رواية رشا الجزء الاول

شغل وجيت على طول من الشركة عليكم هما بقى لسة هيستنوا مصطفى ويجيوا معاه ومعاهم الشنط ...أنا اتفقت معاهم على كدا ..أصلكم وحشتونى أوى .
الحاجة هانم وإنت يا قلب أمك وحشتنى أوى... بس تعرف كويس إن رنا جاية معاك ...أصلها مش بتحب تيجى هنا كتير .
محمود وهو ينظر لوالدتة على فكرة ... أنا اللى بكون مش فاضى أجيبها معايا ...يعنى هية مش ممانعة .
الحاجة هانم بتهكم يعنى ولو هية ممانعة هتقول 
ثم إستطردت وقالت إعمل حسابك رابع يوم العيد فية فرح سلف أختك هند وكلنا رايحين ..
محمود ماشى يا ماما وانا جاى معاكم .
الأم ومراتك وعيالك كمان ..
محمود بتوتر الولاد اه ...لكن رنا لاء ..
الام بتهكم لية إن شاء الله ..مش قد المقام ولا مستنى تاخد رأيها وتشوف هتوافق الهانم ولا ...لاءة !! 
محمود وهو ياخذ نفسا ويزفرة بسرعة ماشى يا ست الكل .. كلنا جايين .
الحاج حسين ومتنساش فرح ابن عمك ...هو كلمك وقالك هيبقى تالت يوم العيد ..
محمود ضاحكا ربنا يكتر الافراح ..والله خاېف تقولوا لى على فرح الحاج حسين ولا حد من إخواتى كمان هههههه .
ليضحك الجميع .
الحاج حسين إسكت يا محمود ..أمك تصدق وتولع فينا ...محمود ضاحكا طب شوف لى معاك علشان أبقى معاكم فى الچريمة .
الام بعد الشړ عنك يا حبيبى ..
الحاج حسين ضاحكا هو بعد الشړ عنه وإحنا والعيال لا ههههه شايف أمك يا محمود ..
الحاجه هانم محمود انا مش بشوفة غير كل فين وفين ... لكن حسام وخالد على طول معانا .
فى الطريق رنا شاردة مع نفسها وتدعى ربها يا رب عدى اليومين دول على خير من غير مشاكل .. يارب إنت عارف إنى مش بمانع اروح البلد معاه ..بس محمود هو اللى مش بيرضى يا رب انا مش عارفة هفضل لحد إمتى أخطاء محمود تيجى عليا أنا ... يارب طول فى حبال صبرى معاهم ...أنا عارفة انهم زعلانين منى وعندهم حق بس إنت عارف إنى مليش يد فى كدا .....تتنهد وتقول اللهم إنى لا أسئلك رد القضاء ولكنى أسئلك اللطف فية ....
تدخل رنا ومصطفى وآية ويسلمون على الجميع ويجلسون بجوار الحاج حسين والحاجة هانم. 
الحاج حسين وحشتونا يا ولاد .
الحاجة هانم فينكم من العيد الصغير مجتوش ولا سمعنا صوتكم حتى 
آية قولى لبابا يا تيتة ...... هو اللى مش فاضى يجيبنا .
رنا مأمنة على كلامها آه والله يا ماما إنتم بتوحشونا أوى ..بس محمود بقى مش فاضى .
الحاجة هانم تنظر لرنا نظرة سخط ثم تقول طب هو ومشغول مصطفى مش بيجيبكم وتيجوا لية 
مصطفى بضحك منا بشتغل يا تيتة ...هو أنا فاضى لهم .
الحاج حسين خلاص تيجوا لوحدكم ...هو إنتم صغيرين 
رنا والله محمود مش بيرضى أبدا إننا نخرج لوحدنا ..مش كدا يا محمود 
محمود آه
نظرت له رنا بغيظ وهو لم يعلق او يتحدث ..
الحاجة هانم طب مجتيش لية المرة اللى فاتت يا رنا 
رنا بحزن وڠضب وتحاول السيطرة على ڠضبها إسئلوا محمود ..لية مرضيش يجبنى معاه 
الحاج حسين لمحمود لية يا محمود 
محمود بلا مبالاة أبدا كانت تعبانه ومرضتش أتعبها .
يدخل خالد وحسام وملك وريم وأسماء ويسلمون عليهم وتسأذن رنا ومحمود والأولاد لكى يبدلون ملابسهم .
فى غرفة محمود ورنا 
رنا پغضب وصوت منخفض إنت لية مقلتش إنك إنت اللى مش عايزنى أجى معاك هنا .... لية بتخليهم ياخدوا فكرة إنى مش بحبهم وببعد عنهم أو إنى متكبرة عليهم 
محمود بلا مبالاة عادى يعنى ..
