رواية جديدة رائعة الفصول من 16-للاخير
المحتويات
قررت اقف معاكم واساعدكم
قهقهة مرجان بغير مرح قبل أن تردف بسخريه واللهوليه دلوقتي ...مش ماما عرضت عليكي قبل كده وإنت رفضتي رجعتي ف كلامك ليه
رجعت الاخري إحدي خصلات شعرها إلي خلف أذنها ف حركه عفويه منها إذا أرادت أن تخفي إرتباكها
تحدثت بكبرياء محاولة عدم إظهار توترها من نظرات مرجان علي فكره انا ممكن اغير رأيي تاني وامشي انا غلطانه أني جيت اساعدك علشان ترجعي مراد ليكي وتخليه يتجوزك
قاطعتها دولت وارسلت لها نظرات محذره قبل أن تلتفت لسيرين مره اخري مردفه سيبك منها يا سيرين وخليكي معايا هنعمل إيه
_كل حاجه وليها حل وانا عندي خطة هتخلي يجي يبوس إيدك ورجلك علشان تتجوزه
وإيه هي الخطه دي يا سيرين
_والله يا مرجان الخطه موجوده بس كل شئ وليه مقابل انا هجوزك مراد يا مرجان مقابل سكوتك ...هسيبك تفكري براحتك يلا باي
أما بالداخل جلست دولت جوار إبنتها وتسألت انا مش فاهمه حاجه مقابل إيه الي سيرين عايزاه
تأفأفت مرجان قبل أن تجيب بسخط الحيوانه مبتضيعش وقت اي خطوه بتخطيها بيبقي من وراها مصلحه إسأليني انا
_طب ده حلو كده هي هتعرف تساعدنا
هي هتساعدني مش لله كده وخلاص لاء يا ماما ده علشان اسكت وما افضحهاش
بصراحه يا ماما انا كنت شاكه أنها علي علاقه مع نبيل بس مردتش اتكلم وإستنيت لحد ما شوفتها بعنيا كانت طالعه من جناح نبيل وبتتسحب واول ما شافتني قعدت تقولي إنت فاهمه غلط وكلام من ده بس في الاخر اعترفت بكل بجاحه وعلشان كده بتقول إنها هتساعدنا مقابل اني اسكت
مش مهم ....المهم إني ماسكه عليها زله وھفضحها
_إنت متخلفه لاء طبعاإحنا هنستفيد إيه لو فضحناها إحنا نطلع اذكي منها نعرف خطتها وبعدين نبقي نفضحها الكلام ده ميطلعش لحد تاني إنت فاهمه
_فاهمه
صوت رنين الهاتف الارضي هو ما أخرجهم من شرودهم أجاب عثمان بما أنه اقربهم للهاتف أيوة
حمل عثمان الهاتف قبل أن يعطي السماعه لنريمان وترك الهاتف علي أقرب طاولة
تحدثت ناريمان بهدوء أيوة
_ناريمان هانم انا صابر
اه ازيك يا صابر في اخبار جديده
_انا عرفت مكان نوران
بجد مليني العنوان بسرعه
_نوران شغاله عند حضرتك في القصر يا ناريمان هانم الخدامه الي عندك في القصر هي نفسها نوران حفيدتك بنت عدلي
تمالكت أعصابها وأنتبهت لنظرات نبيل المترقبه فتحدثت بصوت مهزوز وديني جناحي يا عثمان
اومئ عثمان برأسه واتجه ناحية الكرسي وجره الي الخارج متجه إلي جناحها
دلف بها إلي الداخل واردف في علاج بتاخديه دلوقتي يا anna اجبهولك
_لاء يا حبيبي زمرد إدتهولي الصبح
طيب انا هروح ورايا شويه ورق مراد طالب مني اراجعهم
_عوزاك يا عثمان إنت وكمال بعد ما كله ينام تيجو هنا الجناح بتاعي علشان في موضوع مهم وياريت يكون مراد رجع.
دخلت جناحه وتأملت كل انش به
تلمست بأناملها وسادته
ااه بتنهيده اطلقتها من داخلها لو أن هذا المغرور يعلم كم أحببته ااه لويدرى بأنى اريد ان اخبأه بداخل حنايا قلبى لو أن عيناه تنظر لى نظره حب لما لم يشعر بقلبى الذى يخفق بمجرد أن يسمع اسمهاعشق غرورك كبريايك حتى قسوتك
وبينما هي غارقه بأفكارها وجدت الباب يفتح وطل من خلفه مراد الذي تفاجئ بوجودها واردف بضيق
ايه اللى دخلك جناحى وانا مش موجود
تركت وسادته التي كانت ټحتضنها وتحدثت مراد حمدلله على السلامه كنت عارفه انك رجعلى
كلهم فكروا انك هربت معاها لكن أنا قلت لاء انت بتحبنى وهترجع علشانى.
