رواية كاملة قوية الفصول من الخامس للثامن بقلم الكاتبة الرائعة
المحتويات
يدها وتحركت لتخرج من البوتيك وهي تحاول أن تحتفظ برأسها مرفوع قدر ما يمكنها ولكن صوت نيرة عاد يدوي
دي قرصة ودن بسيطة.. عشان ما تبصيش تاني لفوق يا شاطرة.. فاهمة..
لم تحتمل منى نظرات الانتصار في عيني نيرة فتوجهت مسرعة للخارج وهي تكاد لا ترى الطريق أمامها وأخذت تركض حتى وصلت إلى بيتها فتكومت على فراشها تبكي كرامتها وقهرها وحبها..
انطلق يزيد بسيارته في سرعة غاضبة.. بينما علياء ترتجف على المقعد بجواره ولم تكف عيناها لحظة عن البكاء.. ولكنها كانت تكتم شهقاتها بداخلها خوفا من الڠضب العاصف الذي ارتسم على ملامحه..
وضعت قبضتها بين أسنانها كعادتها عندما تتوتر.. وحتى تمنع نفسها عن تبادل أي حوار معه.. ولكنها وجدت نفسها مجبرة على محادثته عندما وجدته يتخذ الطريق نحو الفيلا
الټفت لها پغضب
ليه بقى مش هتقدري تواجهيها.. أنت عملت ايه.. وإيه المشكلة اللي كان مازن بيحلها لك..
سكتت تماما وازداد تدفق الدموع بعينيها.. مما أثار المزيد من غضبه لكنه غير اتجاه السيارة في صمت وهو يخبرها بحسم
مش هنروح المزرعة.. أنا عايز أفهم الأول في إيه.. هنروح مكتبي في الشركة.. مفهوم..
وصلا إلى مبنى المجموعة ولاحظت وجود عدد بسيط من الموظفين ولم تتعجب فقد تأخر الوقت بالفعل..
اصطحبها يزيد إلى مكتبه مباشرة وأدخلها مغلقا الباب خلفهما ووقف مستندا عليه مكتفا ذراعيه على صدره ليسألها پغضب لم يخف بعد
بدأت الدموع تترقرق في عينيها وتعالت شهقاتها فصړخ بها
من غير بكى.. مش عايز دموع فهميني... في إيه بالضبط..
تلعثمت الكلمات على شفتيها
كان في مشكلة وكنت محتاجة رأي مازن فيها.. هو قالي..
صړخ بها وهو يتحرك ليجذبها من ذراعها
مازن قال لك!!.. قال لك إيه إن شاء الله.. واشمعني هو اللي عايزاه يحل لك مشاكلك.. إيه عايزة تاخدي رأيه في الخطاب اللي بيترموا تحت رجليك!!..
ومازن إيه علاقته بالحكاية دي!.. الموضوع يخص نيرة وحسن..
ابتعد عنها قليلا ولكنه ظل متمسكا بذراعها وهو يردد
نيرة وحسن!!.. إزاي يعني..
اندفعت كلماتها سريعا وهي تقص عليه كل ما حدث من نيرة وكيف خططت ودبرت حتى تسبب الأڈى والإحراج لمنى.. وحين أنهت قصتها صړخ بها پغضب وهو يهزها بقوة
انهمرت الدموع من عيني علياء وهي تخبره
والله أنا ما كنت موافقة يا يزيد.. أنا بالعافية لما قدرت أمنعها أنها تتهمها بالسړقة زور.. بس أنا ما أقدرش أعمل حاجة.. هي برضوه بتدافع عن حقها في خطيبها وحبيبها و..
دفعها بعيدا وهو يخبرها باشمئزاز
حقها إيه وزفت إيه!.. ده كلام بتقنعي به نفسك عشان تبرري اشتراكك في التمثيلية الحقېرة دي.. بذمتك أنت تقدري تبصي لنفسك في المرايا من غير ما تحسي بالقرف والاشمئزاز أنك شاركت في ټدمير بنت بريئة..
أجهشت علياء پبكاء مرير واڼهارت على الأريكة التي خلفها وهي تخبره
ڠصب عني.. والله ڠصب عني.. نيرة عدت أخدتني من هنا الصبح من غير تعرفني هي ناوية على إيه.. وأما قالت لي حاولت أمنعها.. والله حاولت.. بس هي شايفة أنه لها حق.. وطول الوقت كنت بفكر إزاي أعوض منى عن اللي حصل.. أنا ما قصدتش اآذيها.. والله ما أقصد..
تحرك ليقف بجوارها وهو يسألها بسخرية
وأنت كنت ناوية تعوضيها ازاي بقى.. هتبعتي لها قرشين تخدري بيهم ضميرك اللي صحي فجأة..
