رواية رائعة الجمال الفصول من الاول للعاشر

عارفين اني من اقارب صاحب الشقة وقلقانين مني عشان ساكنة لوحدي وبالرغم اني بروح الشغل بس ومش بخرج خالص ومحدش بيجي لي الا انهم دايما ينظروا لي من فوق لتحت شاكين فيا تقريبا موعودة هههههههه.
أول قبض من شغلي الجديد مع الحرية احساس حلو قوي عمالة افكر اعمل ايه في وقت فراغي في البيت مش عارفة بس لازم اشغله يا اما حتجنن.
خلال الفترة اللي فاتت وبعد رجوع لؤي من السفر وعرف اني بعدت وسمع رسالتي وقلب الدنيا عليا وراح لنور وراقبها فترة علي أمل تقابلني وسأل في شغلي القديم وما وصلش لحاجة الحمد لله بصراحة قلقانة عليه وخاېفة ومړعوپة يوصل لي نفسي ازور بابا وماما ومش عارفة طبعا لأنه اكيد بيروح هناك وعارف إني استحالة اكون في القاهرة وما روحش ازورهم وطبعا عدم زيارتي ليهم بتأكد له اني مش في القاهرة.

مر كمان شهر بسلام مفيش اي احداث تذكر عشان كده مش بكتب بس وصلت لفكرة تملي فراغي في البيت عمتي وافقت علي مضض عشان هي حاسة بالفراغ اللي أنا فيه وعذراني لأني محپوسة في البيت دايما لوحدي.
أنا الو زيك يا عمتي وحشتيني مع اني لسه مكلماكي بالليل.
عمتي بكاشة قوي أنا سمعت الفويس بتاعك علي الواتس بعد ما قفلت معاكي ممكن تقول لي ليه ما قولتيش واحنا بنتكلم.
أنا بصراحة كنت عايزاكي تفكري في كلامي الاول وبعدين نتناقش.
عمتي تبني طفل مش سهل يا أمل مسئولية كبيرة والناس مش حتتقبل ده بسهولة بالأخص وانت عايشة لوحدك.
أنا ما أنا مش ناوية اتجوز تاني كفاية التجربتين اللي فاتوا والعڈاب اللي شوفته ومن حقي يكون معايا طفل أنا حاخد طفل اربيه واهتم بيه واعأمله بما يرضي الله والله.
عمتي فكري كويس قوي يا أمل الناس مش حتتقبل ده وحتمري بأزمات كبيرة طيب تعالي عندي واعملي كده وتبقي معايا.
أنا لا يا عمتي عندي أمل في يوم علاقتي بلؤي تتصلح والله نفسي اشوفه وحشني قوي بالرغم انه عمره ما حضڼي غير يوم وفاه بابا.
عمتي أنا مش حقول لك لأ بس فكري لأخر مرة وخلي بالك الطفل ده لما تتكفلي بيه وتأخذيه مش حينفع ترجعي وتسبيه في الدار لأنه حيكون اتعود علي دفا حضنك ما ينفعش يرجع تاني لبرودة الدار فهماني بصي للموضوع من الناحيتين يا حبيبتي عشان لا ټأذي نفسك ولا ټأذي طفل قست عليه الايام.
أنا بفكر بكلامها لأنه لمس قلبي جدا عارفة يا عمتي كلامك بيفكرني ببابا قوي نفس طريقته الحلوة عارفة متهيألي حضنك حيكون شبه حضنه. مش ناوية تيجي مصر زيارة واشوفك نفسي قوي واحضنك.
عمتي والله يا أمل ما اعتقدش ممكن انزل مصر في يوم من ساعة ما هاجرت وأنا رافضة انزل مصر حتي زيارة أنا شوفت فيها كتير تعالي انت ولو فسحة وما تشليش هم اي تكاليف.
أنا ربنا يخليكي يا عمتي يا احلي عمة خليها للأيام أنا بردوا ما اعتقدش ممكن يوم اخرج بره مصر بالرغم اني حاسة لحد دلوقتي اني عايشة والسلام إلا اني زي السمكة لو طلعت بره مصر أموت.
عمتي طيب يا أمل فكري كويس في موضوع كفالة الطفل في البيت وعرفيني قرارك.
أنا حاضر يا عمتي سلام.
ده كان كلامي مع عمتي حبيبتي أما نور فهي شايفة اني تجننت من القاعدة لوحدي وباباها قالها لو عملت كده مش حتقابلني تاني لأني حكون موضع شك من الناس واتصل بيا وكلمني
بابا نور ازيك يا أمل يا بنتي.
أنا الحمد لله يا أنكل حضرتك عامل ايه.
بابا نور الحمد لله يا بنتي بصي يا أمل أنا حدخل في الموضوع علي طول نور قالت لي علي اللي نويتي عليه وده صعب قوي يا بنتي مش حتخلصي من كلام الناس وخلي بالك انك لسه ناقله جديد وزي ما قولتي لنور الناس مستغربة انك لوحدك وقلقانين منك زي ما حكيتي ازاي مرة في يوم ترجعي بطفله حيشكوا فيكي اكيد ويتهموكي في شرفك انت متخيله مقدمه علي ايه دي خطوة مش سهلة ابدا.
أنا فاهمة والله يا أنكل بس أنا في وحدة رهيبة ومش ناوية اتجوز تالت في يوم أنا اتبهدلت قوي يا أنكل والله وتعبت وكدة كدة الناس مش حتسكت وأنا اهو من الشغل للبيت والعكس وبينظروا لي من فوق لتحت في كل خطوة ليا مع اني والله مش بخرج بعد الشغل ولا حد بيجي لي.
بابا نور بصي يا بنتي أنا طبعا مش حأحكم عليك أنا حبيت اقولك وجهة نظري واعرفك الواقع اللي اكيد حيحصل وما تزعليش يا بنتي لو ناويتي علي كده نور مش حينفع تقابلك ابدا يادوب علي قد التلفونات وبعيد عن سمع الناس عشان نور مخطوبة وما يرضكيش اذيتها.
أنا والدموع علي وجهي ما يرضنيش يا انكل بس لو سمحت خليها تكلمني حتي لو مرة في الاسبوع أنا ماليش غيرها هي وعمتي.
بابا نور