رواية مني الحزء الثاني الفصول الاولي
المحتويات
أوراق بيديها
صلاح متذمرا أيه يا قلبي كل ده ولسه ما خلصتيش.
نعم باعتذار أسفة يا حبيبي اتاخرت عليك بس المرة دي القضايا أكتر من كل مرة.
صلاح بضيق أنا مش عارف أنت ليه واجعة قلبك بالقضايا دي ده أنت اللي بتصرفي عليها من جيبك.
نعم برقة زكاة عن علمنا يا حبيبي دول ستات غلابة ملهومش سند ولولا دار الضيافة كان زمانهم في الشارع وأنا بحاول اساعدهم على قد ما باقدر وعلى فكرة في قضية منهم كنت محتاجة مساعدتك فيها.
نعم بابتسامة عارفة يا حبيبي مفيش مشكلة بابا متحمل مصاريف كل القضايا دي من وقت ما قررت أمسك قضايا دار الضيافة.
صلاح بابتسامة أوك هاتي القضية اللي عايزني أطلع عليها ولو اكتر من قضية مفيش مشكلة.
صلاح بضيق على فكرة أنا مش هاروح عيد الميلاد ده.
نعم بدهشة ليه!
صلاح بسخافة وهو شهاب باشا كان عزمني.
نعم باستنكار يعزمك أيه ده عيد ميلاد لولو بتعتنا.
تركها مذهولة لا تدري لما تلك العصبية المفرطة بأمر كهذا ثم شعرت بالآسى من أجله وهي ترجع عصبيته لحرمانهما من الأطفال لتقرر أن تحتويه وتحاول إرضاءه كما اعتادت دائما.
بشقة نغم
نغم بخفوت بالهاتف لا خلاص حاضر ولا يهمك.... ماشي يا قلبي..... متضايقيش نفسك الموضوع بسيط..... وأنت طيبة يا نومي.
نغم بابتسامة لا مفيش يا قلبي دي مضايقة بس كده من موضوع بسيط وكمان كانت بتسألني على الحاجات اللي ممكن تساعدني فيها بعيد ميلاد لولو وأنا قلت لها أن مامتك حجزت القاعة وظبطت كل حاجة بتوتر صحيح هو أنت عزمت صلاح على عيد الميلاد ولا لسه.
شهاب بدهشة وهما محتاجين عزومة.
نغم بارتباك لا بس يعني السنة اللي فاتت الحفلة كانت هناك عندهم في شقة بابا وأكيد مش محتاج عزومة لكن المرة دي في قاعة وممكن يتحرج يجي لو أنت معزمتوش.
نغم بارتباك يتقمص أيه بس يا شهاب هو عيل صغير أنا بس باتكلم في الأصول يا قلبي.
شهاب بابتسامة عابثة هو ده بقى الموضوع البسيط اللي مضايق نعم المتر عاش عليها الدور وبيملي شروطه كالعادة طيب تراهني أن أول واحد هيجي الحفلة دي هو صلاح حتى لو أنا معزمتوش أو حتى لمحت له أني مش عايزه يجي.
شهاب بتأكيد ممكن أوريكي وأثبت لك بس مش هاعمل كده عشان محبش انكد على نعم اللي باعتبرها زي ماهي بثقة لكن أنا متأكد أن الدكتور لا يمكن يفوت فرصة زي دي وهو عارف أن الحفلة هيكون فيها أصدقاء بابا وصاحبات ماما من النادي يعني الطبقة اللي هو هيتجنن ويتعرف عليها ويبقى منها.
نغم باستنكار لا طبعا هو صيحح عقله صغير بس مش وصولي.
شهاب بحب لا يا قلبي أنتم اللي ناس طبية زيادة عن اللزوم لكن أنا عمري كله عيشته بره مع ناس حياتهم كلها ماديات
و أعرف كويس اميز الطريقة دي في التفكير رغم أنهم بره واضحين ومعندهمش مشكلة لكن هنا الماديين بيتداروا ورا العواطف والمثاليات عامة ده مش بيفرق معايا ولو العزومة هاكلمه المهم نعم تكون مرتاحة.
نغم بامتنان ربنا يخليك لي يا شيبو ويريح قلبك يا قلبي.
شهاب بحب ويخليكي لي يا نغمة حياتي.
بحفل عيد الميلاد بأحد الفنادق الفخمة.
تجلس أسرة محمود على طاولة بينما صلاح يقف مع عدة رجال من رجال الأعمال يتجاذبون أطراف الحديث.
شهاب هامسا بأذن نغم مشيرا لصلاح بطرف خفي هو ده اللي متأثر واحتمال ميجيش ده أنا حاسس أن هو اللي عازمني.
نغم بلوم مش كتر خيره أنه معتبر لولو بنته وبيرحب بضيوف باباك.
شهاب بتهكم كتر خيره طبعا.
سوزي بزجر أيه يا شهاب هاتفضل قاعد جنب مراتك وسايب الضيوف المفروض أن ده عيد ميلاد بنتك يالا دقايق والتورتة هاتدخل.
شهاب بتبرم والله أنا مش شايف أي عيد ميلاد النص عشاء عمل والنص التاني شلة النادي باختلاف الترابيزة.
نغم بمراعاة بس يا شهاب حاضر يا طنط احنا هنقوم حالا.
سوزي بنفاذ صبر ياريت بانتباه لبعض الوافدين هاروح استقبل صاحبتي وياريت أرجع الاقيكم اتحركتم وبترحبوا بضيوفكم.
لم تترك لهم فرصة للرد وتحركت بسرعة لاستقبال هايا وأسرتها.
سوزي بابتسامة أهلا أهلا كنت هازعل قوي لو ما جيتوش.
هايا بمجاملة لا طبعا دي برضه حفيدتك.
شابة ترتدي ملابس ڤاضحة بفضول امال فين مرات شهاب.
سوزي بابتسامة موجودة طبعا بس مش تبوسيني انا الاول يا ميرا.
ميرا بارتباك أه طبعا أزيك يا طنط أنا بس كنت عايزة أشوف أميرة الحفلة وأكيد هي مع مامتها.
سوزي
متابعة القراءة
