رواية شيقة الفصول من الخامس للثامن بقلم الكاتبة الرائعة

مبقاش ليا قعاد هنا 
فريد بعيون خاوية متمشيش خليكى هنا معايا 
عزة بحزن اللى كنت قاعدة علشانها ماټت خلاص ...ثم تنحنى وتأخذ حقيبتها وتنصرف دون النظر خلفها للحظة واحدة
وفى البيت عند يحيى 
كريمة وبعدين يايحيى...هنفضل ساكتين كتير على الوضع ده
يحيى ولا قابلين ياكريمة ...أدعيلو ربنا يفك كربه ويعدى من الازمة دى على خير 
كريمه بنبرة مهمومة بدعيله من قلبى كل يوم ..قاسم صعبان عليا اوى ...عمرى ماتخيلت أنى أشوف أب يعمل مع أبنه كده وكمان بيهدده ...ياولاداه عليه من يوم ماسهى ماټت وهو حابس نفسه فى شقته رافض يشوف حد 
يرن جرس الباب 
يحيى بفضول مين اللى جاى لينا فى الوقت المتأخر ده 
كريمة علمى علمك ...أنا هقوم أفتح أشوف مين ..وفتحت الباب
يوسف السلام عليكم ..أسف أنى جيت ليكم دلوقتى 
كريمة وعليكم السلام ...مين حضرتك 
يوسف أنا أسمى يوسف 
يحيى مناديا من الداخل مين ياكريمة 
كريمه بنبرة عالية وأحد بيقول أسمه يوسف ياحاج
يحيى يهب واقفا من جلسته ...ويذهب اليه ..أتفضل يايوسف يابنى 
كريمة بنبرة خافته هااا مين ده 
يحيى هبقى أقولك ...أتفضل يابنى 
يوسف معلش ياحاج يحيى أنى جيت من غيرميعاد ...بس من أخر مرة شوفت فيها قاسم ماشفتوش من بعدها ولا حتى أتصل بيا بالرغم من اتفاقنا أننا نتصل ببعض...أتصلت بيه كتير ومش بيرد بصراحة قلقت عليه يكون حصل له حاجة لما صمم يروح الفيلا يقابل سهى...ومعرفش حد غيرك أساله عن قاسم ...ده أنا عصرت دماغى لحد ما افتكرت عنوانك لما قولت عليه وجيت هنا المنطقة وسألت عليك بصراحة متعبتش كتير فى اللف ..أول ماقولت أسمك أتقال على عنوانك علطول ...مقولتليش قاسم أخباره أيه 
يحيى حالته لا تسر عدو ولا حبيب
يوسف بقلق خير حصل أيه ياحاج يحيى 
يحيى سهى ماټت 
يوسف پصدمة ماټت ...ماټت أزاى 
يحيى حكى ليوسف ماحدث بالتفصيل ...وبنبرة حزينه قال ..ودلوقتى هو حابس نفسه فى شقته مش بيخرج منها ابدا
يوسف ممكن عنوان شقته 
يحيى انت مش محتاج عنوان ...شقته الدور اللى فوق شقتى
يوسف قاسم مقالش انه ساكن عندك 
يحيى هو ساكن من فترة مش طويلة ...تعالى وأنا أطلعك لشقته ...يمكن يفتحلك وتقدر تطلعه من الحالة اللى هو فيها 
يوسف وهو يدق على باب الشقة ...أفتح ياقاسم أنا عارف أنك سامعنى ...أنا بقولك من دلوقتى أنا مش هتحرك من مكانى وهتوصل أنى أبات على باب شقتك لو مفتحتش ...ثم ېصرخ ...أفتح ياااااقاسم ...وأخذ يدق على الباب دقات متواصلة عڼيفة ..أاااافتح يأاااخ ...مش هتحرك الا لما تفتح 
يحيى بيأس باين عليه مش هيفتح خالص
ويوسف بأصرار وانا مش هتحرك الا لما أطمن عليه ...أفتح ياااقاااسم 
يسمع يوسف صوت تكات المفتاح فى الباب ليفتح بعد لحظات ويطل قااسم بملامح مرعبة ...شعره مشعث وذقنه طويلة
يوسف يأخذه بالحضن الحمد لله أنى طمنت عليك وباين عليك كويس ...هو مش كويس اوى بوش دراكولا اللى طلعتلى بيه بس كله ممكن يتعالج فى نص ساعة ...شوية شامبو على شعرك اللى بقى عامل زى سلك المواعين ويجذب قاسم الى الداخل وهو مازال يتكلم ...أتفضل معانا ياعم يحيى 
يحيى بابتسامة خفيفة أنا نازل وهسيبه ليك تقوم بالواجب معاه 
شوفت عم يحيى بيقولى قوم بالواجب...وانا مش هتوصى...هو فين الحمام 
قاسم يشاور بصمت على الحمام 
يوسف يشد قاسم من يده ويدخل بيه الى الحمام يلا أغسل شعرك واحلق دقنك وأغسل وشك ....هااا هتعمل كل ده لوحدك ولا أنا اعملك أنا ويبقى أنت الجانى على نفسك 
قاسم أطلع بره
يوسف أخيرا نطقت ...حاضر هطلع بره بس لو مخلصتش كمان نص ساعة هتلاقينى فوق راسك ...أنا هروح اعمل اتنين شاى عقبال ماتكون جهزت ...قاسم ظل صامت ....عايز تورينى مكان المطبخ يوسف كان بيتكلم ويرد على نفسه...لاااا خليك انا هعرف طريقى لوحدى ...أنا عايز أكلمك فى موضوع حيوى حيوى اوى 
يوسف بزعيق من خارج الحمام أنت ياأخ انا عملت الشاى وأنت لسه جوه ..هدخلك لو مطلعتش دلوقتى ...يخرج قاسم بعد لحظات 
يوسف بسم الله ماشاء الله وشك نور ...بدل وش أبونا الغول اللى شوفتك به ..تعالا بقى نقعد عشان عايز أكلمك فى مشروع فكرت فيه من فترة طويلة وبحكم خبرتى فى انظمة الحاسب الالى أن شاء الله فكرتى هتكون ناجحة...أنا بعت كل اللى حيلتى وهحطه فى المشروع ده ومحتاجك تدخل معايا شريك فى