رواية رائعة الجمال الفصول من الاول للعاشر

حكاية الوجه الأول هي
الفصل الاول
أنا أمل اسم علي غير مسمي زمان كان عندي أمل الدنيا تكون افضل بس شكلي كنت بحلم حكايتي لسه ما خلصتش متهيأ لي انها حتفضل زي ما هي مش حتتغير بكتب لأني تعبانة جدا ومخڼوقة ومحتاجة افضفض أنا دلوقتي عندي 28 سنة تخرجت في كليه تجارة بعمل في مستشفي خاصة.
حبدأ حكايتي من وأنا صغيرة اعرفكم الاول بأسرتي بابا سالم رشدي طيار وطبعا طول الوقت مسافر شغله... طيب قوي وحنين معايا جدا ودايما حاسس بالذنب ناحيتي
ماما حنان رشدي هما اكيد مش اخوات رشدي اسم العائلة هما اولاد عم حبوا بعض وتزوجوا هي كمان طيبة جدا بتحبني ودايما بتخبي عن بابا اي حاجة ممكن تزعله حصلت اثناء سفره ومن هنا بدأت معأناتي

جدي حازم رشدي سبب تعاستي هو حازم جدا فكل حاجة مع ستات العائلة علي العكس تماما مع الرجالة هو نفسه بتاع ستات وخاربها وجدتي ما قدرتش تتحمل طبعه وانفصلت عنه وما قدرتش تاخد بابا او عمتي منه كان قوي وليه اصحاب في كل حته لم ينفع معه قانون ولا واسطة فسلمت امرها لله عاش معأنا بالبيت لان بابا دايما مسافر وقال عيب انه يسيب مرات ابنه وبنت اخوه لوحدهم وبالتالي فهو اللي ربي اخويا الكبير لؤي ورسم شخصيته للأسف.
عمتي هدي رشدي عايشة في امريكا تركتهم وهربت على هناك كملت اخر سنة بالجامعة من هناك وتزوجت ومش ناوية ترجع ابدا وأنا طبعا ما شوفتهاش ابدا غير في الصور وسمعت عنها من بابا لأنه هو اللي ساعدها تسافر من ورا جدي وسمعت من جدي كلام علي النقيض عنها كل واحد من وجهة نظره طبعا.
اخويا لؤي رشدي السبب التاني والأساسي لمعأناتي ومش حتكلم عنه كتير كفاية اقول لكوا ان من معاني اسه الثور الۏحشي الصغير فتخيلوا تصرفاته ازاي هو اكبر مني بخمس سنين.
دلوقتي حبدأ احكي أنا بدأت اوعي لقيت بابا مسافر وماما دايما بټعيط طول سفره وجدي علي طول ڠضبان ومكشر في وجهها ومعايا طبعا كنت بخاف اطلع من غرفتي او افضل معهم وكان لؤي كل ما يشوفني يزعق لي ويطلب مني اي حاجة حتي لو جنبه وبعيد عني وفي مرة كان عمري وقتها خمس سنين وهو عشرة وطبعا بابا مش موجود وجدي قاعد في نفس المكان
لؤي أنت ويبص عليا هاتي المية دي.
أنا اسمي أمل والمية جنبك ما تأخذها أقوم أنا ليه وهي جنبك.
لؤي تقومي عشان أنا قولت هاتيها وأنا أنادي عليك باللي يعجبني مش عايز اقول اسمك أنا حر.
أنا اوك أنا كمان حرة وادام مش عايز تقول اسمي ما تتكلمش معايا احسن.
طبعا جدي جالس معنا ومش طايقني ومستني يشوف اخويا حيعمل ايه
لؤي انت لسانك طويل وحقطعه لك.
أنا ما تقدرش.
في الحقيقة هو ما اتكلمش وقف وقرب مني ارتجفت طبعا لان مش اول مرة يعملها بس أنا لساني متبرى مني بقول اطلع اللي جوايا بالكلام يعني لا كلام ولا فعل. 
أنا ماما يا ماما الحقيني يا ماما.
ماما جريت عليا طبعا وتزعق لأخويا ومن هي جوه
ماما سيبها يا لؤي حرام عليك اختك ربنا حيحاسبك على اذيتها وأنك مش بتسمع كلامي لو مت حكون ڠضبانة عليك.
لؤي دي قليلة الادب عايزة تتربي. 
ماما اخدتني في حضنها وحايلتني وأنا ماسكة نفسي من العياط بالعافية مستنية ادخل الغرفة عشان اڼفجر.
ماما يا ابني دي اختك حته منك المفروض تكون حنين عليها شوف بابا بيتعامل معاها ازاي واعمل زيه.
طبعا جدي ضحك بسخرية من غير صوت ولؤي كمان ورد جدي
جدي حازم اه عايزها لما تكبر تعمل زي عمتها بسبب جوزك وتطفش هي كمان لازم الشدة معاها أنا مش عارف جوزك مش طالع ليا ليه لؤي هو ابني الحقيقي بص لأخويا انت صح البنت لازم لها الشدة.
ماما بصت لجدي مش قادرة تتكلم لأنها قبل كده ردت على كلامه ضربها قدامنا وطبعا كل اللي حصل ده بابا مش حيعرف عنه اي حاجة حتى لما جدي ضربها سكتت وخبت علي بابا الحقيقة كنت بتجنن من كده بس بسكت.
ماما لا حول ولا قوة الا بالله. تعالي يا بنتي معايا جوه.
دخلتني غرفتي واخدتني في حضنها وبكت.
ماما حقك عليا يا أمل لو كنت اعرف وقت ما اتقدم لي بابا ان جدك حيقعد معانا وهو اللي حيربي ولادي كنت فضلت بدون جواز طول عمري. أنا كنت فاكرة اخوكي حيكون زي بابا احن انسان في الدنيا عمره ما ضايقني حتي بنظره أمل بلاش لما بابا يجي تحكي له هو اصلا بيكون قلقان علينا وهو مسافر ماشي يا أمل.
بصيت لماما والدموع في عيني وسكت وزعلت منها قوي حسيت ان كل اللي فارق معاها بابا ما يعرفش وأنا عندي خمس سنين وبتضرب كل يومين ثلاثة وبدون سبب عادي. 
كنت بحب وجود بابا قوي صحيح بيفضل معأنا كام يوم لكن بتعامل كأني اميرة