رواية جديدة الفصل الثامن والعشرون والتاسع والعشرون والثلاثون بقلم صديقة الحروف

ينعزل من قبل بمنزله حتى زينة لم يعد يتحدث لها أوقف عالمه وكأنما توقف الوقت وبالرغم من أن ما قاله للتو لا يعجب مراد شخصيا ويجده درب من دروب الجنون ولكنه قد يفعل أي شيء حتى يخرجه من عزلته هذه.
انسى! همس آدم وتبسم بسخرية انسى ايه! تغيرني وتغير كل حاجة فيا وفي الآخر تمشي وتقولي امثل وانسى وأعمل نفسي مش واخد بالي وامثل إن كل حاجة تمام! عايزني اصحى من نومي والبس واتشيك واحضر الحفلات والافتتاحات وارجع تاني آدم رأفت المشهور وهي مش جنبي! عايزني ارجع اقضي ليالي مع شوية نسوان شمال واتخيلهم كلهم شيرين وأناديهم بإسمها! سكت قليلا ثم أكمل بإنكسار تعجب له مراد 
مش هاقدر أنا خلاص مبقتش قادر أكون آدم رأفت من غير وجودها جنبي أنا مبقاش إنسان غير وهي جبي وطول ما هي مش جنبي أنا مبقاش عارف أنا مين نهض آدم وتوجه له ليحدق بأعين مراد
بص لي! تقدر تعرف أنا مين.. بص لي كويس وأفتكر أي وقت أنا كنت فيه معاها وجنبها شايف إن أنا نفس الإنسان! صړخ به ليشعر بغضبه العارم وقد ظن أنه قد يعود لرشده وقد يدفعه كلامه اللاذع الذي ناقشه معه ولكنه لم يظن ما قد يحدث لم يخطر على باله إلي أين سوف يقوده هذا الحديث.
أنا وآدم اللي كان مع شيرين مش نفس الشخص مش كده الملعۏنة دي غيرتني وخلتني مش قادر اخد نفسي من غيرها تيجي.. تدخل حياتي من غير استئذان.. تهرب وتسبني من غير ما تراعي احساسي وحبي ليها.. تشوفني تقولي أنها بتحبني.. وأنا قلبي يتجرح وهي بعيدة..
تعرف يا مراد! أنا معرفش عنها أي حاجة من يوم ما رجعت من عندها عارف ليه عشان هي بتضايق إني اراقبها! 
تعرف كمان! أنا كل يوم بتخيلها وبشوفها جنبي عشان كده أنا قاعد لوحدي كل يوم معاها ومش برضى حد يقاطع قعدتنا سوا وعشان اخلي وقتي كله ليها عشان متضايقش وتزعل لو انشغلت عنها.. 
تعرف ليه أنا بنام كل يوم عشان أشوفها في أحلامي عشان أقولها إني بحبها وبعشقها تعرف إني خاېف ومړعوپ أكلمهاتعرف أنا قد ايه نفسي أرجع بالزمن عشان الاقيها جنبي البنت دي جننتني يا مراد.. مبقتش بفكر غير فيها سواء معايا ولا مش معايا..
بس تعرف أنا ندمان اوي.. تعرف ليه عشان أنا ضيعت اللحظات والأوقات اللي كنا فيها مع بعض ومخليتهاش تعرف وتشوف وتحس أنا بحبها وبعشقها ازاي.. 
أنا كنت ساڤل معاها وراجل مقرف ومعنديش ډم اتعصبت عليها وصړخت في وشها وعاملتها بقسۏة وأنا مكنتش فاهم إني بخۏفها وبرعبها.. بدل ما أخليها تحس بحبي وأخليها تحبني أنا كنت بخۏفها.. أنا غلطت فيها كتير أوي مش كده
نظر له مراد بتعجب فهو بحياته لم يتحدث هكذا هو يسأل السؤال ويجيبه بنفسه لم يتوقع أنه سيصبح بهذه الحالة
آدم أنت لإمتى هتفضل مستنيها وبتعيط على فراقها ليك هي اللي اختارت أنه ..
مراد!! قاطعه دون إكتراث لما يقوله أنا هاعتمد عليك وهاسيبلك كل حاجة أعمل كل اللي تشوفه أنا خلاص مبقتش عايز حاجة من الدنيا إن الكل يسيبني في حالي أخبره بخفوت ثم تركه بغرفته وغادر..
توجه لمرأبه ليختار تلك السيارة التي اختارتها هي من قبل ثم أشعل المحرك ولم يدري إلي أين هو ذاهب لا يستطيع التخلص من كل الذكريات التي جمعتهما معا بل هو لا يريد أن يتخلص منها لا يدري لما تفعل به كل هذا ولا يدري لما هو متعلق بها وبكل شيء عنها هكذا! لغاية إمتى هتفضل ماسك في القشة دي! لإمتى يا غبي صړخ پغضب وقد ضړب المقود بقبضته بعدما أدرك جيدا إلي أين هداه عقله للذهاب.
