رواية رائعة الجمال الفصول من 11-20

ايه
مش حريحك حكلمك لما أوصل الشغل.
شكلك مزنوقه ومش عارفة تردي هو معاكي. 
حكلمك لما أوصل بقي باي.
أخد فرامل جامدة مرة واحدة.
لو السواقة كده مش عايزة عربية.
انت عيد ميلادك النهاردة.
ابتسمت بخجل ورديت بإماءة بسيطة لقيته لف بالعربية. 
ما قولتيش ليه
عادي انت رايح فين
راجعين البيت مافيش شغل النهاردة
ليه اسفة لو زعلت.
وقف العربية واعترض على اعتذاري 
بتعتذري ليه ومش زعلان أصلا انت النهاردة إجازة وخدي الفلوس دي اشتري فستان وروحي الكوافير لو عايزة حنخرج بالليل خدي ماما معاكي ماتنزليش لوحدك.

ورجعني البيت وهو كمل طريقه لما طلعت لقيته بيكلم طنط وكانت فرحانة قوي.
خلصت ونزلنا ومعانا هبه طبعا اشتريت فستان وطنط ساعدتني في الاختيار روحت للكوافير طنط خلتني اعمل كل حاجة كأني عروسة ونور كلمتني وفرحت عشاني جدا أخدت وقت طويل في الكوافير ورجعنا البيت أكلت حاجة بسيطة وعماد كلمني أجهز لما طلع وشافني انبهر كأنه أول مرة يشوفني كنت مكسوفة قوي من نظراته وسط دعوات طنط لينا بالسعادة والبسملة والتكبيرات فرحت قوي قوي عاملني كأني ملكة عمري ما تخيلت إني ممكن أشعر بالسعادة دي في يوم وكأن دنيتي تصالحني اخيرا وبقوة.
خرجنا وروحنا مطعم فخم جدا كانت باينة عليا الفرحة قوي حاسة إني بجد عروسة في شهر العسل.
أنت فرحانة قوي كدة
اماءت راسي ومش عارفة اتكلم
عارفة إنك حلوة قوي ذوقك حلو كمان الفستان مناسب ليكي جدا وماشي مع لون عنيكي.
اتكسفت قوي ووجهي احمر.
أول مرة زوجة تتكسف من جوزها بعد اكتر من ثلاث شهور تحبي تأكلي ايه
علي ذوقك.
يمكن ذوقي ما يعجبكيش اختاري احسن
أكيد حيعجبني.
اللي يريحك بس ما تجيش تقولي مش عايزة ده.
حاضر.
مش بقولك مطيعة. 
مرت فترة صمت عايزة اكسرها ومش عارفة بحد ما اتكلم هو
ساكتة ليه أنا دافع فلوس كتيرة لازم نعمل بيها.
ضحت من قلبي 
بصراحة مش عارفة أقول أي حاجة.
مع إني دايما بحس جواكي كلام كتير قوي ومش بتقوليه
كلامه فرحني معقول فاهمني بدون ما اتكلم كان بقالي كتير مش بحب ابص في عينه عشان ما اشوفش النظرات اللي بتقتلني بأحاول أقنع نفسي أنه اتعود علي وجودي في حياته.
حتجاوبني 
حسب السؤال.
أنا معرفش عن حياتك أي حاجة مع إنك تقريبا عارف كل تفاصيل حياتي قبل كده.
عادي كنت متجوز واحدة قريبتي ومحصلش نصيب وانفصلنا ماكنش في حياتي غير شغلي ووالدتي لحد ما ظهرتي في حياتي وشقلبتيها.
مش عارفة ليه ضحكت جامد.
أنا ما قولتش نكته.
اسفة والله مش قصدي.
لو اعتذرتي تاني لأي سبب حزعلك.
بصيت له بذهول وزعل فغمض عينه واخد نفس عميق وبعدين فتح.
