رواية مطلوبة 5 الفصول من الخامس وعشرون للتاسع وعشرون بقلم الكاتبة الرائعة

اقفلك الستاره وكملي نوم..
أوليان هزت راسها وبعدت عنه وهي بتغمض عيونها جامد.. قاسم بصلها وابتسم على حركتها..
قام قفل الستاره.. ورجع جنبها تاني ياخدها في حضنه..
أوليان رجعت ټدفن وشها في رقبته تاني.. وهي بتقول بخفوت مش هتروح الشركه النهارده
قاسم هز راسه ببطء وهو بيقول تؤ هقضي اليوم معاكي النهارده..
أوليان همهمت بتفهم وهي بتتنفس بقوه وتحاول تتغلب على خجلها ونخرج
قاسم وهو بيقول بإبتسامه ونخرج..
أوليان ابتسامتها زادت وهي بتقول طيب هنام انا عشان نعسانه اوي.. وابقى صحيني بعد شويه..
قاسم وهو بيلعب في شعرها وتسبيني صاحي لوحدي
استناها ترد.. بس هي عملت نفسها نايمه واللي كشفها وشها الأحمر..
قاسم ضحك بخفه وباس راسها.. وهو حاسس بالإنتصار..
في الليل..
أوليان وهي بتمسك ايده بالله عليك توديني الملاهي.. يا قاسم بقى!
قاسم هز راسه وهو بيقول لا يا أوليان.. انتي پتخافي اصلا..
أوليان بعدت عنه وهي بتبص له وعيونها فيها دموع خلاص يا قاسم مش عايزه حاجه..
قاسم مسح على وشه بكفه هوديكي اي مكان تاني غير ده..
أوليان وهي طالعه من الغرفه خلاص يا قاسم مش عايزه حاجه..
قاسم بهدوء استني يا أوليان.. خلاص اطلعي اجهزي يلا هوديكي..
أوليان لفتله بسرعه وهي بتجري عليه تحضنه دقايق بس وهكون جاهزه..
قاسم بعدها بذهول انتي بتضحكي عليا
أوليان بتوتر وهي بتبص له ببراءه خلاص قلبك ابيض بقى يا حبيبي..
قاسم هز راسه بموافقة وفي حركه سريعه منه حاوط خصرها بكفه.. وقرصها جامد مكان ايده..
أوليان صړخت بۏجع وهي بتضربه على كتفه جامد وبتقول پألم وسع ايدك دي.. والله ما انا خارجه معاك في حته..
قاسم ابتسم بخبث وهو بيتكلم ببطء وعد صغير وهسيبك وأخرجك..
أوليان زقته بقوه وهي بتقول پحده لا خلاص مش عايزه حاجه.. هبقى اخرج مع ماما ناهد!
قالتها وهي بتطلع من الغرفه.. سمعت صوت ضحكته العاليه فشتمت بصوت واطي بغيظ..
قاسم طلع وراها وهو بيقول اطلعي اجهزي يلا..
أوليان پحده لفتله..
قاسم هز كتفه بلامبالاه وهو بيقول ماشي براحتك..
ودخل غرفة المكتب تاني..
أوليان بصت للباب پصدمه وجزت على أسنانها بغيظ..
أوليان وقفت قدام غرفة ناهد.. وهي بتخبط على الباب بإحترام ومستنياها تسمحلها بالدخول..
دخلت بعد ما سمعت صوتها بتقولها تدخل..
أوليان بصتلها بخجل وقفلت الباب وراها وهي بتقرب عليها..
ناهد بتفحص الابتسامه دي وراها حاجه..
أوليان جريت عليها وهي بتدخل في حضنها وبتقول بصوت خجول انا عملت زي ما قولتي..
ناهد ضحكت بصوت عالي وهي بتطبطب عليها وأخيرا.. ده انا ريقي نشف معاكي.. مبروك يا حبيبتي!
أوليان سكتت وهي في حضنها بخجل.. وهي حاسه براحه..
بعد شهرين..
أوليان كانت شارده وهي باصه على البحر قدامها..
قاسم مسك ايدها وهو بيقول بحنان الجميل بيفكر في ايه
أوليان ضغطت على كفه.. وهي بتسند راسها على كتفه ومستمتعه بصوت البحر حواليها والهدوء المحيط بيهم..
اتنهدت وهي بتسأله انت ممكن تتجوز عليا
قاسم بخبث وهو بيتلاعب في الكلام مش متأكد.. بس ليه بتقولي كده!
أوليان بصوت ضعيف انا خاېفه من حاجه..
قاسم وهو بيحاوط كتفها قوليلي كل اللي شاغل بالك.. انا دايما هكون سامعك!
أوليان حاوطت خصره بدراعها نفسك في ايه يا قاسم
قاسم بهدوء اعيش عمري كله معاكي..
أوليان غمضت عيونها بتأثر وهي بتقول وايه كمان
قاسم بهدوء وخفوت نفسي في اطفال منك انتي.. يكونوا شبهك في كل حاجه..!
أوليان فتحت عيونها اللي اتملت بالدموع مش خاېف من حاجه..
قاسم وهو بيفرك كتفها بحركات دائريه لا.. كل اللي خاېف منه انك تضيعي من ايدي..
أوليان بصتله واتفاجئ بدموعها..
أوليان وهي بتهمس بصوت ضعيف وبتبص لوشه القريب من وشها انا خاېفه اني مقدرش اخلف..
قاسم باس أرنبة انفها بخفه.. وهو بيمسح على خدها وبيهمس لها وليه بتقولي كده
أوليان انتبهت على وضعهم وأنهم في الشارع.. فحطت راسها على كتفه تاني وهي بتقول انت مش فاكر الدكتور قال ايه
قاسم بتفهم وهو بيكلمها بهدوء قال ايه يعني كان مجرد تأثر بسيط بالضړب.. ممكن يأثر سنه او اتنين.. وانا واثق في رحمة ربنا بينا!
أوليان پخوف ولو.. محصلش نصيب
قاسم على نفس الهدوء ربنا أكيد شايل لينا الأفضل..خلي عندك ثقه بالله!
أوليان بهمس مرتجف ونعم بالله.. بس لو محصلش انا.. مش هقدر ارغمك تفضل معايا يا قاسم..
قاسم وهو مبتسم وهتقدري تبعدي عن قاسم حبيبك
أوليان هزت راسها بنفي وسرعه ودمعه نزلت من
عيونها لا.. بس مش هقدر احرمك من احساس اي حد