_وبعدين يا مرجان مش ناويه تبطلى الجنان ده انا تعبت افهمك انت فعلا صعبانه عليا لازم تشيلى الأوهام دى من دماغك كل الموضوع انتى مش متعوده حد يصدك كل اللى عرفتيهم كانوا بيجروا وراكى لكن أنا مش زيهم.... لانى ببساطة بعتبرك اختى ونبيل اللى كنتى بتحبيه السنه اللى فاتت تقدرى تقوليلى بعدتوا عن بعض ليه
بسهوله كده تستهزاء بمشاعري
نبيل ده كان وهم لكن انت حاجه تانيه خالص
انا هرضى غرورك وهقولك كل حاجه انا مكنتش بحب نبيل انا كنت بمثل قدامك اني بحبه علشان تحس بيا أو تغير عليا علشان اخليك تتحرك عملت كل حاجه وبردو مفيش فايده انا ناقصني إيه
_مش ناقصك حاجه يا مرجان كل الموضوع إني مش قادر اشوفك غير اخت ونصيحه ليكي بلاش تخسريني ك أخ كمان .
ماشي يا مراد بس إنت الي هتندم وعمرك ما هتلاقي حد يحبك قدي
أغلقت خلفها الباب پعنف مما سبب في إصدار صوت عالي وانطلقت إلي جناحها وهي تكاد ټنفجر من الغيظ .
أما هو فأخذ حمام ساخن سريع واتجه إلي فراشه لينعم ببعض الراحه .
هبطت سيرين إلي الأسفل حيث المطبخ ونظرت لزمرد ووالدتها بإستحقار قبل أن تردف إنت يا ..اه زمرد اعملي ليا قهوه ولعثمان وطلعيهم الجناح بتاعه ومتتأخريش
وتركتهم قبل أن تسمع ردهم مما أغضب زمرد وبشده وجعلها ټضرب الأرض بقدمها كالاطفال للتعبير عن ڠضبها وتحدثت شايفه يا ماما بتعاملني إزاي هي اصلا مش بتحب حد يعمل لها قهوه ...هي نازله مخصوص علشان تعرفني إنها في جناح عثمان
ربتت والدتها علي كتفها وتحدثت بهدوء معلش يا زمرد قولت لك كذا مره عثمان مش ليكي ولا عمره هيبقي ليكي بس إنت مصممه
نظرت زمرد لوالدتها بتحدي قبل أن تردف لاء يا ماما عثمان ليا وبكره تقولي زمرد قالت
_ربنا يهديكي يا بنتي ويريح بالك انا هعوز إيه غير إني اشوفك بخير روحي يلا اعملي القهوه قبل ما تيجي تزعق إحنا مش ناقصين
عندما أحست بإقتراب خطوات أمام الجناح
أوقعت قلم من فوق مكتبه عن قصد وعندما فتح الباب اقتربت كثيرا منه حتي أصبحت ملاصقه له تماما وأخذت القلم وسط تعجبه من تصرفاتها
وكل هذا أمام تلك المسكينه التي تحمل القهوه بين يديها ولم تكتفي الاخري بذلك فقط بل تحدثت بمكر بعد أن إعتدلت بوقفتها وجلست علي طرف المكتب عثمان انا كلمت بابا وماما علشان موضوع خطوبتنا
وعند هذه النقطه لم تستطيع زمرد تمالك نفسها واوقعت الاشياء من يدها وتجمعت الدموع بعيونها
نهض عثمان من مكتبه واتجه إليها وأبعدها بعيدا حتي لا تصاب بمكروه قبل أن يردف بلهفه لم يستطيع إخفائها إنت كويسه!
اومئت بخفوت قبل أن تبعد يده عنها وتتجه مره اخري نحو الكاسات المکسورة لتلمهم ولكن أبعدها عثمان مره اخري مردفا بحنو خليكي انا هلمهم علشان متتعوريش
صړخت سيرين پغضب وصوت عالي وحاد وقد تصاعد الڠضب داخلها من تصرفاته تجاه تلك الخادمه وتجاهله لها عثمان إنت هتعمل إيه ده شغلها مش كفايا كسرت حجات اغلي منها...
