رواية مني الفصول الاخيرة
اللي هاعرفك أزاي تتهجم على الإدارة بتاعتي بالشكل ده ومباقش مدام نهلة مرات اللوا المسيري أن ماوريتك المحامية دي ممكن تعمل أيه وتوقفك عند حدك أزاي
ناصر متراجعا وقد أصابه الذعر يعني هي تحرمني من ولادي وحضرتك كمان بتنصريها علي بدل ما تعرفيها غلطها وأني ابن عمها قبل ما أكون أبو عيالها
نهلة باحتقار وأنت معملتش حساب ده كله ليه لما راميتها وحالتها حالة ده احنا مصدقنا أنها فاقت ورجعت لحياتها أنت اللي زيك لازم على الرجالة غلط
لم يجرؤ على مجابهتها والرد عليها بعد معرفته بمكانتها فاتجه بانظار راجية مستعطفة تجاه ذبيحته التي طالما استمتع بكسرها
جلست نهى تبكي باحضان سلمى بينما طفليها يلهوان بصحبة ابني الأخيرة بغرفة مجاورة
نهى بنحيب مش هاين عليه يسيبني في حالي مستخسر في أني أعيش بكرامة وسط الناس جه وفضحني في شغلي
سلمى مواسية وهي تشدد من احتضانها مفيش فضايح ولا حاجة كل اللي في الشغل عارفينك من زمن وهما اللي وقفوا جنبك في موضوع القرض
نهى بضعف عرفوا أنه سابني بس محدش شافه وهو بيمد أيده علي حاسة أنا مش هاقدر أروح الشغل تاني ولا أرفع عيني في حد منهم
سلمى مستنكرة أيه اللي بتقوليه ده أزاي تسمحي أنك تضيعي تعبك كله عشان بني أدم زي ده أنت كلها سنة ونص وتتخرجي ويبقى معكي بكالوريس تجارة ووضعك في الشغل هيتحسن كتير
سلمى مشجعة خاېفة من أيه بس جوز مدام نهلة بعت بوكس ياخده وهو كان ناقص يبوس أيدك عشان تخليهم يسيبوه وأنت اترجتي مدام نهلة أنها تكتفي بمحضر عدم تعرض يبقى هو اللي المفروض ېخاف مش أنت
نهى متلعثمة يمكن عشان أتعودت دايما أني أخاف منه
سلمى حازمةكان زمان يا نهى أنت دلوقتي مش ضعيفة ولا تحت رحمته بشك أوعي تكوني لسه بتحبيه
نهى مستنكرة حب أيه بس يا سلمى مش لما أكون حبيته من الأول
سلمى قلقة يعني أنت فعلا مفيش مشاعر من نحيته في قلبك
سلمى متعاطفة بعد كل اللي عمله
نهى منكسرة أنا زمان وقتها افكاري كانت مشوشة ومش طبيعية كنت عايزه يرجع لي بأي تمن كنت بافضل قاعدة مكاني كل اللي مستنيه أني يرجع لي
سلمى متحفزة وأهو رجع
نهى زافرة بضيق بس أنا مبقيتش مستنياه يمكن لحد امبارح من وقت والتاني كنت بافتكره وأسأل لنفسي احساسي هيبقى أزاي لو لاقيته قدامي بس الغريب أني أول ما شفته كل احساس طيب ناحيته اتبخر أول ما شوفته حسيت قد أيه كنت غبية ازاي كنت شايفه في يوم راجل بسخرية متذكرة تعاليمه ببداية الزيارة خصوصا وهو جي بنفس الجبروت وبعدين احتقرته لما كان بيعيط من الخۏف بعد ما كان مسترجل علي وهو فاكرني نهى القديمة المکسورة
نهى مشاكسة طبعا أنت مش شايلة هم مذاكرة ما أنت صممتي تدخلي أرشاد سياحي عشان عندك مدرس خاص
سلمى ضاحكة وهي تصنع تعبيرات ولهة مش هاخانقك زي كل مرة لو هتفوقي علي فأنا موافقة المهم تفوقي وترجع لك ضحكتك الحلوة
نهى بابتسامة حزينة ربنا يخليكي لي وما يحرمني منك أبدا
سلمى مهتمة وهي تنظر للباب المغلق بتوجس أنت هتقولي للولاد أنه رجع
نهى حزينة أقول لهم أيه أنه كان جي واخدهم حجة عشان يتحكم في تاني وأول ماعرفش جري من غير ما يطمن عليهم ولا يطلب يشوفهم أو يعرف مكانهم حتى
سلمى بابتسامة مشجعة ربنا يخليكي ليهم ويقدرك على تربيتهم
نهى مترجية أمين يارب العالمين
سلمى مترددة هو اللي حصل ده ممكن يخليكي تغيري موقفك من موضوع زميلك اللي متقدملك
نهى ساخرة ده على بمبدأ المستجير من الرمضاء پالنار يعني اللي تخاف من راجل تتحمى في راجل تاني من غير ماتكون متأكدة هيكون
لها حماية ولا هتدور على حد يحميها منه هو كمان
سلمى منزعجة يعني
أيه هتوقفي حياتك على تجربة فاشلة
نهى مبتسمة مين قال أن حياتي واقفة أنا سعادتي بالتغيير اللي حصل لولادي عندي بالدنيا كلها وكمان مبدأ الجواز نفسه مش مرفوض المرفوض أني اتجوز والسلام لكن أنا عشان اتجوز لازم الراجل اللي أحس أني هاكمل بوجوده أني أقدر أحس أني في حماه وتحت حمايته وقبلها حنانه بحماس وهي تضغط على الحروف رجل أحس أنه سند
تمت بحمد الله
بقلم مني الفولي
تمت بحمد الله
يارب تكون الرواية عجبتكم ومكونش طولت عليكم
وبكرة رواية جديدة
