رواية كاملة جامدة الفصول من الثالث عشر للخامس عشر بقلم الكاتبة الرائعة

لما العقربة أم سامي كسرت بخاطرها هي ونادية وشوفت الكسرة في عينهم وأنهم مقدروش يردوا عليها كايدتها وقلعت السلسلة عشان اوقفها عند حدها بعطف وهي تتمنى أن يقبل الله منها تعديل نيتها ويعاملها بها بس لما ندى رمت نفسها بحضني قلبي انقهر عشانها وسألت نفسي هو أنا جهازها يفرق معي في أيه في الأول والأخر حلو ولا وحش أهو ليها وكده كده سيف مش هيخلي بيته محتاج حاجة.
بمنزل سليم
تجلس سلمى بصحبة نهى أمام التلفاز بانتباه يتابعون لقاء سليم على إحدى القنوات التليفزيونية.
المحاور مبتسما حقيقي حضرتك نموذج حي للإرادة ومثل يحتذى به للشباب.
سليم محرجا الحقيقة أني للأسف لفترة قريبة كنت عكس كده تماما استسلمت لليأس ومقدرتش اتكيف مع اصابتي واعتزلت الحياة تماما للأسف كنت شايف أني حياتي انتهت خاصة وكل الدكاترة أجمعوا أن وضعي دايم لترتسم ابتسامة سعيدة على وجهه لمرورها على خياله قبل لسانه لحد ما سلمى مراتي دخلت حياتي وكان لها الفضل في التغيير اللي حصلي وأني أفهم أن اللي حصلي مش نهاية العالم وأن ممكن أعيش واشتغل رغم حالتي.
المحاور مداعبا افهم من كده أنك من المؤمنين بمقولة وراء كل عظيم أمراءة وأن مدام سلمى شريكتك في كل النجاح اللي وصلت له.
سليم بتقدير منتشيا بتكاملهما المثالي لا سلمى مش شريكتي في نجاحي سلمى هي صاحبة النجاح ده هي اللي أنشأت صفحة أعرف بلدك المشروع كان أصلا فكرتها وأنا ساعدتها بخطوات التنفيذ بما أنه في مجال شغلي.
المحاور مبتسما طيب ليه اعتذرت أنها تشاركنا الحلقة.
سليم بدبلوماسية فبالطبع ظهورها حاليا بهذه العلنية يعني تنبيه أسرة ابنها واخفاءه ظروف خاصة.
المحاور مشاكسا أيه بتغير عليها
سليم ضاحكا وقد اعترف لنفسه بأن ذلك سبب أخر لرفضه ظهورها اعلاميا جدا.
اغلق التلفاز فاجأة بعد أن ضغطت سلمى على المتحكم بغيظ. نهى معترضة ليه بس كده يا سلمى كنا بنتفرج.
سلمى منفعلة وقد اڼفجر قلبها بحكم غيرتها تفور بشرايينها باموت يا نهى باموت.
نهى مشفقة على صديقتها التي تبدل حالها منذ عودتها من تلك الرحلة المشئومة ليه بس يا حبيبتي مش قولنا نشيل الوسواس ده من دماغنا.
سلمى مقهورة وقد اڼفجرت بالبكاء حاولت والله بس مش قادرة كل تصرفاته بتقول أن شكوكي بمحلها.
نهى مستنكرة محاولة احتواء ثورتها لا طبعا يا بنتي ده مفيش حلقة طلع فيها إلا لما قال فيكي شعر.
سلمى بحنق بينيمني عشان ماحسش باللي بيعمله يا بنتي باقولك كل حركاته مريبة طول الوقت بيتوشوش في التليفون وأول ما أدخل يسكت ده غير سجل مكالمات اللي بيتمسح أول بأول.
نهى مستاءة للاستسلام صديقتها للظنون أنت مصدقة نفسك سليم لايمكن يخونك أنت بنفسك حكتيلي قد أيه هو ضغط على نفسه واتصرف ضد طبيعته عشان يساعدك.
سلمى بغيرة متذكرة طلب هدير وابتسامته لها وهو دلوقتي بيعمل عشان الهانم اللي عمره ما كان ممكن يعمله عشان يبقى مشهور وترضى عنه.
نهى بتعقل طيب ما تحاولي تصراحيه وتعرفي أيه اللي في دماغه بالظبط.
سلمى بشك وقد كفت عن البكاء فاجأة وتفتكري هيقول لي.
الحلقة الخامسة عشر
نهى متعقلة طيب ما تحاولي تصراحيه وتعرفي أيه اللي في دماغه بالظبط.
سلمى بشك وتفتكري هيقول لي. 
