رواية جديدة مطلوبة الفصول من 1-4

نبهت انه محدش يصحيه 
عدي بقلق 
يخبر أبيض ياماما انتي عارفه انه هيتعصب عشان معاد شغله وكمان عشان مبيحبش يتاخر أبدا ثم أردف وهو يقف قائلا 
أنا هاطلع أصحيه لأحسن يسود عيشتنا وأشوفه قبل مامشي 
اتجه الى خارج الحجره بخطوات رشيقه وهو يكاد يركض ليصعد السلالم بسرعه أوقفه نزول أخته الصغيره سلمى التي تبلغ من العمر 21 عاما وهي تقفز على السلم بمرح قائلة 
صباح الخير يا دودو 
عدي بجديه شديده ثم أردف بمرح كبير 
صباح الخير يا يا مفعوصه ثم صدعت ضحكاته في المكان من حوله 
سلمى بتأفف وهي تضع يدها في خصرها 
يابااي عليك يا جدع قفلتني من على الصبح 
عدي بمرح وبعض الغرور المصطنع 
يابنتي انتي تطولي ده أنا اصطباحتي عسل ثم انتبه الى شعرها وسألها 
ثم ايه اللي انتي عملاه في شعرك ده 
أردفت سلمى وهي تقول بابتسامه واسعه وتتحسس شعرها 
عملاه كيرلي ايه عجبك 
عدي مجيبا عليها بسخريه 
كيرلي ايه وطعمه ميلك ايه انتي قلبتي على بقره ثم هو شعرك ماله شكله عامل زي ال ايه ده أنا حاسس انه هايفقس ويطلع كتاكيت منه 
سلمى بعصبيه 
ياشيخ اسكت بقى سديت نفسي 
عدي متسائلا 
انتي راحه فين كده عالصبح 
سلمي بتلقائيه 
رايحه الجامعه 
عدي بتسائل 
وهاتروحي بشكلك ده 
كانت سلمى ترتدي جيب فوق الركبه اسفله بوت يصل لركبتها يغطي نصفها العلوي بلوزه ضيقه على الصدر بأكمام طويله 
نظرت سلمى لنفسها ثم قالت له ببرائه 
اه عادي فيها ايه 
عدي پغضب 
والله عال وعايزاني امشي بيكي كده ان شاءلله امشي أقول للناس اتفرجوا عالمزه اللي في ايدي 
صدعت ضحكه من احدى الخادمات التي كانت تقف تتابع مايحدث امامها باستمتاع نظرت لها سلمى پغضب فانصرفت الخادمه ثم أعادت نظرها لعدي قائلة 
وانت عايز ايه دلوقتي 
عدي بحزم 
اطلعي غيري المسخره ده 
سلمى بعصبيه وهي ټضرب بقدمها الأرض وهي تتأفف ثم انصرفت من أمامه لتعود لغرفتها لتغير ثيابها 
عدي محدثا نفسه 
والله عال اختي انحرفت وان لسه عايش 
     
في حي شعبي الذي يعج بالبيوت القديمه وحيث تتواجد تلك الطبقه المتوسطه من الناس باحدى أحياء القاهره السيده زينب بداخل البنايه التي توجد بها الشقه التي تقطنها ريهام وصديقتها يارا تقف ريهام في المطبخ لتحضر الفطور بسرعه بينما يارا قد انتهت من ارتداء ملابسها وحملت حقيبتها ثم توجهت لخارج الغرفه وجدت ريهام قد انتهت من اعداد الفطور ثم وضعته على الطاوله اتجهت لها ثم قبلتها بمرح من وجنتها قائلة 
صباح الخير يا مامي 
ضحكت ريهام عليها ثم جلست كلا منهما على الطاوله قالت لها ريهام بمرح 
مامي مين ياختي انتي هتكبريني ليه ده انا من دورك ولسه صغننه دول يادوبك 22 سنه 
يارا بمرح وهي المربى بالخبز قائلة
يا شيخه اتلهي اللي أصغر مننا متجوزين ومعاهم عيال 
ريهام باستنكار  
وانتي ياختي عاوزه تتجوزي 
يارا وهي تمضغ الطعام بفمها 
مين أنا !! ياشيخه فال الله ولا فالك أنا ناقصه ۏجع قلب 
ريهام بتضيق عينيها 
ااه بحسب ثم أردفت بتساؤل 
هاه هاتيجي امته النهارده من المستشفى 
يارا وهي تكمل طعامها 
مش عارفه والله ياريهام ! الدكتور رأفت كان طالب مني أجيب شوية عينات كان قايلي عليهم من زمان وكمان النتايج بتاعتهم عشان ابنه محتاجهم ضروري في رسالة الدكتوراه بتاعته ولازم أروح أجيبهم من مستشفى تانيه وطبعا غير الشغل بتاع النهارده
ريهام باستنكار 
وليه حضرتك اللي تروحي وتجيبي الحاجه ده هو انتي شغاله عندهم ولا حاجه ثم أكملت بتنهيده ياشيخه بلا ۏجع قلب شغل ايه اللي بتشتغليه ده مستعجله على ايه مانتي بكره تتخرجي من الكليه وتشتغلي انتي لسه في سنه رابعه 
يارا موضحة 
ياريهام وكنا هنجيب فلوس منين وبعدين مانا كده كده ال سنين الباقين في الكليه بشتغلهم عملي بقى فرصه اشتغل وادرس في نفس الوقت 
ريهام باستسلام 
خلاص اعملي اللي يريحك المهم وقت ماتخلصي رني عليا 
يارا بابتسامه 
ماشي وانتي هتعملي ايه في المكتب 
ريهام بتنهيده 
والله ماانا عارفه انا الأعلان اللي كلمتك عنه قبل كده انه في شركه بتدور على موظفين عندهم خبره بالكمبيوتر عشان توظفهم وانهم عاملين مرتب كويس كلمتهم عشان اشتغل هناك ولسه الموافقه لحد دلوقتي مجتش ولوقتها انا لسه في شغل الاولاني 
يارا بسعاده وهي تمزح معها 
مټخافيش هاياخدوك يابت وتقبلي ده انتي البشمهندسه ريهام بجلالة قدرها 
ريهام بتهكم 
خريجة معهد حاسب آلي بقت مهندسه مره واحده
يارا بانكار 
يابنتي انتي مش حاسه بنفسك ولا ايه انتي دماغك سم ومعاكي ماجستير في قرصنة النت كمان عارفه ده معناه ايه كفايه انه مفيش حاجه في الكمبيوتر بتقف قصادك بلاش مهندسه هاكر ياستي في احسن من كده
ريهام