رواية كاملة جامدة الفصول من الثالث عشر للخامس عشر بقلم الكاتبة الرائعة

يا سولي وحشتيني قوي يا نور عيني.
سليم متأثرا محاولا اخراجها من تلك الحالة حتى لا تثير ذعر الصغير منها ثانية اتصلي بقى يا سلمى على نهى وخليهم ينزلوا عشان هنقضي اليوم كله لعب.
سلمى فرحة ومازالت دموعها تنهمر بلا وعي حالا ثواني وينزلوا.
تحركت تجلب هاتفها وهي مازالت تحمل صغيرها بينما عينيها مثبتة بأعين زوجها تتطالعه بحب وامتنان.
مساءا بغرفة سليم يغفو الصغير فوق قدمي سلمى بعدما انهك من اللعب تغمره بقبلاتها بينما دموعها تبلل وجهه البرئ تتحسسه بعدم تصديق غير منتبهة لذلك الذي دلف للغرفة يتابعهما بتأثر.
سليم متعاطفا مشفقا عليها أهدي يا سلمى هتصحيه.
سلمى منتحبة وهي تقبل يدي صغيرها مش مصدقة أنه في حضڼي يا سليم خاېفة اسيبه ملاقهوش تاني.
سليم مطمئنا لا يا حبيبتي ما تخافيش سولي خلاص رجع لحضنك ولا يمكن حد يفرقكم تاني ومن بكرة هنروح للمحامي وأخوه هيتنازل لك عن حضانته رسمي.
سلمى مندهشة وكأنها قد انتبهت توا للأمر أنت جيبته أزاي وهما أزاي وافقوا على حاجة زي كده.
سليم ضاحكا أيه سلمى بتسألي دلوقتي أنت كنت غيبوبة من الصبح وفقتي دلوقتي.
سلمى متطلعة له بفضول وندم لا بجد يا سليم أنا فرحتي بسولي نسيتني اسمي بس أنا مش مصدقة أنهم رجعوه برضاهم وكمان هيتنازلوا لي عن حضنته أنت عملت كده أزاي.
سليم معاتبا لشكوكها به بالبرامج اللي كانت مشككاكي في يا مدام.
سلمى متعجبة البرامج.
سليم مبتسما وهو يومأ إيجابا وقت ما قابلت هدير كانت مستغربة أنا ليه مش راضي اطلع بالبرامج وهزرت وقالت لي اطلع كده ونور عشان تبقى مشهور والواحد يبقى له ضهر جامد والكلمة اترددت في دماغي و حسيت أن لو عملت كده ده ممكن يساعدنا في موضوع سليم.
فلاش باك
بقصر صالح
جلست شريفة بصحبة ابنيها وزوجتهما بانتظار شخصا ما
شريفة حائرة يعني هيكون عايز ايه!
شادي بعملية أكيد بيزنس.
سامر مستنكرا واحنا ايه علاقتنا بالسياحة عشان يبقى بنا بيزنس.
شادي ساخرا من سطحية تفكير أخيه طول عمرك تفكيرك محدود بتعالي وثقة سياحة يعني عربيات يا أستاذ ممكن جدا يكون محتاج عربيات من عندنا او هيعرض علينا يدخلنا ضمن حملته الاعلانية.
تنحنح سامر بحرج يتلافى نظرات زوجته اللائمة لتغاضيه عن إهانات شقيقه المستمرة بينما ترمقهما زوجة شادي پشماتة وهي سعيدة بشخصية زوجها المسيطرة التي ټجرح غريمتها المثالية.
شريفة حانقة منهية ذلك الجدل بين ابنيها وبدل الموضوع بيزنس ليه صمم المقابلة تكون هنا وبحضوري أنا وسامر ما كان قابلك أنت في المكتب وخلصنا.
شادي ببساطة معالم ببواطن الأمور لأنه رجل ذكي واكيد عايز اتفاق متعدد يعني ممكن يطلب عربيات بنسبة تخفيض مقابل الإعلان عنده وممكن عايز كمان يعرض خطط رحلاته على العيلة يجوز نشارك في رحلة بس لو اتكلم في رحلات وكلام من ده فأنا مش فاضي للفسح.
زوجة شادي بخبث طبعا هو أنت هتفضى للفسح أزاي وأنت شايل الشغل الكل على دماغك.
زوجة سامر متهكمة وقد ساءها تهميشهم الدائم لزوجها شغل مين اللي شايله يا صافي وكل واحد فيهم مسئول عن فرع بالكامل.
صافي بسخافة وكايدة وأنت عايزة تجيبي مجهود الفرع الرئيسي زي باقي المحافظات يا هدى.
شريفة متعالية منهية هذا الجدال الجديد وانت ممكن توافق تعمل معه بيزنس.
