رواية رهيبة الفصول التاسع والاربعون الي الثاني والخمسون الاخير بقلم الكاتبة الرائعة
المحتويات
ايام ولادنا يارب ويهنيهم
حازم
_بقول ايه الواد خالد عاوز يتجوز بقى يا سي ادهم ما تحن عليه يا جدع
ادهم ضاحكا
_ماشي ياعم وماله دا انا بحلم باليوم اللي هفرح بيه بهدى بنتي الكبيرة
حازم
_الايام جرت بسرعة قوي يا جماعة الولاد كبرونا ولاد الايه انا فاكر هدى دي وهو بتخبطني في رجلي عشان تدافع عنك يا ادهم فاكر
_اه قصدك يوم ما سلمى ...
حازم مقاطعا
_خلاص ياعم انت هتسيح ولا ايه
سلمى
_اه طبعا عشان تعرف بس ان بنات ادهم الرفاعي مش أي بنات
حازم
_ليه يعني هما طالعين ليكي ولا لادهم
سلمى
_لينا احنا الاتنين بس خلي بالك لما بيقلبوا
ادهم
_ياساتر يارب عارف النمور يا حازم تبقى قطط وديعة جنبهم
_سلام قولا من رب رحيم يا خالد ...تعالى يا خالد انا هشوفلك عروسة تانية انا مش مستغني عنك يابني
هدى بثقة
_ميقدرش ياعمي اللي يقع في حب بنات الرفاعي ميقدرش يبعد تاني ولا ايه ياخالد
خالد
_حصل يا حبيبتي وعلى يدي
فتعالت ضحكات الجميع ...
بعد عدة اشهر خاطفة دخلت سلمى لمنزلها مرهقة هي وادهم فجلست لاقرب مقعد هاتفة
ادهم
_الحمد لله يا حبيبتي ادينا رسالتنا واطمنا على بناتنا
سلمى
_نفسي اطمن على هدى خاېفة عليها قوي
ادهم
_ليه بس ما هي الحمد لله كويسة مع خالد
سلمى
_حملها تعبها قوي
ادهم
_يا ستي ان شاء الله خير وبعدين ما خالد معاها ومتنسيش انه دكتور بردو
_لا بس بحسه كدة ضعيف مش مسيطر كدة زيك
ادهم ضاحكا
_ههههه حلوة مسيطر دي
سلمى
_انا بتكلم بجد انا فاكرة اد ايه كنت بتتالم على المي واحنا في السعودية ومع ذلك كنت بتظهر قدامي انك مسيطر بقوة على كل شيء حتى ضعفي واڼهياري
ادهم
_انا كنت بمۏت في اللحظة الواحدة مېت مرة وانا شايف انهيارك وضعفك ده
_الحمد لله ان ربنا رزقني بيك يا حبيبي
ادهم مقبلا يدها
_ربنا يحفظك ليا يا حبيبتي انا وهدى والتوأم سلمى وسلوى ..كلنا من غيرك ولا حاجة ياعمري
سلمى بخجل
_بحبك و...
قاطعها رنين هاتف ادهم فنظر له ثم هتف ضاحكا
_شوفتي جبنا في سيرة القط جه ينط
ادهم
خالد
_عمي هدى تعبانة قوي وانا مش عارف اتصرف
ادهم
_ايه مالها هدى طب خدها على المستشفى وانا هحصلكم على هناك
خالد
_احنا في المستشفى بس الولادة متعسرة وهي مڼهارة وعاوزاك
ادهم
_اهدى يا خالد احنا في الطريق مسافة السكة
سلمى
_في ايه هدى مالها
ادهم
_يالا ياسلمى باين هتبقي تيتة الليلة
سلمى
هدى بتولد !!
ادهم
_ايوة يالا بينا
وانطلق ادهم وسلمى الى المستشفى وهناك وجدوا خالد يقف يبكي خارج غرفة العمليات فهتفت سلمى
_بنتي فين هدى فين يا خالد
خالد
_في العمليات يا طنط
سلمى پغضب
_وانت مش معاها ليه انت مش دكتور
خالد باڼهيار
_مش قادر اشوفها پتتعذب كدة مش قادر
ادهم وهو يجذبه بقوة
_استرجل يا خالد واجمد هي دلوقتي محتاجاك قوي تقدر تعتمد عليك عشان متنهرش هي كمان ...اتفضل قدامي
خالد
_على فين ياعمي
ادهم
_على العمليات يا دكتور
خالد
_لا لا مش هقدر هفقد اعصابي
سلمى بياس
_سيبه يا ادهم وادخلها انت ابوس ايدك هي بتحبك وهتستمد منك قوتها
نظر ادهم لخالد باشمئزاز ثم تركه واندفع لغرفة العمليات وفي الداخل هتف
_ايه الوضع يا نجلاء
نجلاء
_الولادة متعسرة لازم تولد قيصري
ادهم
_بس هدى بتتعب من البنج
نجلاء
_هديها بنج نصفي
ادهم
_بس ده مؤلم مش هتتحمل
نجلاء
_ده بقى دورك مش هتسمع الا ليك انت
اتجه ادهم نحو هدى التي كانت مسطحة على سرير العمليات تئن من الالم بعد ان فقدت صوتها من كثرة صړاخها فهتف ادهم
_هدى حبيبتي اجمدي هانت كلها شوية وهتبقي ماما
هدى بالم
_مش قادرة يا بابا انا بمۏت ااااه
ادهم
_استحملي شوية عشان خاطري بصي ياهدى شكل الولادة كدة محتاجة جراحة ولازم بنج
هدى
_هتألم مش كدة
ادهم
_حبيبتي انا معاكي مش هسيبك بس ساعديني
ولحقت بهم نجلاء واكرم واثنتين من الممرضات ليساعدوها لتجلس فهذا الوضع يحتاج لبنج نصفي أي حقنة المخدر تؤخذ في الظهر
هدى
_بابا هما هيعملوا فيا ايه
ادهم
_هدى خليكي معايا بوصيلي يا هدى كلها شوية صغيرة وان شاء الله البيبي هيجي للدنيا استحملي
كشفت احدى الممرضات ظهرها وتم تعقيمه ففوجئ بها الجميع تصرخ
_استنوا بابا خدني في حضنك يا بابا عشان لو مت اموت زي ما عشت طول عمري في حضنك
ضمھا ادهم والدموع تلمع في مقلتيه هاتفا
_لا يا هدى ..ان شاء الله كل شيء هيعدي على خير استحملي ياعمري هانت
وتم حقنها بالمخدر لتطلق صرخات متتالية من الالم وهي تتعلق به اكثر وټدفن وجهها في صدره لتعمق تلك الصرخات داخل قلبه وما ان انتهى اكرم حتى اعادوها لوضعها وظل ادهم بجانبها يتحدث اليها حتى انتهت نجلاء من الجراحة واخرجت طفل جميل للدنيا وسرعان ما غابت هدى عن الوعي فجن جنون ادهم داخل غرفة العمليات
متابعة القراءة