نهى مصرة آملة بهدم الحواجز بينهما أهي محاولة بتفكير بصي خليها الجمعة الجاية واحنا في النادي بعد ما هدى وسامر يروحوا أنا هاخد والولاد وأمشي أنا كمان اقعدوا كده لوحدكم على رواقة قاعد حلوة واتكلمي معه في كل اللي مضايقك يمكن يكون عنده سبب مقنع غير اللي في دماغك.
سلمى مقضبة الجبين وهي تتصور بوحه لها ببعث حبه القديم أن شاء الله.
نهى مستدركة بتذكر اه وخفي شوية عن هدى مرات سامر الست كده ممكن تقلق منك واحنا ما صدقنا اتعرفنا عليها والولاد بقوا يلعبوا مع بعض.
سلمى ثائرة وقد أصبحت لا تحتمل محاصرة الضغوطات من كل الاتجاهات محدش حاسس بي محدش متخيل أنا بحس بأيه وابني بيجري على حضنها ويقولها يا ماما وأنا مش من حقي اقرب منه.
نهى متعاطفة لثورتها لا يا سلمى حاسة بيكي من أول مرة خدتيني النادي وحكيتي لي كل حاجة عشان متستغلنيش أنا وولادي وأنا حاسة بيكي أساسا محدش ممكن يحس بيكي زي غاضبة من نفسها قبل الجميع لتذكرها خنوعها المهين أنا كمان مكنش من حقي أقرب من عيالي وهما عايشين معي دعاء كانت منعاهم عني خاېفة لاخدهم لصفي فكانت بتقويهم علي بحكمة اكتسبتها مؤخرا بس هدى واضح أنها أنسانة كويسة وبتحب سليم بجد وأنت بطريقتك المتحفزة معها دي ممكن تحرمي نفسك من قربه الكام ساعة بتوع الجمعة لحد ما ربنا ييسر وتقدري تاخديه.
سلمى مڼهارة وقد خارت قواها كل حاجة هتضيع مني سليم وأنا متأكدة أنه مخبي حاجة عني وسولي ومش قادرة أشبع منه ولا عارفة هاقدر أخده فعلا ولا لا.
نهى بيقين فمن كان يظن أن يتبدل حالها هكذا أرمي حملك على ربنا هو قادر يريح بالك ويرد لك حقك.
سلمى نادمة على قنوطها ونعم بالله استغفر الله العظيم وأتوب إليه اللهم لا إله إلا أنت سبحانك أني كنت من الظالمين.
مساءا بمنزل سليم
كانت سلمى تجلس بالفراش بجوار سليم الشارد دائما مؤخرا ليقطع شروده نغمة الهاتف المخصصة لصديقه الوحيد.
سليم براحة المحادثة صديقه مخرجا له من أحزانه لحزنها السلام عليكم أهلا يا دوك.
سيف حائرا وقد أثار فضوله إصرار كتمان سليم لدوافعه وتأجيل أخباره لآجل غير مسمى أزيك يا نجم أموت وأعرف سر جنون الشهرة اللي صابك ده.
سليم متوترا محاولا تغيير مجرى الحديث بعدين يا سيف المهم أخبارك أنت وعروستك أيه.
سيف متحمسا وبسعادة بالغة فسليم قد أصاب باختيار ما يناسبه سؤاله والدنيا بآسرها حددنا ميعاد الخطوبة وكتب الكتاب بعد خمس أيام وبأكلمك عشان أنت وسلمى تستعدوا الحاجة شوق مصممة تيجوا تقضوا الكام يوم دول هنا لحد الفرح.
سليم بفرحة عامرة مبروك يا عريس ربنا يتم لك على خير بس اعتذر للحاجة بالنيابة عني مش هاقدر أجي قبل الفرح خالص.
سيف مصرا لا مش هينفع الحاجة مصممة وهتزعل وأنت مش قد زعلها.
سليم حاسما بغموض وهو ينظر لانتباهها متوجسا أنا مقدرش على زعلها بس بجد في موضوع مهم جدا لازم اخلصه الأول وبعدين هاجي ونقعد بعد الفرح زي ما هي عايزة.
سيف مستسلما وقد اعتاد عند صاحبه وغموضه الجديدان على طباعه خلاص بس يكون في علمك مش هاسيبك غير ما عارف وراك أيه.
سليم مرحا وقد ارتاح لإغلاق باب الحوار بس خليك أنت في عروستك بدل ما اقنع الحاجة ترجع في كلامها.
سيف پذعر مصطنع لا يا سولي يا حبيبي براحتك ماعاش اللي يزعلك سلام يا كبير.
سيف مرحا سلام يا عريس.
انهى محادثته لصديقه ليرى نظراتها اللائمة له التفتت تستلقي بجواره وهي توليه ظهرها خوفا من أن تضعف وتنهمر دموعها المحتبسة