تحدث عثمان ببرود إطلعي بره
نظرت له سيرين بتمعن تريد أن تتأكد أن ما سمعته للتو صحيح إنت قولت إيه
اكمل مره اخري ببرود أشد بره إطلعي بره
نظرت لهم نظره اخيره قبل أن تخرج وتتوعد بالكثير لزمرد لاء تستطيع تصديق أنه طردها وأمام تلك الخادمه صعدت إلي الاعلي وقد أيقنت أن كلام نبيل صحيح ويجب عليها تنفيذ الخطه التي وضعها بأقرب وقت .
البارت الرابع وعشرون
عاد احمد إلي منزله وبمجرد دخوله إندفعت هاله لأحضانه وبدأت ف البكاء وصوت شهقاتها إرتفع
ربت احمد علي ظهرها واردف بقلق مالك يا هاله بټعيطي ليه اهدي
إبتعدت عنه قليلا وتحدثت بابا طرد ماما من البيت
_إيهبابا ليه عمل كده
مش بابا الي عمل يا احمد ماما هي الي عملت
_هاله انا جاي تعبان إتكلمي علي طول
ماما كدبت علينا هي مبعتتش نوران لستي زي ما قالت دي بعتتها تشتغل خدامه في قصر بعيد عننا وكمان بابا مكنش تعبان ماما هي الي كتبت الجواب بإيديها
_إزاي ماما تعمل كده وليه أصلا تشغلها خدامه وليه تكدب ...مش عارف اقول إيه طب وانا مفرقتش معاها وانا بدور عليها ف كل حته حرام عليها هي نوران عملتها إيه
ماما قالت إنها كانت عاوزة تبعدها عنك وكمان علشان اخدت فلوس
كتير مقابل إنها بعتت نوران
_وتبعدها عني ليه امي مفكرتش غير في الفلوس لا همها نوران هتبقي عايشه إزاي ولا انا الي قلبي كان محروق عليها وكنت قربت اټجنن وانا مش لاقيها ف أي مكان .
تدخل صابر الذي كان يتابع ما يحدث بصمت من خلف باب غرفته واردف احمد هاله ...خلاص مش عاوز كلام في الموضوع ده وكمان عاوز اقولكم أن نوران اهلها الحقيقين هما صحاب القصر الي هي شغاله فيهوانا كنت جاي أصلا علشان اعرفها علي أهلها .
تفاجئ احمد وكذلك هاله التي اردفت بإستعطاف طيب يا بابا بما إن حضرتك كنت هترجعها لأهلها في القصر يبقي ليه عملت كده مع ماما
زفر صابر بنفاذ صبر وهتف بضيق امك غلطت يا هاله وكدبت وباعت نوران باعتها علشان الفلوس خلي الفلوس تنفعها مش ده كان همها من الاول
فرك احمد جبينه تعبيرا عن تفكيره وتحدث لاء يا بابا مش بعد ما عرفنا طريق نوران اخيرا نسيبها انا هروح اجيبها حضرتك عرفني مكان القصر
نفي صابر برأسه وأردف بسخريه إنت عاوز أهلها بعد ما عرفوا إن ليهم حفيده يسبوها مش هينفع تروح يا ابني وحتي لو روحت محدش هيرضي يدهالك لإنك ببساطه مفيش بينك وبينها صلة قرابه
تسألت هاله بخفوت يعني إحنا مش هنشوف نوران تاني يا بابا
اكمل صابر والله يا بنتي لسه مش عارف اخر مره كنت بكلم الهانم الخط قطع أو هي قفلت مش عارف انا هتصل بيهم كمان يومين ولا حاجه وافهم منهم واطمن علي نوران وأسألهم لو ينفع ازورها أو هي تيجي بس ما اعتقدش إنها هترضي وإنت يا احمد انا عاوزك تنسي نوران وتشيلها من قلبك بدل ما تعشم نفسك علي الفاضي
إبتلع احمد غصه مريرة بحلقه واردف بإقتضاب ليه يا بابا إحنا هنخليها تختار إحنا ولا أهلها
تحدثت هاله بنبره ساخره رغم أنها تحمل بعض الألم وتفتكر هي هتختارنا بعد ما ماما باعتها وخدت فلوس سيبها يا احمد هي طول عمرها وهي متمرمطه معانا هنا كانت عايشه مع اهل مش أهلها وكنا مشيلنها كل حاجه وماما عمرها ماحسستها إنها بنتها وانا ...بصراحه كنت بغير منها بس خلاص انا بتمني من كل قلبي إنها تعيش حياه سعيده .
إتجهت لغرفتها فور إنتهاء حديثها وشرعت
متابعة القراءة