بتعتذري بسبب وبدون مش عايزك كده ما تضايقيش ما ينفعش تزعلي النهاردة قولي كنت بتضحكي ليه
افتكرت لما كنت بروح المقاپر كنت دايما بلاقيكم هناك تقريبا كنتم ساكنين هناك.
ودي حاجة تضحك قوي كده
مش عارفة بس كانت صدفة غريبة قوي.
ابتسم واكد كلامي 
فعلا هي غريبة يمكن لو ماكنش ده حصل كنت لما جيتي القسم تبقي واحدة عادية زي أي واحدة بتدخل القسم وما التفتش ليكي.
كنت فاكر من أول مرة.
أكيد الصراحة ومن غير ما تزعلي ماهو مش الطبيعي الأحوال اللي كنت بتبقي فيها كل مرة.
اختفت ابتسامتي وسكت
اسف.
أنا ابتسمت بمرح 
انت كمان بتعتذر اهو.
ضحكنا شوية وبعدين مرت فترة صمت كسرها هو 
لما بكون متضايق قوي أو مبسوط قوي بروح أزور بابا عشان كده وقتها كنت بروح هناك كتير.
بصيت له وحسيت بۏجع في قلبي 
كنت متضايق وقتها
أيوة عرفتي منين
طريقتك وانت بتتكلم.
ابتسم وبص لي جامد وسكت.
ممكن تسال عادي.
اندهش ىنت عارفة اني كنت حسأل
أكيد.
ثقة مبالغ فيها.
طيب حجاوب من غير ما تسأل عشان تعرف إنها ثقة استحقها.
ماشي وتحدي.
بحس بيك بفهمك من نظرة عشان بحبك من زمان وعارفة إنك مش بتحبني ومش زعلانة وراضية بأي حاجة منك وأي تصرف وبفرح به جدا حتي لو وجعني.
مش عارفة قولت كده إزاي واتحرجت جدا وهو اڼصدم وما عرفش يرد.
ممكن نمشي.
لأ كملي
رغم إحراجي استرسلت في الكلام استغربت جرئتي اللي لأول مر تظهر.
ما فهمتش غير وقت الحاډثة لما لاقيتك بين الحياة والمۏت كان عندي استعداد اديك دمي كله برضي وسعادة.
عشان كده لما سالتك قولتي اني بأذيكي .
ايوة. 
أذيتك ازاي مش فاهم لحد دلوقتي.
جرئتي بدأت تختفي وقلبي اتوجع من كلامي وصحى چروحي 
كان مستحيل أعرفك إحساسي وقتها وعارفة شعورك ناحيتي والموجود لحد دلوقتي مش طمعانه تبادلني احساسي في يوم.
وقفت نفسي اهرب من الحقيقة اللي حطيتها قدام عيني.
ممكن نمشي.
مسك ايدي 
لأ.
وقتها المطعم شغل رقصة سلو أخدني نرقص ورفع وجهي له ما اتكلمش بس بصلي كتير وابتسامة حنونة تزين ملامحه عنينا اتكلمت بدالنا ما كنتش حاسة بحاجة ولا فاهمة للحظة حسيت إن جواه إحساس ليا ورجعت كذبت نفسي لأن دي الحاجة الوحيدة اللي ممكن انهار لو تعلقت بيها ولقيتها أوهام مر الوقت بسرعة اتبسط قوي ورجعنا البيت طبعا طنط كانت نامت.
لحعلينميلة قوي.
تاني يوم لأول مرة صحي قبلي وابتسم أول ما فتحت عيني يطمني إنه مش متضايق وضمني برقة. 
صباح الخير يا عروسة.
ذهول وفرحة كبيرة بدون ما اتكلم مش عارفة احدد إحساسه بس خاېفة امني نفسي بحاجة مش حقيقة حاتعب قوي لو اڼصدمت لكن ما بقتش خاېفة من الدنيا وآمنت لها يا رب ما تغدرش بيا تاني.