رواية جديدة جامدة الفصول من الاول للثالث بقلم الكاتبة الرائعة

بتشيل حزامها عشان تنزل من العربيه حنان وساره كانوا جاينلك على المطار ..عشان يقنعوكى ترجعى عن قرارك وحنان تليفونها مقفول 
نزلوا بسرعه هما التلاته بيجروا وسط زحمه العربيات لغايه ما وصلوا لمنطقه متحاوطه بشريط يمنع دخول حد 
عبير بتحاول تدخل بس ظابط واقف مانعها من الدخول
_يا ابنى انا زى والدتك دخلنى اطمن انها مش بنتى 
_مينفعش والله ..
_طب ادينى اى معلومات عنهم 
_لسه منعرفش عنهم حاجه والله ..لان لسه مش عارفين يخرجوهم من العربيه ..ممكن حضرتك تنتظرى لو سمحتى 
عبير ومنيره واسلام واقفين مش عارفين يتصرفوا فعبير وهى واقفه لمحت فرده حلق كانت جيباها لساره فى عيد ميلادها ..حطت اديها على وشها وهى بتيعط بحرقه
_اااه ...ساره ...بنتى ..بنتى بټموت ..يااارب ياررب يا كريم ملناش غيرك 
جريت منيره عليها وحضنتها ممكن يكونوا مش هما اهدي يا عبير بالله عليكى
عبير بتبكى هى بنتى ...هما يا منيره ..فرده الحلق اللى فى وسط الډم دى بتاعت بنتى 
منيره سكتت تماما وعنيها رفضت تنزل دمعه ...كانت رافضه حقيقه الامر لا لا مش هما بيتهيألك بس ..مش هما 
عبير فوقت منيره هما يا منيره فوقى ...دول عيالنا ..
حضنوا بعض وعيطوا واسلام واقف مش مصدق ..دول كانوا لسه بيتغدوا سوا امبارح ..اى اللى حصل ودعا من كل قلبه ...يارب ..يارب قومهم بالسلامه احنا مش حمل كسره كمان يارب
اخيرا قدروا يطلعوا حنان وكانت فايقه بس تايهه 
تماما واول ما طلعت جريوا عليها 
قالت وهى بتتنفس بصعوبه ساره بتحبك اوى يا بيبو ...سامحيها ...كانت نفسها تسامحيها ..
غابت بعدها عن وعيها وطلعت بعدها ساره كانت فاقده تماما لوعيها 
وطلعوا سواق الترله 
واتحركوا كلهم على المستشفى 
اسلام لقى حد بيرن عليه ورد الو ..
_رد يوسف بعصبيه انا يوسف يا اسلام ..اى اللى بيحصل حد يفهمنى حنان بخير 
اسلام رد بحسره حنان وساره عملوا حاډثه يا يوسف ....احنا فى طريق المستشفى 
_ اسمها اى المستشفى بسرعه 
_مستشفى ..... 


يوسف خد الطريق بسرعه رهيبه
وصل المستشفى بسرعه ودخل جرى يسأل عليهم ولقى منيره وعبير حاضنين بعض وبيبكوا وجنبهم اسلام بيحاول يهديهم ويطمنهم 
_اى اللى حصل يا اسلام ..فى اى يا منيره هانم حد يفهمنى يا جماعه 
عبير پبكاء كانوا جايين يقنعونى مسافرش ... يارتنى ما اخدت قرار السفر من اساسه ...يارب نجيهم يارب 
اسلام كمل الكلام لما لقى امه مڼهاره دخلوا فى ترله يا يوسف ..المنظر كان مرعب مجرد تخيل الحاډثه لوحده كارثه ..
يوسف حنان مش سنه اولى سواقه عشان تدخل فى ترله ...اكيد فى حاجه غلط 
رد عليه اسلام لازم نستنى لما يفوقوا ونفهم التفاصيل ..اكيد فى تفسير ..
ساره وحنان كل واحده فيهم فى العمليات والكل برا قلقان ومړعوپ عبير ومنيره جنب بعض ساندين بعض زى عادتهم بالظبط 
اسلام مع يوسف بيحاولوا يلاقوا تفسير للى حصل ودماغهم ھتنفجر من التفكير 
اخيرا خرجوا من العمليات 
وطلع الدكتور بالنسبه للانسه ساره عندها كسر فى الرجل اليمين وكسر فى الذراع اليمين الظاهر عرضت نصها اليمين كله للصدام ...عندها كذا چرح فى وشها بس يتعالجوا مفيش حاجه خطيره للدرجه ...انما الانسه حنان ظهر الاسى على ملامحه
فإحنا عملنا كل اللى علينا والباقى فى علم الغيب
يوسف بحسره ي ..يعنى اى 
الدكتور يعنى يا تفوق يا متفوقش ....جسديا هى عندها كسرين فى القفص الصدري وڼزيف داخلي قلبها وقف مرتين فى العمليه بس سيطرنا على الوضع ...سيبوا الباقى على الله ..ولو مافاقتش خلال ٤٨ ساعه الجايين فهناخد إجراءات تانيه ...عن اذن حضارتكوا 
منيره اڼهارت على الارض تبكى على حال بنتها وجريت عليها صاحبتها اجمدى يا منيره ...اجمدى ..ربنا هينجيها خليكى واثقه فى دا ..قومى ..قومى نصلى وندعيلهم عياطنا وانهيارنا مش هيفيدهم ..قومى وانا متأكده ربنا هيجبر بخاطرنا ..
منيره بإنهيار دا جزائى ....دا ذنب ظلمى ليكى وغبائي ربنا بيعاقبنى فى اغلى حاجه عندى ..دا ذنبك يا عبيرر ...ياارب ..يارب مقدرش اعيش من غير بنتى ياارب 
حضنتها عبير دا ابتلاء مش ذنب ...ابتلاء ولازم نصبر يا منيره ..قومى يا حبيبتى نصلى وندعيلهم قومى 
قامت بتتعكز عليها وراحوا عشان يصلوا
واسلام معدش قادر يمسك نفسه وبكى على اللى كل اللى كاتمه من الاول 
اما يوسف اصلا فهو انسحب ورا الدكتور على طول ووقف الدكتور على حسني يعنى اى هناخد اجراءات تانيه ...اى اللى هيحصل ..
على بتعاطف مع حاله يوسف يعنى اجراءات على المدى البعيد ...لان لو مفاقتش خلال ٤٨ ساعه الجايه فإدراكها هيدخل فى مرحله خمول ودا محدش يعرفله مده ...ممكن تفوق بعد اسبوع اسبوعين شهر شهرين سنه سنتين ...دى حاجه فى علم الله ...ادعيلها ربنا ينجيها ...شكلك بتحبها 
ابتسم يوسف بحسره ملحقتش اعرفها 
على بإذن الله تفوق وتبقى زى الفل ..ربنا يجمعكم على خير 
كان ماشي بس يوسف وقفه ممكن اشوفها