رواية جديدة جامدة الفصول من الاول للثالث بقلم الكاتبة الرائعة

بإستهزاء ونظره عنيها بتقول فاكر هيعوضنى! 
اتكلم محسن بعصبيه طب وانا مليش نصيب ولا اى 
رد المحامى بعمليه حضرتك المرحوم خصصلك 8من اسهم الشركه بلس ڤيلا جديده فى التجمع 
سمير لا كتر خيره والله ..اى العبط دا ..فين نصيبنا 
رد المحامى اهدى يا سمير بيه الوضع مش مستاهل كل دا ...دا اللى المرحوم كتبه هنا دا بعيدا عن انكوا ملكوش حاجه بشكل شرعى اصلا بس هو خصصلكوا نصيب اعتقد دا كافى ولا اى!
الكل خرج من الغرفه واتوجه لاشغاله وراحت ساره لحنان ابوكى بيعمل اى عايز يحط البارود جنب الڼار 
_متنسيش انه ابوكى انتى كمان
_انا مش قادره اتخيل وجودنا مع بعض فى مكان واحد ممكن يعمل اى ربنا يستر
الكل اتحرك واتحركت عبير بإسلام يلموا هدومهم
_احنا هنقعد معاهم فعلا
_اه 
_ماما انتى عارفه طنط منيره تصرفها هيبقى اى ..انتى بتهرجى !!
_اسلام !! اسكت دى وصيه ولازم تتنفذ
اتحرك الكل ووصلت عبير واسلام وساره وحنان فى وقت واحد دخوا واتفاجأوا بمنيره ....
البارت الثاني
اتحرك الكل ووصلت عبير واسلام وساره وحنان فى وقت واحد دخوا واتفاجأوا بمنيره واقفه فى استقبالهم بإبتسامه عريضه 
وبصوت عالى وابتسامه محدش قدر يفسرها اهلا بضرتى الغاليه ...نورتى بيتى والله ..يارب بيتى يعجبك يا حبيبه قلبى 
قربت عليا وباستها وحضنتها وقالت سورى يا جماعه مصدعه شويه هطلع انام انا ... البيت بيتكوا 
وطلعت وسابت الكل فى زهوله ..كلهم واقفين مش عارفين فى اى او منيره ناويه على اى 
قطع اسلام تفكيرهم بالله لو حد قالى قبل شهر ان كل دا هيحصل كن اكلته علقھ ما اخدهاش حمار فى مطلع ....
مكنتش فى وقتها لان ساره ردت عليه اسلام حقيقى مش وقته خالص
حنان اخدتهم وورت كل واحد غرفته واتبقى غرفه عبير وكانت قريبه من غرفه منيره 
الليل جه والكل بالفعل نام 
انا زوجك ودا حقى
انا زوجك ودا حقى 
انا زوجك ملكيش تقوليلى لاء 
صحيت عبير من نومها مړعوبه و مڼهاره يارب يارب ...كنت بدأت ابقى كويسه يارب ..كنت بدأت انسى
قامت اتوضت وصلت وعيطت كتير لدرجه منيره سمعت صوت عياطها وقامت فتحت بابها وراحت عندها وفتحت الباب لقيتها قاعده على سجادتها وبتبكى 
_بجد بتعيطى ...انتى عندك ډم وبتحسي زى باقى الخلق ..
عبير مسكت نفسها وقررت متردش عليها وان دا رد فعل طبيعي من واحده اټصدمت فى صاحبتها
زعقت منيره بصوت عالى ردى علياا 
_مش هرد عليكى ...انتى مټعصبه وانا مش حمل كلام ابدا 
_ دا انتى بجحه اوى يا بنى ادمه ...انتى اللى مش حمل كلام ..
خرجت ورزعت الباب وراها وعبير حمدت ربنا ميه مره انها عدت على خير
وقامت حاولت تنام تانى بس النوم مجافيها 
عدا اسبوع على نفس الحاله واهانات منيره لعبير مستمره 
عبير خلاص معدش عندها قوه تحمل بقت هشه وكوابيسها مستمره بدون انقطاع لدرجه بقت بتاخد منبهات عشان ماتنمش ومتحلمش بأكتر ذكريات سوداويه عاشتها
وشها شحب بسبب المنبهات دى وتحت عيونها اسود 
بالنسبه لساره فهى مستمر فى كلامها الچارح لامها عن انعدام اخلاصها لصحبتها 
اسلام فى مذاكرته لان امتحاناته فاضل عليها اسبوع وصاحبه عماد مستمر فى اللى بيعمله وماشي مع سمير على الخط 
حنان مكمله شغلها مع يوسف وبتحاول تظبط كل اللى فاتهم 

دخلت مكتب يوسف بسرعه البرق ماسكه فى اديها ملف وعلامات الزهول على وشها
_يوسف اى دا 
_اى فى اى سرعتينى 
_شوف بسرعه الملف دا 
يوسف اخد منها الملف وبدأ يقلب فيه 
_مش ممكن ...الكلام دا حقيقى !!
جبتى الملف دا منين 
_لقيته فى خزنه بابا
_ابوكى كان كدا !!....دى صفقات مشبوهه ..معقوله اللى مكتوب دا ...دى مصېبه 
_من ساعه ما شفته وانا مش على بعضى ...اتصرفت وكلمت سكيرتيره المخلص قبلك طبعا ..وعرفت انه حقيقى ..ابويا كان بيستخدم الشركه للتهريب ..صفقات مشبوهه وقرف ..انا كل شويه بكتشف حاجه جديده ..دا لايمكن يكون الراجل اللى كنت عايشه معاه ..مين دا ..نكتشف بعد مۏته ان عنده اولاد لا ويبقوا من صاحبه والدتى وشويه واكتشف صفقات مشبوهه ...انا مش عارفه فى اى ..ابويا مخبى وراه ايه تانى ..
_بعيدا عن كم القرف اللى حصل بس اللى مكتوب هنا دا دليل يدين ابوكى ويدينك انتى واخواتك كورثه للشركه ويسوق سمعه الشركه ويهد كل حاجه ...الورق دا لازم يتحرق .
_عندك حق لازم نتخلص منه ..

_عماد ..بقولك اى روح هاتلنا قهوه ..مصدع اوى ..
_تمم يا صاحبى هروح اجيب وجايلك 
جابها وكالعاده حطله فيها الجرعه ..
_يا اخى القهوه دى مريحه بشكل ..اول مره احس كدا وانا بشرب قهوه ..يكمن عشان ايام المذاكره وكدا ..
_اكيد ..يلا بقى على السنتر عشان منتأخرش

_ايوا يا ساره 
_الو ..ايوا يا نور 
_اى هتشاركى فى المعرض الجاى 
_اه بإذن الله معاكوا 
_خدى بالك المعرض دا بالذات هيحضره ناس مهمين جدا جدا فدى فرصه تطلعى فيها جمال موهبتك