رنا بحدة وبصوت منخفض لا مش عادى أنانظرة ماما ليا هية وبابا زى إتهام ...قولى طيب إنت لية مش بتحب تجيبنى هنا 
محمود بتوتر رنا ... متكبريش الموضوع وعدى ... مش عايزين مشاكل .
رنا والدموع متجره بعينيها أنا مش بعمل مشاكل ولا نكد ... انا بقولك لية مش بتقول إنك إنت اللى مش بتحب تجيبنى هنا وإنك خلتنى العيد اللى فات أقضية مع أهلى ولوحدى علشان إنت عايز كدا ..... لية النظرة اللى بشوفها فى عنيهم دى .... 
تجلس وهى حزينة وتكمل ولسة كمان كلام ريم وملك لية عايز دمى يتحرق من شىء أنا مليش يد فية والسبب فية إنت 
تنظر لمحمود لعلة يقول لها السبب ولكن محمود يتهرب منها وينهض بسرعة ويقول رنا مش وقتة الكلام دلوقتى ...لما نرجع بقى نبقى نتكلم .
رنا ولما نرجع مش هتبقى فاضى .وندخل فى دوامة الشغل والمواعيد ...مش كدا 
محمود انا نازل اقعد مع الجماعه تحت .
وخرج محمود وترك رنا تبكى من تجاهلة.....ثم تنهض رنا وتغسل وجهها وتأخذ حقيبتها وذهبت لحجرة مصطفى .
رنا مصطفى خد شنطتك وروح نام مع بابا ... أنا هنام هنا .
مصطفى وأية لية يا ماما ..... في إية 
رنا بعصبية مفيش ...قلت هنام هنا وروح نام هناك ..ممكن ولا مش ممكن 
مصطفى طب خلاص .... هاخد شنطتى أهه. 
ونظر إلى آية نظرة معناها شوفى ماما فيها إية .. وخرج 
جلست رنا مكان مصطفى وهى تنهج ... آية تقترب منها وتهمس لها 
آية ماما ...إية مزعلك 
رنا وهى تحاول تمالك نفسها ودموعها وتغمض عينيها لتمنع دموعها من النزول مفيش 
آية لا ...شكلك زعلان .. هو بابا زعلك ....ولا علشان كلام تيتة 
رنا وقد إنهارت سيطرتها وبكت بحړقة علشان هو السبب فى الكلام دة ...هو اللى مش بيرضى يجيبنى معاكم .وهم يزعلوا منى وبعدين دلوقتى مش بيدافع أو يقول إن هو اللى مش عايز يجيبنى .....
آية أكيد عندة عذر ...طب سألتية 
رنا سألتة ومردش عليا ..وسابنى وخرج .
آية بقلة حيلة خلاص متزعليش وتعالى ننزل إحنا كمان ...زمان طنط ملك وريم بيقطعوا فى فروتنا ههههه 
رنا ضاحكة وسط دموعها يلا ضربوا الأعور على عينة ههههه.
آية ضاحكه وهى تحضن رنا أيوة كدا يا رنوووش إضحكى ..
رنا وهى تضحك وتحضن آية حبيبتى يا آية .... 
آية وإنتى حبيبتى يا ماما ...
فى مطار القاهرة
يصل أحمد مع عائلتة نور وياسمين .ويجدوا سناء وسها فى إنتظارهم .
نور متسائلا لياسمين دول بقى عرفوا معاد الطيارة من فين 
ياسمين أكيد بابا.
سناء وهى تسلم عليهم بلهفة حمد الله على السلامة يا ولاد .... وحشتونى أوى 
ياسمين مبتسمة الله يسلمك يا خالتوا ...وحشتينى .
سناء إنتم أكتر والله .... وحشتونى وتنظر إلى أحمد وتقول بصوت هامس حمد الله على السلامة يا أحمد .
أحمد الله يسلمك يا سناء ..إية اللى جابك 
سناء بقى تقول لى على معاد وصولك ومش أنتظرك ...دة كلام بردة .
سها بلهفة حمد الله على السلامة يا أونكل أحمد ...إذيك يا نور وحشتنى أوى ...وحشتينى يا ياسمين .
ياسمين وهى تسلم عليها وتقبلها وإنتى أكتر يا سها .
نور مبتسما
الله يسلمك
سناء أنا وضبت شقتكم وعملت لكم أكل وحطيته فى التلاجة .... بس إحنا هنطلع الأول عندى فى الشقة علشان نتغدى سوا .
أحمد ملوش لزوم .
سناء بإصرار إزاى يعنى هو إنتم أغراب ...دا إحنا أهل أنا عاملة كل الأصناف اللى بتحبوها .... ها.. قولت إية يا أحمد ...قولتى إية يا ياسمين انتى ونور 
نظر أحمد لنور وياسمين فوافقوا على مضض ثم ذهبوا عند سناء .
فى الشقة عند سناء 
سناء بهمس لأحمد الأكل عجبك يا أحمد .