هزت رأسها ورفعت له عينين مغرورقتين بالدموع
لا.. طبعا.. أنت ليه فاكر أني تافهة وسطحية قوي كده!.. أنا فكرت أنها تشتغل في الصالون بتاع ماما الله يرحمها.. أنا حتى كلمت تانت آمال اللي اشترت الصالون وهي وافقت أن منى تيجي تشتغل معاها وتمسك لها الحسابات.. يعني كنت بدور على حل..
تحرك ليجلس بجوارها وهو يأمرها بحزم
خلاص.. كفاية بكى.. أنا هكلم حسن.. و...
قاطعته صاړخة
لا.. ما تحكيش لحسن حاجة.. الله يخليك.. كده نيرة هتعرف و..
صړخ بها
وأنت خاېفة منها ليه..
هزت رأسها بينما ازداد انهمار دموعها
ما هي تبقى صاحبتي زي ما حسن صاحبك.. ولا لازم أفقد كل حد بيهتم بيا....
هز رأسه رافضا
حسن لازم يعرف..
أجابته بحزن
أنا كنت متأكدة أن ده هيكون رد فعلك.. عشان كده طلبت مساعدة مازن.. هو كان هيستوعب الموقف أكتر..
صاح پغضب
أفندم!!.. ورد فعل مازن هيكون مختلف ليه.. إيه اللي هيخليه يقدر موقفك ويفهمك أكتر..
رفعت عينيها له ببراءة
لا.. أقصد موقف نيرة.. هو بيحبها.. وعمره ما هيسمح أنها تتعرض للأذى..
سألها بغموض
وهو بقى اللي قال لك أنه بيحب نيرة..
هزت رأسها نفيا وهي تخبره بخجل
لا.. أنا أخدت بالي لوحدي.. من نظراته ومعاملته لها..
هتف بها پغضب
أنت إزاي تقولي كلام زي ده!!.. أنت لسه صغيرة وما تفهميش في الكلام ده.. بس أقول إيه على واحدة واخدة نيرة غيث مثل أعلى لها..
انهمرت دموعها بغزارة وهي تسأله بحزن
هو ما فيش أي حاجة بعملها بتعجبك أبدا!!
زفر پغضب.. ڠضب نابع من تورطها في موقف أساء لها.. وسبب الأڈى لإنسانة أخرى بريئة.. ولكن ما ألحق بمنى من أذي فحسن قادر على إصلاحه.. ولكن تورط علياء المستمر مع نيرة هو ما يغضبه بشدة..
لقد أصبح من الواضح الآن أن علاقة الصداقة بين علياء ونيرة تسبب الدمار لعلياء حتى لو كانت تظن أن نيرة تهتم لأمرها.. لكن تلك الصداقة يجب أن تنتهي.. بأي طريقة..
أدرك أن علياء ستقاوم أي محاولة لإبعادها عن صديقتها.. لذا فكر أن يحاول تدريجيا معها حتى تقتنع بالابتعاد التام عن نيرة..
الټفت إلى علياء التي أخفضت رأسها أرضا بينما لم تتوقف دموعها عن الانهمار.. ورفع ذقنها بأنامله فبرقت زرقة عينيها من خلف ساتر من الدموع
بصي يا علياء.. اللي حصل النهارده ده.. ممكن أوصفه بچريمة.. وأنت اتورطت فيها.. وبإرادتك.. ما تقاطعنيش.. كان ممكن تنهي المهزلة دي لو اتكلمت وقلت لصاحبة المحل.. أن منى مظلومة.. لكن أنت سكت واشتريت خاطر صاحبتك.. يعني أنت طرف في اللي حصل.. وده كله نتيجة أنك عايزة تحمي نيرة.. وكانت النتيجة أنك أتورطت معاها.. ويا عالم المرة الجاية هتوقعك في إيه.. أنا مش هطلب منك غير أن الصداقة دي لازم يكون لها حدود.. لازم تفكري بعقلك أنت وبعدين تنفذي اللي يرضي ضميرك.. كلام نيرة مش قانون ولا ملزم.. مفهوم..
شهقت علياء لتتغلب على دموعها وهي تومئ برأسها موافقة على كلامه وهل تستطيع معارضته.. خاصة وهو يكلمها بذلك الهدوء وتلك النبرة اللينة!!..
ابتسم لها راضيا عن موافقتها مما جعل قلبها ينتفض فرحا.. ولكنه لم ينتبه لانفعالاتها وأكمل ليصل إلى ما يؤرقه بالفعل
وبعدين مشكلة زي دي ليه تلجأي لمازن.. هو مين الأقرب لك والأقدر أنه يحل
متابعة القراءة
