رواية الصامتة كاملة

ويجلس بنظرة للأسفل ولكنها تبدو شاردة بعيدة..... جلس
صالح وهو يضع سېجارة بفمه ويشعل أطرافها بابتسامة شامته ....لم يتحدث .... صبعيه _ هتجيلي لحد عندي....تترجاني .... هحط رجل على رجل وتنفذ شروطي ..... وضع صالح ساق على ساق بغرور ...رفع الجد صادق رأسه ونظر له في ثبات وقال _ وأخرتها يا صالح ! ما تنساش أنها حفيدتي واللي بيحصلها مش راضيني ...! وضع صالح السېجارة بفمه مرة أخرى وهو ينظر لجده في نظرة ضيقة حادة...كأنه ينذره أو يحذره ...أو بالأصح يهدده ! ثم نفخ الدخان باتجاه جده وقال بنبرة بها تحذير _ خليك فاكر يا حج صادق أن اللي بيعارضني بيخسر.... وما تنساش أن كل اللي عندك اتحول باسمي ....يعني بكلمة مني أطرد العيلة كلها في الشارع ومحدش ليه عندي جنيه ...ومن حقي .... من حكم في ماله ما ظلم ....يا حج ! أكد صالح على كل كلمة ....فنظر له الجد بنظرة بها ندم رجل لم يندم على شيء مثل ندمه على تسليم الأمر كاملا لذلك المخادع الماكر....الذي استطاع أن يحول جميع ثروة العائلة منذ عقود باسمه !! قال صادق بصوت حاد _ حقك يابني ..... أنت مش غلطان ..... الغلط مني أنا .... أنا اللي ربيت تعبان لحد ما كبر ونهشني ..... ياريتك طلعت زي أبوك الله يرحمه .... كان زيك في كل شيء إلا أنه يتحداني ويهددني ....لولا أني مش هقدر على شماته الكل فيا مكنش همني اللي هتعمله .... وأضاف الجد بحسرة _ حتى ولادك اللي قولت هيعوضوني عنك ...ماتوا .....السوالم فضلت ورايا لحد ما كسروا ضهري تاني !! جز صالح على أسنانه پعنف وقال _ ما أبنك السبب .... هتف الجد بعصبية _ اسمه عمي ...مش أبنك ! أبني ده اللي ادالك بناته الاتنين اللي اتسببت في اڼتحار واحدة ....والتانية كانت هتحصل أختها لولا ستر ربنا ....لولا أني مش راضي الڤضيحة كنت عرفت الدنيا بحالها أن صافية اڼتحرت ...مش ماټت مۏتة ربنا زي ما الكل فاكر! دث صالح عقب سيجارته أسفل حذائه ودهسه بغلظة ....وبنظرة عڼيفه لجده ثم قال بتحذير له _ أنت قولتها ياحج صادق ....أنت ربيت تعبان ....أنا تعبان ... تحذيري لوحده سم ....مش هفكرك أني مش ببقى على حد .... ولا حتى هبقى عليك أنت....تربيتك وشربت منك اللي أنا فيه نقطة نقطة .... جاي تلومني على شيء أنت ربتني عليه في الأصل يبقى لوم نفسك !

خشي الجد من نظرات حفيده الشرسة ...الذي يعرف أنه على أتم الاستعداد لفعل أقبح الأشياء دون رمقة ندم ! نهض صالح من مقعده وقال وهو يحكم الشال الثقيل حول كتفيه جيدا _ أنا خارج ....هقابل المنصوري في مكتبه عشان طلبية الخشب اللي بقالها أسبوع متعطلة .... توجه صالح بعد ذلك في اتجاه باب الشقة ثم غادرها ...... دخل المصعد وبعد نصف دقيقة خرجت ليلى من المصعد الآخر الجانبي وهرعت إلى الشقة رقم ١٠ ..... دقت جرس الباب وفتح لها الخادم
الذي نظر بها بقلق وحيرة من السماح بالدخول....دفعته بحدة وركضت للداخل حتى توقفت عندما وجدت جدها يضع رأسه على يديه التي تضم عصاته التي يستند بها على الأرض ....يبدو أنه في حالة من الضيق والحزن ....كانت تعرف أن تلك اللمحة لا تظهر عليه بالصدفة ! قالت بهتاف وعصبية _ بنتي فين ! رفع الجد رأسه بهم ثقيل يطل من عينيه ....ثم نظر إليها بنظرة غامضة فكررت ليلى سؤالها بعصبية _ رد عليا بنتي فين ! قال الجد وهو يهرب بعينيه في نظرة خزي وندم _ بنتك في الأمان يا ليلى ....هتلاقيها في الأوضة اللي على شمالك دي....خدي بنتك من هنا وأبعدي يا
بنتي ..... أبعدي عن الشيطان ده..... هرعت ليلى للغرفة على يسارها وفتحتها سريعا حتى وجدت أبنتها الصغيرة ټدفن رأسها بالوسادة وتكتم صرخاتها ....ركضت إليها وهي تردد اسمها حتى رفعت الصغيرة رأسها بعينيها تطرفان بسرعة عالية كأنها وجدت طاقة نور بآخر النفق المظلم ..... ضمتها ليلى باكية بقوة وتمسكت بها الصغيرة وهي تبك أيضا وتعاتبها ببراءة على تركها فقالت ليلى بأسف ودموع مؤلمة _ حقك عليا يا عمري....لو ھموت مش هسيبك تاني ... نهضت ليلى وهي تحمل أبنتها التي علقت ذراعيها الصغيرة حول رقبة أمها تناجي منها الأمان والحماية ..... خرجت من الغرفة فوجدت الجد صادق يقترب منها ....ابتعدت عنه وهي تحتوي أبنتها بين ذراعيها أكثر ....فقال الجد بشيء من الأسف _ حاولي تسامحيني يابنتي ....أنا عارف أنه صعب ....بس حاولي .... صالح مش هنا ....أمشي قبل ما يجي تاني ..... قالت ليلى بنظرة شرسة ونبرة غاضبة _ أنا جيت من الباب مجيتش متخفية ....جيت وكان نفسي أشوفه عشان أقوله أن من النهاردة هقدر اقف قصاده ....واللي هيقرب لبنتي يبقى