أحمد بلا مبالاة تسلم إيديكى .
سها مكلتش يا نور يعنى .
نور ببرود أصلى كلت فى الطيارة .
ياسمين بإبتسامة تسلم إيديكى يا طنط .
سناء ألف هنا ...هقوم أعمل قهوة ليك يا أحمد 
أحمد ملوش لازمة تعبك 
سناء بهمس إزاى ...أنا لسة فاكرة إنك بتحب تشرب قهوة بعد الغدا ....مش كدا ولا غيرت عوايدك .
أحمد محرجا لا ..لسة زى ما أنا .
سناء بحنية خلاص بقى ..نشرب سوا .
نور ينظر لهما فى صمت وڠضب ...
سها بهمس نور تشرب إية 
نور ببرود تشربى إية يا ياسمين 
ياسمين بيبسى 
نور ببرود وانا شاى .
سها فى المطبخ ماما مش عارفة أتكلم مع نور خالص .....ياسمين قاعدة معانا وهو مقفل أوى .
سناء شوية حنية ودلع فى الكلام يا سها وهو هيلين بس انتى اصبرى .
سها بإستسلام ماشى .
تخرج سناء وقد أعدت القهوة لأحمد وجلست معة فى الشرفة وخرجت سها بالشاى والكانز لياسمين .
سناء بحنية والله زمان يا أحمد .
أحمد وهو ينظر من الشرفة بتقولى حاجة يا سناء .
سناء وهى تتنهد وتقول القهوة مظبوط ..مش كدا .
أحمد أيوة ... إنتى بتشربى قهوة من إمتى 
سناء وهى تنظر فى عينيه من زمان ... ومظبوط زيك .
أحمد يلفت وجهه للجهه الأخرى ويشرب القهوة ويقول تعبينك معانا .
سناء بهمس تعبك راحة ...بس إنت تؤمر .
أحمد لا ...أكتر من كدا يبقى طمع ..
ويضحك أحمد وتضحك معاه سناء بدلال ثم تردف وتقول إطمع إنت ....وملكش دعوة .
أحمد يشرب القهوة وينظر فى ساعتة ويقول نمشى بقى .
سناء بلهفة بالسرعة دى..... متخليك شوية ... خليكوا قاعدين حبة دا انتم ونستونا ..
أحمد وهو ينهض معلش علشان بس نستريح من السفر .
سناء بإستسلام اللى تشوفة يا أحمد .
يخرج أحمد من البلكونة يلا يا شباب ولا إنتم إستحليتوا القاعدة .
نور وياسمين واقفين يلا يا بابا .
فى شقة أحمد 
نور وهو يجلس عل سريرة شوفتى خالتك وبنتها .
ياسمين وهى تجلس أمامة طب بنتها ماشى .... إنما هية بقى ....إية !! 
نور بحدة بنتها ماشى إية .... لا طبعا .
ياسمين طب وخالتك 
نور دا بقى يعتمد على بابا وأنا حاسس إنة مفيش عندة مانع .
ياسمين بقلق وإنت عندك مانع 
نور لا معنديش .... بس مش هنتكلم إلا لو هو فاتحنا فى الموضوع .....غير كدا ممنوع إننا نتكلم فية ....مفهوم ..
ياسمين موافقة لة مفهوم .
الحلقة ٤
عند الحاح حسين 
يجلس الجميع مع بعضهم بنسائهم وأبنائهم ..
الحاجة هانم وهى تنظر لهم بحب وحشتونى يا ولاد ايوة كدا الواحد يحس يالعيد صحيح .
أسماء بتساؤل لية .....وهو قبل كدا مكنش فية عيد 
الحاجة هانم آه .. كان دايما فية حد ناقص ومجاش .لكن المرة دى الكل والحمد للة موجود .
محمود ضاحكا خلاص بعد كدا تبقى تاخدى التمام على الكل واللى ميجيش ياخد مخالفة وغرامة كمان .
هند أخت محمود الصغرى على كدا إنت هتاخد مخالفات وغرامات كتير .
محمود ضاحكا لية بقى ..هو أنا أحط العقۏبة وأتعاقب كمان .
يضحك الجميع 
فتقول ريم بخبث هند قصدها علشان رنا هية اللى مش بتيجى كتير .
محمود ظروف بقى
مدقيش ...كبرى دماغك 
حسام بجديه إن شاء الله هندبح بعد صلاة العيد يا حاج 
الحاج حسين آه أنا مكلم الجزار وهيصلى معانا وندبح .
خالد هيخلص هنا ويروح عند عمى .
ملك موجهه الحديث لرنا طبعا إنتى يا رنا كنتى بتترحمى من التنضيف فى كل مرة ...بس حظك بقى هتاخدى نصيبك من الشغل .
رنا وقد شعرت ببعض الضيق