رواية رائعة الجمال الفصول من الاول للعاشر

أمل أنا حبعت لك فلوس وحكلم جوزي يشوف لك شغل عند حد من معارفه هو يعرف ناس كتير قوي في مصر وحكلمك كل يوم أطمن عليك ربنا معاكي يا بنتي عرفيني بس ابعت الفلوس لمين او لو ليكي حساب ابعت عليه وأطمني أنا معاكي لحد ما تستقري ولو لزم الامر اجي لك هاجي أنت الغالية بنت الغالي الله يرحمه لولاه كان زماني مت من القهر من زمان.
أما نور فوالدها كان مشفق عليا جدا ومهتم فعلا.
حتعدي فين يا بنتي 
مش عارفة يا أونكل بس مش حينفع أرجع عند لؤي لأني قررت أعمل اللي كان لازم أعمله من وقت طلاقي الأول عايزة أدور علي شقة ومش حقدر دلوقتي.

خلاص تعالي اقعدي مع نور لحد ما تبقي كويسة وبعدها نشوف سمسار يدور لك علي شقة في المكان اللي عايزاه حتدوري عليها تمليك ولا ايجار 
ايجار مؤقتا مش معايا فلوس لتمليك كل فلوسي لؤي شايلها.
ما تشليشهم يا بنتي إحنا معاكي لحد ما تستقري أنت في معزة نور اعتبريني زي والدك بالظبط.
خرجت من المستشفى علي بيت والد نور قعدت هناك يومين خلالهم عمتي أرسلت لي فلوس وجوزها لقى لي عمل في مستشفي خاص بمنطقة بعيد عن بيت بابا وسكنت جنب الشغل يعني مش بتحرك كتير زورت بابا لأخر مرة قبل ما اختفي من حياة لؤي لأني مش حاقدر أروح هناك تاني لازم لؤي ما يعرفش إني في القاهرة قدمت استقالتي من شغلي القديم وغيرت رقمي وقبلها بعت رسالة علي الواتس للؤي
لؤي أنا عارفة إني حمل تقيل عليك وطول عمرك نفسك تتخلص مني أنا تعبت قوي قوي ومش هاتحمل ضړب وإهانة أو ذل تاني لا منك ولا من المدعو جوزي اللي تطلقت منه أخيرا ومش هاقدر أتجوز تاني كفاية قوي كدة وعشان اخلصك مني قررت البعد أنا سافرت ومش راجعة تاني ومش في مصر كلها ما تتعبش نفسك وتدور عليا اعتبرني مت أو ما اتولدتش من الأساس عارفة إني مش هاوحشك وكنت حمل تقيل عفيتك منه أحب أقولك إنك هتوحشني بس طاقتي خلصت ولسه عمري ما انتهاش للأسف عشان كدة مضطرة أودعك وأمشي بعيد سامحني.
كان لازم أحول تفكيره لأماكن بعيدة عني ومتأكدة إن أول حاجة يفكر فيها سفري لعمتي تحجبت بما إني حاقعد لوحدي عشان كلام الناس أهو استخبي منهم.
الفصل التاسع
أنا دلوقتي وصلت للحظة اللي بكتب فيها حياتي القديمة خلصت ولسه مش عارفة بكرة مخبي إيه! خاېفة مش عارفة اللي حصل ده صح ولا غلط! بس اللي عارفاه إني مش عايزة اتجوز تاني متأكدة إن الجواز حاجة غير اللي عشتها لكن حقيقي صعب اتقبل فكرة الجواز من جديد كان نفسي في حياه مستقرة عادية وعمر ده ما حيحصل سواء فضلت مع لؤي لأن تفكيره غلط أو دلوقتي وأنا لوحدي ونظرت الناس ليا تغيرت وأنا وصلت لمرحلة تعبت فيها نفسيا وجسمانيا.
اه نسيت أقول لكم إن أخر مرة روحت ازور بابا كانت مقاپر آل حشمت مقفولة تقريبا عزلوا هههههههه.
بكرة أول يوم في شغلي الجديد خاېفة قوي ودي تقريبا أول مرة أخرج فيها من بيتي الجديد مش بخرج غير للضرورة بأبعد عن أي صدفه أو إحتمال إن حد يعرفني يشوفني لأن لو لؤي وصلي أكيد حياته حتدمر مش خاېفة من المۏت والله بتمناه بس بدون ما أدمر حياته هو اخويا وأنا والله بحبه وبدعي ربنا ليل ونهار يهديه ويغير تفكيره ويربي بناته بطريقه غير اللي جدي الله يرحمه بقي أقنعه بها وربنا يقدر رحمة أنها تغيره وتغير تفكيره يمكن تعمل اللي بابا وماما ما قدروش يعملوه.
من ساعة ما سكنت هنا وأنا عندي وقت طوييييل قوي وحاسة بوحدة رهيبة بكلم نور علي برامج التليفون لأني مش حديها الرقم الجديد غير لما لؤي يزهق ويبطل يدور عليا لأنها أول واحدة حيسأل عندها ما أعرفش غيرها حتي عنواني ما خلتهاش تعرفه رغم إن باباها كان بيدور لي علي سكن إلا إني ما أجرتش من حد تبعه جوز عمتي كان عنده شقه قديمة قافلها من سنين بعت لي مفتاحها نظفتها وسكنت فيها وده أحسن عشان لما يسألهم يكونوا فعلا ما يعرفوش حاجة لأن لؤي مش حيسكت وعايزة أقطع أي طريق يعرف مكاني منه.
أنا حاليا في شغلي الجديد المسافة بينه وبين البيت صغيرة جدا عشر دقايق بس قابلوني كويس جدا دخلت لمدير ال قابلني بترحاب شديد وقالي في توصية كبيرة بخصوصي وادوني حرية اختيار شغلي كمان فرحت قوي أخيرا حاجة تفرح تفتكروا حياتي بتظبط المهم أنا دلوقتي في مكتبي الجديد حلو قوي وليا مكتب لوحدي كمان.
مر عليا شهر دلوقتي احساس الوحدة قاټل من بعد ما برجع من الشغل حياتي فاضية. عمتي بتكلمني كل يوم تطمن عليا وطبعا شكرتها هي وعمو كتير لدرجة انهم زهقوا مني جيراني