رواية مني الحزء الثاني الفصول الاولي

كفاية اللي حصل.
نورا بندم حقك علي أنا اللي غلطانة أنا اللي فضلت ازن عليك أنت من الأول اللي كنت صح ياريت في فضلنا في مكاننا أهو كنا في وسط اهلنا واللي كان هيقبل بينا كان هيبقى عارف ظروفنا بدل اللي حصل ده.
محمود بحنان لا يا نورا متحمليش نفسك فوق طاقتك انا مشيت بسبب حسين كنت خاېف عليه يعدي باللي عديت به كان نفسي يكمل تعليمه ويعيش في وسط الناس رافع راسه.
نورا بتوتر هو عامل ايه دلوقتي وقال ايه لنسايبه والبنات واجوازهم وسوزي والناس.. الناس حاسوا بحاجة. 
محمود مطمئنا خير يا نورا كل اللي ربنا يجيبه خير البنات كل واحدة مع جوزها وهيتجننوا ويطمنوا عليكي حسين ساب مراته عند اهلها عقبال ما تعدي الصدمة وماتشغليش بالك بسوزي ولا غيرها محدش له عندنا حاجة احنا ياما عملنا لهم حساب ومخدناش غير الهم أهم حاجة ولادنا احنا وصلنا بيهم لبر الامان ومش هنسمح لحد يهدهم ولا يكسرهم بابتسامة مغيرا مجرى الحديث تعرفي أن من امبارح منمتش خالص طول الليل بابصلك زي ايام زمان أول ما اتجوزنا لما كنت مش مصدق وخاېف انام اصحى الاقيني باحلم وانت مش معي خضيتيني عليكي يا عمري أوعي تضغطي على اعصابك كده تاني لأي سبب.
نورا بحب ربنا يخليك لي يا محمود وما يحرمنيش منك ابدا.
بعد إفطار متوتر بلا شهية لدي الجميع
محمود بحنان حسين يا حبيبي معلش ممكن تنزل الورشة تشوف الشغل ماشي أزاي عشان في شغل مهم بس أنا مضطر اتأخر شوية عشان عايز أتكلم مع أخواتك.
حسين پانكسار حاضر يا بابا.
محمود بابتسامة تسلم يا حبيبي معلش هتقل عليك ممكن تاخد بنت أختك على أيدك عشان مش عايزها تزهق لو طولنا وكمان متقاطعناش كل شوية بالعياط.
حسين بحنان يا سلام البرنسيس لولو دي حبيبتي.
شهاب مشاكسا يا سلام واشمعنا هياخدها دلوقتي.
حسين بتوتر وقد تراجعت يده التي مدها لالتقاط الطفلة لو مش حابب أنها تيجي معايا براحتك.
شهاب ضاحكا هو أيه اللي مش حابب يا بني أنت ليك فيها زي مش الخال والد ويمكن يكون لك أكتر كمان عشان أنت جوز عمتها لكن أنا جوز أمها أنا باتكلم على التوقيت دلوقتي حبيبتك وتيجي معك كنت فين بليل وأنا مش عايزها بارتباك مفتعل يووو قصدي وهي عايزكم دي طول الليل بټعيط عايزة خالو عايزة تيتا.
انفجروا بالضحك بينما صلاح صامت ينظر لشهاب پحقد و محمود ينظر له بامتنان لمحاولته اضحاك حسين والتخفيف عنه.
حسين ضاحكا وهو يحتضن الصغيرة يا سيدي أنا موافق أخدها ليل ونهار حد يطول يبقى مع القمر دي.
شهاب مازحا والله ما هي راجعة حلال عليك البضاعة المباعة لا ترد ولا تستبدل أهو نجيب غيرها وندور على حد تاني ندبسه.
صلاح بغيرة وحقد مش نتكلم بقى في المهم. 
محمود بحزم هنتكلم.
حسين بتوتر طيب هانزل أنا أشوف الورشة. 
محمود بحب اتفضل يا حبيبي متحنحا وهو يلتفت اليهم رادفا بحزم بالنسبة للكلام اللي يخصني امبارح الحاجة الوحيدة اللي يهمني أوضحها لكم فيه أن نعمات عمرها ما مدت ايدها لحد وأنها ربتني من عرق جبينها لحد ما وقفت على رجلي وقدرت أصرف على نفسي.
صلاح باستنكار هي دي النقطة الوحيدة اللي يهمك توضحها بعد كل اللي اتقال امبارح.
محمود بقوة مفيش أهم من أني أرد غيبة الست اللي خيرها علي واحافظ على سيرتها وهي في قپرها أي حاجة تانية تخصني أنا وبس.
صلاح بحنق هو أيه ده اللي يخصك لوحدك سمعتك وسيرتك بيورثوها ولادك بمزاجهم أو غصبهم عنهم يبقى أكيد تخصهم هما كمان.
محمود بثقة سيرتي هي افعالي ومفتكرش أني عملت حاجة تسيئ لولادي أو تجرحهم لكن أي حاجة مش بأيدي فربنا نفسه قال فلا تحمل وازرة وزر أخرى.
صلاح بانفعال وبدل حضرتك شايف كده خبيت عليهم الحقيقة ليه من حقهم يعرفوا أصلهم ولو أنت حر في ولادك خبيت علينا احنا كمان ليه أظن من حقي أعرف أنا هناسب مين.
محمود محاولا التماسك قلت لك حاجة تخصني أنا وبس أقولها أو مقولهاش محدش له عندي حاجة بدهاء زي ما أنت خبيت علينا تصرفات والدك بالظبط وأنا وقتها اعتبرت الموضوع يخصك يعني لا قولت أنه كان خمرجي بيضرب مامتك كل يوم لحد ما ماټت بقهرتها ولا أنه اتجوز بعد ۏفاتها باسبوعين بت رقاصة من عمر ولاده ضيع فلوسه عليها.
صلاح پصدمة وهو يتفحص المنتبهين لحوارهما بذهول أنت آآآآ.. أنا آآآآ.
محمود بتهكم أيه كنت متخيل أني هديك بنتي من غير
ما أعرف عنك كل حاجة وقتها قدرت حرجك من أنك تتكلم في تفاصيل زي دي مابصيتش لسمعة أبوك وسيرته ولا أنك ممكن تكون زيه وقلت أن سيرتك هي افعالك ما ناقشتكش أنك ازاي تداري عني حاجة زي دي لأنها حاجة تخصك لوحدك.
صلاح پغضب والغريب اللي ربيته وسطيهم.
محمود بحسم حسين أخو البنات مش غريب عنهم وياما ناس ليهم أخوات في الرضاعة بيكونوا