رواية رائعة الجمال الفصول من الاول للعاشر

النهاية هترتاحي يا أمل.
نفسي يا بابا أنا تعبت قوي قوي.
صحيت علي صوت الغفير وكنت بنادي علي بابا
مدام أمل مدام أمل 
فتحت عيني وما قدرتش اتكلم
حضرتك نايمة بقالك كتير العصر أذن من شوية الناس اللي في المقاپر اللي قدامك افتكروا بعد الشړ حصل لك حاجة.
أنا كنت تعبانة قوي مش قادرة أتحرك حاولت أقف بصعوبة جدا وبقيت أسند علي الحيطان اللي حواليا طلع تقريبا نفس الشخص ووالدته تقريبا ساكنين هناك مش معقول الصدف الكثيرة دي أنا عرفت أنه هو من الصوت كل مرة بيكون في سبب إني ما أشوفش وجهه أبدا.

أنت كويسة!. 
ايوة. 
الحقيقة ما كنتش قادرة أتكلم صوتي يا دوب طالع حتي مش قادرة افتح عيني
لا شكلك تعبان عايزة مساعدة معاكي حد يوصلك
أنا لوحدي لو ممكن تشوف لي تاكسي.
كنت هاقع فسندني ونادي والدته ووصلوني لعربيتهم وفتحها أقعد فيها بحد ما يلاقي تاكسي.
ماما خليكي معاها حشوف لها تاكسي واجيبه هنا.
يا أبني ممكن أخوها يعمل مشكله زي كل مرة.
أكيد مش حنسيبها كده يا أمي ومش حيقدر يعملي حاجة أنت عارفة.
كنت بأضعف أحوالي جسمي ودماغي تقال بدرجة كبيرة جه التاكسي وركبت وسالني على المكان قولت له ولسه زي ما أنا مش قادرة ومشي التاكسي ورجعت البيت.
طبعا روحت متأخرة وكانوا موجودين و أ زياد اللي هو المفروض جوزي كان ڠضبان جدا وثائر بدرجة تخوف وأول ما فتحت لقيته قدامي بحالته دي ورغم من تعبي واني مش شايفة لكن كانت حالته واضحة جدا.
حمد الله علي السلامة لسه بدري ما تاخرتيش شوية كمان ليه
كنت بزور بابا والوقت أخدني.
المفروض أصدق ومالك عاملة كدة ليه
تعبانة شوية مش عارفة تعبت قوي وأنا هناك ممكن من كتر العياط.
وكنت داخله علي الأوضة فشدني من ذراعي وكمل
تعالي هنا.
تأوهت من الۏجع ما كنتش قادرة أفتح عيني.
كفاية تمثيل واقفي هنا.
تعبانة مش بمثل والله تعبانة سيبني أنام مش قادرة أقف.
كنت فين وجاية مش قادرة تقفي كده 
المقاپر والله كنت بزور بابا سيبني أدخل بقي تعبانة.
ما كنش مصدق شدني زقني بكل قوته وكانت المسافة بيني وبين الحيطة حوالي نص متر الخبطة كانت شديدة قوي وأنا كنت تعبانة حسيت پألم شديد قوي بظهري وسائل بدا ينزل مني وقعت علي الأرض حاسة بكل حاجة مش قادرة أتكلم او أتحرك أما هو فبدأ يضربني برجله في بطني وأولاده يحاولوا يهدوه أو يبعدوه عني.
قومي بلاش استعباط مش حعدي تاخيرك كدة.
يا بابا شكلها تعبان بجد سيبها.
ممكن يحصل لها حاجة كده يا بابا.
وبعد لحظة بدأت عليا تصرخ هي بتشاور عليا أول ما نظرهم وقع عليا خافوا و أرتعبوا نزل مني ډم غرق هدومي كلها والأرض جابو غطا من جوه وشالوني وجريوا علي المستشفى.
نروح المستشفي القريبة من البيت
لأ دي خاص كتير عليها نروح حكومي أرخص خسارة فيها أي فلوس.
وكان حظي حلو أنه استرخص لأني كنت حامل الحمل نزل وعمل لي مضاعفات كمان وعشان استرخص وراح حكومي فالمستشفى بلغت القسم عملوا اللي المفروض يتعمل ولما بدأت افوق وعرفت اللي حصل طلبت إني اشوفه لما دخل عليا كلمته وأنا تعبانة جدا بتكلم بالعافية 
أنا بخيرك دلوقتي إما تجيب مأذون وتطلق وتبعت لي هدومي وحاجتي كلها قبل الظابط ما يجي يا إما حقول إنك ضړبتني قاصد تجهضني وتحمل الپهدلة والشوشرة
.
وأنا موافق علي الطلاق أصلا مش متمسك بيكي بس أخوكي أخد عليا شيك بالمؤخر ومبلغ كبير وأنا مش هادفع فيكي الفلوس دي أولادي أولى.
سهلة هتنازل لك عن الشيك في المحضر وحاكتب لك ورقة تنازل عن المؤخر بس عايزة كل حاجتي والطلاق يتم علي يد مأذون طلقة بائنة مش كلام.
قررت الهروب دي كانت فرصتي لؤي مسافر وازياد ماعندوش اختيارات لازم أدور علي نفسي مش هتقدر أتحمل إهانة وذل أو ضړب تاني تعبت فعلا.
هو راح جاب مأذون وطلقني وأولاده جابوا كل حاجاتي من البيت كلمت نور علي طول وحكيت لها باختصار اللي حصل فجت لي هي ووالدها ما اتاخرتش عني ولا عن مساعدتي كمان كلمت عمتي وحكيت لها اللي حصل.
أزيك يا عمتي أنا أمل.
أمل! وحشتيني قوي فينك من بعد ۏفاة سالم كلمتيني مرتين ثلاثة وخلاص كده طمنيني عنك وعن أحوالك.
والله حصل كتير بس مفيش وقت أحكي أنا محتاجة مساعدتك بابا الله يرحمه قالي لو الدنيا ضاقت عليا قوي أرجع لك وأنت تساعديني.
عنيا ليكي يا أمل ده سالم ليه فضل كبير قوي عليا.
أنا تطلقت وعايزة أبعد والحق نفسي قبل ما يرجع لؤي من السفر ويحاول يرجعني ل ا زياد أو يدور علي عريس تاني.
تعالي عندي هأجهز لك كل حاجة وأحجز لك تذكرة من بكرة لو تحبي.
مش عايزة أسافر حأهرب منه ومن حياته بس هنا حسيب شغلي وأروح شغل وسكن بعيد علي قد ما اقدر بس هو مش سايب لي لا ورثي من بابا وماما ولا حتي الدهب بتاعي.
نفس فكر جدك الله يرحمه ما تقلقيش يا