رواية مني الجزء الثاني الفصول الرابعة

أنها تواجه وتطلب حقها ولما الضغط زاد عليها واڼفجرت المۏت سبقها ياريتها كانت اڼفجرت من زمان وفضلت عايشة هي واللي في بطنها.
الاء بتعاطف وهي تستنتج أنه يتحدث عن زوجته الله يرحمها.
أحمد بحسرة الله يرحمهم بصدق الاء مټخافيش أنا بجد مش عايز منك أي حاجة بس اديني فرصة اساعدك يمكن ارتاح واكفر عن ذنبي في حقهم .
الاء بتفهم وقد تأكدت ظنونها بس حضرتك ذنبك أيه وبعدين الناس ممكن تتخيل أيه.
أحمد بانفعال الناس مش هتنفعك محدش منهم بيحوش عنك وأنت بټضربي ومحدش منهم هيندفن مكانك لو مۏتي في علقة منه.
الاء بتردد طيب هافكر ولو لاقيت نفسي هاقدر هابلغ حضرتك.
أحمد بصدق اتفضلي واتأكدي أني عمري ما هاطلب أي مقابل لمساعدتي ليكي.
الاء بأسف متأكدة وأسفة لو كنت اتسرعت.
أحمد بندم وأنا أسف على اللي حصل مني قبل كده وتقدري تتحركي في الشركة براحتك اتفضلي على مكتبك.
بعد عدة أشهر بأحد فروع شركة الشربيني
أحمد بابتسامة اتفضلي يا مدام الاء.
الاء بحرج شاكرة لحضرتك جدا.
أحمد بابتسامة أخبار قضيتك أيه وعاملة أيه في شغلك في الفرع هنا.
الاء بامتنان الشغل هنا ممتاز وكلهم ناس محترمين والقضية الحمد لله ماشية كويس جدا والمحامي مطمني.
أحمد برضا طيب كويس.
الاء بحرج أنا أسفة أني طلبت مقابلة حضرتك بس الحقيقة في موضوع محيرني من فترة وحسيت أن زيارة حضرتك للفرع النهاردة إشارة من ربنا.
أحمد بهدوء مفيش داعي للمقدمات دي هو الحيوان ده اتعرضلك ولا أنت محتاجة
حاجة.
الاء بامتنان لا طبعا حضرتك قايم بكل حاجة وهو مبقاش يقدر يرفع عينه في بعد العقلة اللي اكلها من البودي جارد.
أحمد بحيرة امال في أيه.
الاء بتردد هي ممكن تعتبرها وقحة مني بس أنا أكتر حد ممكن يحس بالناس دي.
أحمد بحيرة ناس أيه
الاء بتلعثم الحقيقة أن وجودي المستمر في محكمة الأسرة خلاني اتعرف على ستات كتير ظروفهم زي ظروفي أو أسوأ فاركة كفيها بتوتر وأكتر من مرة حد منهم كان يقع في عرضي أنه يقعد معي أسبوع ولا اسبوعين وطبعا كنت برفض لانها مش شقتي لكن الأسبوع ده تلت ستات يعتبروا نيمين في الشارع قطعوا قلبي وبستأذنك لو ينفع....
أحمد بحسم أي حد شايفة أنه يستاهل نساعده ساعديه من غير ما تسألي ومش بس الشقة اللي محتاجة شغل نشغلها واللي محتاجة محامي ابعتيها للمتر وأنا هفهمه ده.
الاء بدهشة بس ده كتير قوي.
أحمد بصدق مش كتير ولا حاجة أهم حاجة تكوني متأكدة أنهم مظلومين ومضطرين للطلاق أنا مش عايز أقوي حد على خړاب بيته.
الاء بحماس لا والله كلهم مدمرين ومش متجوزين رجالة أصلا وممكن احكي لحضرتك حالة كل واحدة بالتفصيل.
أحمد بثقة أنا واثق في نظرتك وزي ما قولتي أنت أكتر حد ممكن يحس بالناس دي ولو احتجتم أي مساعدة أنا موجود.
بعد مرور سنة بمكتب أحمد بالشركة
أحمد بابتسامة مبروك يا الاء بس المهم تكوني اخترتي المرة دي صح.
الاء بخجل لا الحمد لله هو انسان كويس جدا احنا اتعرفنا في المحكمة وأنا عارفة كل ظروفه هو كمان انظلم في جوازته الأولى ونفسه يبني بيت ويرتاح.
أحمد بابتسامة ربنا يوفقكم.
الاء بامتنان متشكرة لحضرتك جدا أنا عمري ما هنسى فضلك علي.
أحمد بحسم من فضلك بلاش الكلام ده ولو احتاجتي أي حاجة أنا موجود.
الاء بحرج هو الحقيقة في حاجة أخيرة مش عارفة اتصرف فيها أزاي.
أحمد باهتمام أيه هي.
الاء بحرج المفروض طبعا أني هاسيب الشقة بس حاليا هي فيها خمس ستات حالتهم أصعب من بعض فهامشيهم ولا....
أحمد باستنكار لا طبعا وهيروحوا فين.
الاء بارتياح يعني حضرتك عندك استعداد تصبر عليهم شهر ولا شهرين عقبال ما يتصرفوا.
أحمد بتفكير لا شهر ولا شهرين خلاص الشقة دي بقيت بتعتهم اللي بتمشي بتيجي غيرها وأنا لا يمكن اقفل باب الرحمة في وشهم.
الاء بتوتر بس أنا مش هاكون موجودة وممكن تدخل ناس تعمل قلق ومشاكل وده هيبقى مسئولية على حضرتك. 
أحمد بتفكير يبقى كل حاجة تمشي رسمي نحولها دار لضيافة المطلقات وهاعينك أنت مسئولة عنها بمرتب أكبر من مرتبك في الشركة.
الاء بسعادة ربنا يكرمك يا فندم ويسترك زي ما سترتنا بجد مش عارفة أشكر حضرتك أزاي.
عودة من الفلاش باك
أحمد بشرود هي اللي بتشكرني ومتعرفش أن أنا اللي المفروض اشكرهم أنهم رجعوني تاني للحياة ودمروا الداتا بتاعة الروبوت ورجعوني انسان من تاني.
نعم بانبهار وبعدين.
أحمد پألم واحنا بنخلص أوراق الدار لاقيت نفسي باسميها على أسم أميرة وكأني باحاول أكفر عن ذنبي في حقها.
نعم بغيرة هو ده بس سبب التسمية.
أحمد بتأكيد أيوه للأسف تربية بابا لي كانت لا يمكن تخرج شخصية تعرف تحب حتى لما حس أن أسلوب ماما هيأثر علي سافرني المانيا منها أدرس وكمان يترسخ جوايا الأسلوب العملي البحت.
نعم بحزن وشرود وكأنها تشتكي حالها الله يرحمه ناس كتير زيه فاكرين أن العواطف بتتعارض مع النجاح وبيدوسوا على قلوبهم لو هتقف قدام طموحهم.
أحمد بندم للأسف كنت زيهم