رواية رائعة الجمال الفصول من الاول للعاشر

والله يا أمل عشان عارف اخلاقك كويس مش حأمنعها عن الاتصال بيكي.
أنا شكرا يا أنكل ربنا يخليك لينا.
بس كده أنا دلوقتي سالت علي اجراءات التبني وللأسف عشان مطلقة الموضوع حيكون صعب ومعقد الصراحة منتهي الظلم ربط التبني بوجود زوج يعني لو واحدة ما تزوجتش لاي سبب ليه يمنعوها انها تتكفل بطفل يتيم اتحرم من وجود ام واب ليه تكون له ام وتهتم به وتراعيه وهما الاتنين يؤنسوا وحدة بعضهم الطفل يلاقي ام متفرغة وسند يحميه من الايام والست تلاقي قلب صافي يطبطب عليها ويراعيها لما تكبر ويكون لها سند.
قررت أءجل تغير البطاقة اللي مكتوب فيها اني لسه متجوزة من ا زياد وفعلا بدأت الاجراءات كنت ناوية اني اشوف طفلة بنوته يعني يكون عمرها سنة او اكتر شوية بس لما روحت ودخلت المكان اللي فيه الاطفال شوفت نونة صغنونة قالوا انها جت من كام يوم لقوها مرمية في الشارع بعد ولادتها علي طول وكان الحبل السري لسه فيها معرفش ليه لما شوفتها اتشديت لها وما قدرتش اسيبها وقررت اني اتكفل بها واخدتها بالرغم انهم قالوا انها تعبانة ومحتاجة اهتمام خاص يمكن تبنيتها عشان حسيت إنها مرفوضة من أهلها زيي بس هم كانوا أقسى عليها لأبعد الحدود رموها بعد ولادتها بدون رحمة علي الأقل بابا وماما حبوني وطبطوا عليا وربوني احسن تربية ولقيت اخ اكيد حيجي يوم ويعبر عن حبه ليا اصل أنا مقتنعه انه بيحبني و مش عارف هههههههه سذاجة صح.

الفصل العاشر
اليوم الصعب استلمت البنت قررت أقول أنها بنت قرايبنا ماتوا في حاډثة وهي نجيت وده مش خوف من نظرت الناس بس هو ممكن يهدي الناس حواليا وبردوا عشانها في المستقبل الناس مش هترحمها لو عرفوا انها لقيطة رغم أنه مش ذنبها ولا غلطتها لكن هي اللي هتدفع الثمن لوحدها الناس هتعاملها كأنها جرثومة وآفة مع انها المضرورة الوحيدة.
بدأت أتحرك بالطفلة الدار سموها أمل عبد الله حامد هههههههه مش عارفة ليه نفسي أغير الاسم مش ملائم لها يارب حظها يكون أحسن من حظي ألف مرة.
في الشغل صدقوا عادي تمنوا ربنا يقدرني علي تربيتها أما في البيت فالجيران أصلا مش طايقني لوحدي وبقيت شبهه رسمي. 
ما اهتمتيش ولا فرق معايا وكنت بقابل نظراتهم اللي تتهمني بلا مبالاة وانظر لهم من فوق لتحت وادعيت القوة لحد ما بعد كام يوم وأنا راجعة من المستشفى والبنت معايا لقيتهم عاملين ثورة اه والله ثورة متجمعين أمام باب العمارة رافضين دخولي ومنظمين نفسهم الستات واقفين في الصف الأول أمامي وأزواجهم وراهم في الصف التاني وبدأوا يوجهوا اتهاماتهم ليا وده اللي حصل.
واحدة من السكان مين البنت دي مش كنت لوحدك قبل كده.
وانت مالك بتسألي ليه وواقفين كلكم كده عشان تسالوني أحب أقولكم ماحدش له دخل في حياتي.
واحدة تانية 
اه أصلها مش ناقصة يعني أنت أصلا شاكين فيكي لوحدك تقومي بعد شهرين راجعة برضيعة علي ايدك وأحنا مش شايفين حد من أهلك انت عاملة مصېبة ولا ماشية شمال ولا خاطفة الواد ولا البنت دي
ما أسمح لكيش علي فكرة بعدين دي حياتي أنا حرة مش بتدخل في حياة أي ساكن هنا.
واحدة تانية 
أنت كمان ليكي عين تتكلمي والله شكلك خاطفاها ما أحنا بنسمع الفترة دي كتير عن خطڤ الأطفال والمتاجرة بهم وأنت شغالة في مستشفى يعني مشكوك فيكي رسمي.
كنت حاسة اني في مصيدة والكل متكاتف ضدي يا ريت كل واحد يلم لسانه وأنا مش ملزمة أوضح لحد فيكم أي حاجة وإلا مش حيحصل كويس ما تفتكروش إني ضعيفة محدش فيكم ليه عندي حاجة واللي له سلطة عليا يكلمني وسعوا كده خلوني أدخل البيت أرتاح.
مش بقولكم لساني متبرى مني من زمان كلام وبس هههههههه.
واحدة منهم 
طيب تعالي علي القسم وهناك نعرف مين دي بقا.
الكل في نفس واحد 
صح يلا وحد يأخذ منها الرضيع ده لحسن تجري بيه.
في لحظة لقيت حد أخد البنت وهي بتصرخ ومېت ايد تمسكني وتشدني هدومي تبهدلت والحجاب بقي علي رقبتي كنت خاېفة قوي وحسيت پقهر شديد ووحدة رهيبة.
دخلنا القسم كنت برتعش والظابط هناك سمع ضجه كبيرة لدرجة أنه خرج بنفسه يشوف في إيه ودخلنا عنده الكل بيتكلم في نفس واحد وأنا مڼهارة بابكي بشدة
حرام عليكم أنا ما اذتش حد منكم هاتو البنت پتبكي حرام والله.
ومفيش فايدة الظابط زعق فيهم بنبرة حادة زودت وكملت ړعبي ما حستش بنفسي وغير والظابط يحاول يفوقني الصوت كان مش غريب مش عارفة ليه ومش في وقت يسمح اني افتكر اي حاجة المهم قعدت وجاب لي ميه.
الظابط عماد حشمت 35 سنة طويل أطول مني تقريبا 180سم كده واضح أنه أبيض بس الشمس سمرته جدا شكله رياضي عضلاته مش ضخمة ملامحه خشنة ووسيم في نفس الوقت الوقار والهيبة صفة اساسية له
الظابط 
اهدي كده وما تخافيش من حاجة واللي