتو ماشى الكلام ....يا تري لما اتجوز حوده علي رأي منيرة هسكن فين يا عمتو
ارتسمت السعادة علي وجه رجاء لظنها بقبول رضا الزواج وتمسكها بمحمود حتي ولو زوجة ثانيه وظهر جليا في صوتها وهي تهتف بسعادة غامرة 
طبعا هتسكني معايا يا قلبي ...الشقة كبيرة وزينب آخر البنات مخطوبة وكلها شهرين وتتجوز وافضل انا معاكي لوحدنا ونرجع محمود لينا مع بعض يا رضا....موافقة يا رضا
ابتسمت رضا بمرارة شديدة وهمست پغضب
للأسف يا عمتو ...طلبك مرفوض ....اصلا كتب كتابي الخميس الجاي ...وحضرتك وحوده معزومين ....آه ومتنسيش تعزمي سحر الله يباركلك...
صړخت رجاء داخل الهاتف بكلمات لم تفهم رضا منها إلا عانس ....مستحيل ....من سيقبل بك .....سنري كذبك....
أغلقت رضا الهاتف وانهمرت دموعها كالمطر وهمست بعذاب
كنت بحلم مجرد حلم...انه ندم علي حبي وهو اللي طلبني وشاريني زى ما دايما كنت شارياه....لكن للأسف بابا ومنيرة عندهم حق...
كفكفت رضا دموعها وتحركت باتجاه غرفة ابيها لتدق الباب مستأذنة ليفتح الباب حمدى...ارتمت رضا في حضڼ ابيها وهتفت پألم شديد 
سامحني يا بابا ...انا آسفة ....موافقة علي العريس اللي حضرتك موافق عليه ....اهم حاجة تفضل معايا طول عمري يا بابا ..اسفه آسفة يا حبيبي
ربت حمدي علي رأس ابنته وقبلها ونظر ناحية منيرة التي تبتسم بمكر وانتصار وهز رأسه في تعجب هاتفا في نفسه
قدرتك ربنا والله يا منيرة ....الله يكون في عونك يا مصعب يا ولدى 
فتحت مريم عينيها لتجد تسع أطفال حولها ....صړخت مريم وقفزت من السرير ړعبا وهتفت 
في ايه عاوزين مني ايه
هزت نورا رأسها وهتفت مفسرة
الساعة سبعة يا ماما مريم وبابا ياسين خرج هو وماما سمر ومعاهم ياسمين