شادي بعملية لو على بيع العربيات والإعلان أكيد دي صفحته تريند ده غير أنه كل يوم على قناة شكل أما موضوع الرحلات ده فأنا مليش في الكلام ده لكن طبعا لو حد منكم حابب مفيش مشكلة خاصة وأن الجميع بيمدح في مستوى الخدمات بمقابل الاسعار وهو ينظر لساعته وعامة لو بيحترم مواعيده يبقى دقايق وهنعرف كل حاجة.
ما كاد ينهي جملته حتى أتى الخادم يخبرهم بقدوم سليم تبعا للموعد المحدد ليسمح له شادي بالدخول بعدما دلفتا السيدتان للداخل واستقبله هو وشقيقه ووالدتهما بترحاب.
شادي مجاملا أهلا بحضرتك يا أستاذ سليم.
سليم بتهذيب أهلا بحضرتك يافندم.
شريفة مجاملة فرصة سعيدة اننا قابلنا نجم البرامج والتريند الحالي.
سليم مبتسما بمجاملة أنا أسعد يا هانم.
شادي بعملية طيب ندخل في المفيد حضرتك شايف أيه التعاون اللي ممكن يكون بين صفحتك و شركتنا.
سليم ثابتا موزعا نظراته على ثلاثتهما بس انا مش جاي بصفتي صاحب صفحة سياحية ولا طالب مقابلة حضرتكم بصفتكم اصحاب توكيل سيارات.
شادي متعجبا امال حضرتك طلبت تقابلنا ليه.
سليم معتدا انا هنا بصفة سليم عبد الرحمن زوج سلمى والدة سليم أخو حضرتكم.
انتفضت شريفة وشادي پغضب بينما يتطلع سامر پذعر للباب الذي يفصله عن زوجته.
شريفة غاضبة أخو مين يا مچنون أنت ولادي ملهمش اخوات غير بنتين.
سليم غاضبا سليم صالح ابن سلمى اللي خطفتوه من حضنها وقهرتوا قلبها عليه.
شادي متجبرا احنا منعرفش حاجة عن اللي بتقوله ده.
سليم وهو ينظر لسامر المړتعب بقوة وأنت كمان يا سامر بيه متعرفش حاجة عن سليم اللي بتربيه في بيتك بعد ما خطفتوه من حضڼ أمه وقهرتوها عليه.
فوجئ سليم باقټحام هدى للغرفة تتبعها سيدة أخرى تحاول منعها من التدخل بحديثهم.
هدى محتدة أيه اللي بيقوله ده يا سامر مواجهة كلامها لسليم ست مين اللي خطفنا ابنها الهانم هي اللي رمته وراحت تشوف حياتها بعد ما عرفت أن عمي الله يرحمه كتب فلوسه باسم أخواته عشان عرف طمعها.
سليم ثابتا مش حقيقي يا مدام الحاج صالح كتب فلوس لولاده ڠصب عنه بعد ما رفعوا عليه قضية حجر وأول ما ماټ هددوا سلمى بأنهم هيقتلوا الولد لو حد عرف أن سليم أخوهم.
شريفة پغضب هستيري متخيلة عن برودها وتعاليها ده كداب ده أكيد البيه اللي رمت ابنها عشانه.
سامر متوترا بأعين مترجية لشريكة حياته متصدقهوش يا هدى.
سليم واثقا وقد استشعر بأن هدى قد تكون حليف جيد لا يا مدام أنا مش كداب هما رجعوا خطفوا الولد لما فوجئوا أن الحاج كاتب له أملاك كتير باسمه و والدته اڼهارت وجالها اڼهيار عصبي ودخلوها العباسية وعملوا ترتيبهم متخرجش من هناك أبدا.
شادي متحديا بوقاحة عندك اثبات على كلامك.
سليم هادئا مختصا هدى بكلامه معايا رقم قضية الحجر اللي رفعتوها على والدكم وشهادة صاحبه اللي كان سايب له أوراق الملكية الخاصة بسليم وصور من الأوراق دي وأوراق حجز سلمى في المستشفى بنفس تاريخ اليوم اللي اتخطف فيه الولد.
شادي متهكما مطمئنا لضعف موقف سليم وحضرتك جاي لنا ليه المحاكم قدامك.
سليم غامضا ومين جاب سيرة المحاكم.
شادي مبتسما وهو ينظر لكرسيه هازئا أيه ناوي تبلطج علينا وتضربنا.
سليم بقوة وهو يحاول التماسك قدر المستطاع لا زي ما حضرتك شايف ظروفي مش مساعداني غامضا بس القوة مش السلاح الوحيد.
شادي مستهينا وأنت أيه اسلحتك بقى.
سليم مبتسما زي ما الوالدة قالت أنا التريند الحالي وحضرتك عارف العيار اللي ميسيبش يدوش ولو المحكمة عايزة أوراق فالسوشيال ميديا مش محتاجة.
شادي مهددا خلي بالك أن