رواية جديدة الفصول التاسع والعاشر بقلم الكاتبة الرائعة

تجد من يستحق قلبها
...................................
كعادتها تجلس امام نافذتها كل ليلة بيدها كوب قهوتها الساخنة التى سرعان ماتبردوهى لاتشعر بها شاردة عقلها تائه متعب من تفكيره فى اللاشئ ولكنه يعود ويرتكز فى نقطة واحدة لاغيرها ذكريات ماضية لم تفارقها حتى بعد مرور اربع سنوات ولكن أدهم الذى اقتحم حياتها فجاة ودن سابق انذار لاتنكر انها انجذبت إليهولكن قلبها لم يستسلم للحب الامرة واحدة وليست على استعداد للمغامرة مرة اخرى ولكن هل يستطيع ادهم اقټحام اسواره التى شيدتها حوله سؤال ليس له عندها اجابة 
دخل كريم غرفتها بعد استاذن ولكنها كعادتها لم تنتبه اليه الا وهو يجلس بجوارها انتبهت اليه فابتسمت قائلة ديما كده تخضنى 
وانتى ديما كده سرحانة
لاابدا عادى 
على كيموبرضه يانودى 
امسكت بوجنته مداعبة ايه ياسى كيمو هتعمل عليا مخابرات 
لاابدا بس انا خاېف عليكى 
من ايه ياكريم انا كويسة 
لامش كويسة وكل يوم بتتعبى اكتر بقيتى عاملة زى الوردة الدبلانة ياندى حتى العريس رفضتى تقعدى معاه طب حتى ادى لنفسك فرصة تشوفيه وتعرفيه 
قامت من مكانها قائلة قول كده بقى انت جاى عشان تتكلم معايا فى الحكاية دى انا قلت مش هشوف حد ومش عاوزة اتجوز من اصله واذا كان وجودى تاعبكم اوى كده انا ممكن أأجر شقة واقعد فيها 
صاح بوجهها غاضبا ايه الكلام ده إزاى تقعدى فى بيت لوحدك
وايه المشكلة انا مش اول ولا اخر واحدة تقعد لوحدها واظن انا كبيرة بما يكفى انى اعرف احافظ على نفسى ولا عندك شك 
المشكلة مش فيكى المشكلة فى الناس اللى حوالينا ياندى وانتى عارفة كده كويس ............سيبك من كل ده مدام مش عاوزة العريس خلاص فى ستين سلامة اطفشه زى اللى قبله 
ضحكت قائلة ايوه كده ياكيمو 
كل من يدق الباب فهو مرفوض دون نقاش لاتريد الزواج لاتريد الحب الذى ذاقت مرارته لاتريد ان ټجرح مرة اخرى ولن تتزوج الا من يدق باب قلبها وهى تعلم انه ليس بالامر السهل فليكن ..........ولتظل حياتها كماهى
الفصل العاشر 
.....................................
تعلم انه تحملها كثيرا الفترة الاخيرة ولكن ليس بيدها فعلامات الولادة كثيرا ماتاتيها توقظه من نومه ويسرع معها الى المشفى وتعود خافضة راسها خجلا منه عندما تخبرها الطبيبة انها مجرد تقلصات لا اكثر 
اقتربت منه وضعت فنجان القهوة الذى طلبه امامه وهو يطالع بعض الاوراق الخاصة بعمله 
شريف القهوة ياحبيبى 
انتبه اليها فابتسم لها وهويحمل قهوته تسلم ايدك ياملوكتى ..........بقولك ايه صحيح فى حفلة بكره انا وانتى معزومين فيها
حفلة ايه ياشريف وانا بالمنظر ده 
ياستى مجتش من يوم الدعوة ليا ولحرمى المصون اللى هى حضرتك ينفع اروح لوحدى 
امممم خد ندى معاك 
ندى ايه هى ندى مراتى ياملك 
قامت بصعوبة واتجهت اليه احاطت كتفه بذراعها مقبلة وجنته لا طبعا ياحبيبى انا مراتك بس برضه ندى محتاجة تغير جو وتخرج بره جو الكآبة اللى هو عايشة فيه ده 
عندك حق البنت دى مش عجبانى ابدا انا قلت هتنسى وتعيش حياتها بشكل طبيعى بس للاسف بټموت نفسها فى الشغل وبس ناسية الدنيا واللى عليها حتى اى عريس يجليها ترفضه من غير حتى ماتقابله ..........مامتها طلبتنى واشتكتلى واما جيت اكلمها قالتلى انا مش هتجوز دلوقتى 
اخفض راسه حزينا انا هفضل شايل ذنبها طول عمرى ياملك 
شريف محدش يقدر ينكر انك غلطت زمان بس انا شايفة ان كل اللى بتعمله معاها تكفير عن ذنبك فى حقها وكل شئ فى الاول والاخر بايد ربنا ياحبيبى 
عارف بس ربنا ميرضاش بالظلم وندى اتظلمت 
ربنا وحده قادر يعوضها وبكره تشوف 
التف اليها قائلا المهم يعنى هتيجى معايا
قبلته وابتعدت قائلة قلتلك كلم ندى اروح انا ازاى بالبطيخة دى 
...........................
ندى بلاش دماغك النشفة دى اروح لوحدى ازاى انا سنجل يرضى مين ياناس 
قالها شريف محدثا ندى التى رفضت هى الاخرى الذهاب للحفلة بصحبته 
ضحكت قائلة ياشريف الدعوة لحضرتك وللمدام بتاعتك اروح انا بتاع ايه البديل مثلا
لاطبعا بنت عمى وغير كده شريكتى يعنى الحفلة تعارف على الشركة الجديدة واكيد لازم يعرفوكى ثم ملك هانم على اخرها ممكن تولد فى الحفلة وتبقى ڤضيحة بجلاجل
مقولتليش ايه حكاية الشركة دى بالظبط 
الشركة دى كانت ملك راجل مصرى كان مهاجر من سنين طويلة واتوفى من زمان مراته واخوها هما اللى مسكوا الشركة بعد كده بس اللى عرفته انها اتجوزت وجوزها بقى هو الكل فى الكل وكبر الشركة جدا وعمل فيها توسعات 
طب ونشاطها فى ايه بالظبط 
حاجات كتير ادوات تجميل مواد غذائية والادوية كمان 
ايه الشركة الملخبطة دى ايه جاب الحاجات دى كلها مع بعض 
مش لخبطة ولا حاجة دى ناس بتحب تستثمر فى كل حاجة وشركة الادوية بتاعتهم تابعة لشركة تانية فى امريكا يعنى تقدرى تقولى وكيلة للشركة الام فى الشرق الاوسط .........هااا خلاص اتفقنا هتيجى معايا
ياشريف ماهو