رواية جديدة الفصول من الاول للرابع بقلم الكاتبة الرائعة

مراتى وحبيبتى ولا ايه مش حقى
ندى طبعا حقك حبيبى حديقدر يتكلم بس يلا بقى اتاخرنا
آدم حاضر ياستى اتفضلى
.............................................
جلس رمزى مع شريف ابن اخيه الوحيد شاب غادر مصر منذ سنوات باحثا عن عمل لكن سنوات الغربة سارت به وتاه فى دوامتها وها هو يعود للاستقرار فى بلده والبحث عن شريكة لعمره الذى كاد ان يقترب من الاربعين رغم ذلك فمازال يتمتع بشباب ووسامة هادئة إلى حد ما كشخصيته الرصينة الباردة احيانا 
يتحدثون فى امور المشروع الذى يريد رمزى منه المشاركة كممول ولكن شريف كرجل اعمال له باع فى السوق يعلم جيدا مكاسب وخسائر اى مشروع يقدم عليه كان يرى ان مشروع رمزى ليس بالمربح فحاول التهرب منه بشكل لائق
والله ياعمى انا كل اللى انا عايزه منك انك تعملى دراسة جدوى عن المشروع وانا هدرسه كويس ابتسم رمزى براحة وهو يشعر انه وصل لمبتغاه بمشاركة شريف له متخافش ياشريف انا هعملك كل حاجة
جاءت بثنية تحمل مالذ وطاب تضعه امامهم اتفضل يااستاذ شريف نورتنا والله
شريف متشكر اوى يامدام بثينة ....... اومال فين ندى كبرت مش كده ياعمى
رمزى طبعا عروسة زى القمر اخر سنة فى كلية اقتصاد 
شريف ماشاء الله ........ اومال هى فين
رمزى بتتغدى بره مع خطيبها لو كانت تعرف انك جاى كانت هتستناك
كان شريف يعلم جيدا مدى رياء رمزى حتى يصل لهدفه وجدوا الباب يفتح وتدخل منه ندى وضعت حقيبتها وهى تنظر لشريف حاولت تذكر ملامحه التى نسيتها منذ سنوات اشار لها رمزى مبتهجا تعالى ياندى سلمى على شريف ابن عمك
اتجهت اليهم بابتسامة حمدلله على السلامة ياابيه ازى حضرتك
وقف شريف متاملآ بها معقول ندى..... ماشاء الله معرفش انك كبرتى واحلويتى كده
بثينة شكلك مجامل كبير يااستاذ شريف
تعلق بصره بندى انا مش بجامل ندى فعلا جميلة
ندى ربنا يخليك ياابيه ........ اتفضل واقف ليه
وجه ينضح بالبراءة والجمال جميلة هى بروحها الصبية تعيد له فتات شبابه الذى اندثر تحت عجلات قطار غربة سنوات عيناه المصوبة اليها افشت بما يدور به عقله وبثينة بعينها الخبيثة تعلم جيدا سر هذه النظرة ......نظرة اعجاب بندى الصغيرة التى اصبحت شابة يافعة تجسد الجمال فى وجهها وجسدها كغزالة شاردة هاربة من شباك قناص ظلت تنقل بصرها اليه والى ندى التى لا تبالى به
شريف اخبارك ايه ياندى ....... وازى الجامعة
ندى تمام الحمدلله كله كويس
رمزى اخر سنة عشان تتخرج وواحد صاحبى اكدلى انه هيشغلها عنده فى شركته
شريف طيب وعلى ايه ندى تشتغل معايا فى شركتى تتعلم وتدخل السوق وتبقى تحت عنيا وتتعلم منى كمان
بثينة معقول ....... ياريت وتبقى تلميذتك انت رجل اعمال له وزنه ولا ايه يا رمزى 
رمزى اه طبعا وهو انا هلاقى احسن منك ائمنه على ندى ..........ولا ايه يا حبيبتى 
ابتسمت ابتسامة زائفة ان شاء الله ....... عن اذنكم
رمزى على فين يا ندى مش تقعدى معانا شوية
ندى معلش يابابا انت عارف المذاكرة عشان الامتحانات وآدم هيكلمنى يشرحلى حاجات كتير
انتبه شريف للاسم وكانه نسى انها مرتبطة مين آدم ياندى 
كادت ان تتكلم ولكن كعادة بثينة قاطعتها باستهزاء ده ياسيدى يبقى خطيبها
شريف ايه هو زميلك 
ندى لا مش زميلى ده الدكتور بتاعى
شريف يبقى اكيد كبير اوى عليكى
ندى لا مش كبير عليا ولا حاجة آدم لسه واخد الدكتوراة من سنة واحدة بس
شريف له مستقبل يعنى ولا مكتفى بالجامعة وبس
بثينة لا هو شكله مكتفى بالجامعة وبس
نظرت لها بغيظ تريد الفتك بها على تدخلها
آدم دكتور اقتصاد ممتاز جدا وشاطر والمستقبل اودامه لسه طويل وباذن الله هيسافر لشركة كبيرة اوى وهيبقى احسن اقتصادى فى مصر
شريف ده انتى واثقة فيه اوى كده
ندى طبعا واثقة فيه ........ عن اذنكم
تركتهم ودخلت غرفتها ووالدها ينظر لبثينة غاضبا من ندى وحديثها
شريف يظهر انه بتحبه
رمزى غلطتى انى وافقت عليه قبل ما يثبت انه جدير ان يتجوز بنتى مش معلقها جنبه سنة والله اعلم لسه اد ايه
شريف وانتى ياعمى ازاى توافق على كده
رمزى كنت شايف ان مستقبله كبير بس حضرته لسه بيبتدى حياته واهله ناس على ادهم يعنى لا ورث ولا حاجة وبصراحة مش عارف هيفضل رابطها جنبه لحد امتى
.............................
ماان اقترب من شقته حتى سمع صوت الشجار اليومية بين والدته وشقيقه الاصغر منه حسن فتح الباب بهدوء واغلقه وهو يرى حسن يخرج من المطبخ يحمل بيده طبق كبير من البطاطس ياكل منه بنهم تاركا والدته تهمهم بصوت غاضب منه لفت انتباهه آدم الذى يقف بجوار الباب رفع صوته مرحبا حمدلله على السلامة يا دوك 
ترك آحقيبته ارضا واتجه نحوه جاذبا الطبق الذى بيده ليغضب حسن قائلا لا بقى ماهو مش عاملة خناقة وامة لا اله الا الله سامعة اخبار التاسعة اللى جوه عشان انت تاخد طبق البطاطس 
ضحك آدم قائلا هى الخناقة النهاردة كانت عشان البطاطس 
اه طبعا اومال ايه 
اخفض صوته متلفتلا