كبرياءك دلوقتي بعد ما شهرين عدوا مش هيفيد لا شغل ولا حياة طول الوقت عمالة تفكري هترجعي ولا لأ.. كفياكي ضعف وخوف بقا لغاية كده.. لغاية إمتى هتفضلي جبانة وبتتعاملي بلامبالاة قصاد مشاعرك ومشاعره! لازم تواجهي أيا كان اللي هيحصل يا غبية!
كنتي فين وهو بيدور عليكي لما كلمتي حبيبة بعد ما رجع مش قالتلك ارجعي مش قالتلك حالته عاملة ازاي وأتجنن ازاي لما مشيتي مستنية ايه تاني!
تحدثت لنفسها بينما شعرت ولأنها لأول مرة استيقظت بعد مرور شهران حجزت أقرب موعد طائرة وحزمت حقائبها وقررت أن أول وجهه لها ستكون منزله.
قررت أخذ الرحلة المباشرة لمدة خمس ساعات متواصلة وكل ما تفكر به هو كيف سيعاملها عندما تعود وتنظر له ماذا سيحدث عندما تتلاقى رماديتاه بعسليتاها هل سيصدها لقرار عودتها الذي جاء متأخرا كثيرا أم سيقابل عودتها بصدر رحب وسيكون مثلما كان معها بإسكتلندا حاربت أفكارعقلها أحاسيسها التي تخبرها بأنه سيتفهم وسيسامحها فهو إذا أراد على أن يجبرها أن تعود كان فعلها منذ كثير لن ينتظر شهران 
هو اتغير آدم اتغير عشاني تمتمت بهمس بينما وصدت عيناها كي تحاول طرد تلك الأفكار السخيفة من مخيلتها واستسلمت لمشاعرها التي تخبرها العكس.
بعد مرور الخمس ساعات وبمجرد انتهائها من إجراءات المطار هرعت مسرعة لمنزله وتمنت أن تجده تمنت أن تحتضنه وتخبره كم أشتاقت له وبمجرد الدخول من تلك البوابة الضخمة التي أمطرت رأسها بالعديد من الذكريات السعيدة والحزينة معا وصلت ثم رنت الجرس ولكن لم يجيبها أحد ظنت أنه قد ذهب للعمل تنهدت ثم قررت الذهاب للبحث عن فاطمة بالمنزل الملحق فقد تعلم إلي أين ذهب.
فاطمة أنتي هنا نادت بتوتر
آه مي.. وما إن نظرت فاطمة لمن أمامها حتى وسعت عيناها بدهشة آآنسة شيرين همست پصدمة
ايوة يا فاطمة أنا عاملة ايه حاولت أن تتجنب سؤالها عن آدم وكي تبدو لطيفة قليلا
بخير اجابتها بحزن
فيه ايه مالك أنتي كويسة بجد تعجبت شيرين من ردها لينبعث بها القلق
أنا كويسة صدقيني
طب مالك شكلك متضايقة اوي
آدم.. اخبرتها ولكن توقفت
ماله! هو كويس هو فين مش هنا في البيت ولا في الشركة
اتفضلي يا بنتي أنا هاحكيلك كل حاجة
بعد إندهاش شيرين من إختفاءه الذي حدث منذ شهر وتدهور حالته بعد العودة من لندن ومحاولات مراد للتحدث معه ولكن آدم قابله بالرفض كل مرة وآبى أن يتحدث معه وعند آخر محاولة عندما صمم أن يعود للعمل أو حتى للخروج من المنزل قد اختفى ولم يعلم أحد أين هو.
جلست كمن أصاب بالشلل للتو وكأنما توقف جسدها عن العمل عدا عيناها اللتان ذرفتا الدموع في سكوت وسكون حزين ولم ترمش لدقائق وكل ما تفكر به إلي أين ذهب!
آنسة شيرين نادتها فاطمة لتفق من شرودها كل حاجة هتكون بخير يا بنتي ربتت على كتفها بلطف بينما لا تدري شيرين الآن أين ستجده من أين ستبدأ وماذا عليها فعله
سارت بشرود تام خارج المنزل نست حقائقبها ونست أنها تسير على قدماها ولم تنظر حولها ولم تلاحظ حتى السيارة التي توقفت بجانبها ولم تفق حتى سمعت من يتحدث إليها
ليه جيتي دلوقتي صړخ صوتا تعرفه جيدا
أستاذ م..
ايه مفيش وراكي شغل ولا حاجة محتاجة تعمليها لقيتي أخيرا وقت في جدولك عشان