رواية الشغف العاشق الجزء الاول من 1-10
كان بيبعت حد ينضفها كل شهر
أخذ الظرف و تأمل محتوياته فابتسم قائلا
و كأنه كان عارف إيه اللي ممكن يحصل
وضع الأخر يده على كتفه و أخبره
أنت قدامك لسه العمر و تحقق كل أحلامك و بالتأكيد باباك هيحس بيك و هيفرح جدا
هز رأسه و قال
بإذن الله
يجلس خلف مكتب والده و ينفث من فمه و أنفه دچان النرجيلة يضع ساق فوق الأخرى أعلى المكتب بعنجهية دخل ابن خالته مبتسما بسعادة و صاح مهللا
نفث دخانا كثيفا ثم قال بزهو
عارف ياض يا حمزة فيه فرق ما بين النصيحة و التخطيط أنا اللي خططت و نفذت و مش قادر أعبر لك أنا مبسوط قد إيه لما شوفت قهرة يوسف ابن رقية و كل حاجة ضاعت منه و كمان و أنا بطرده من البيت كدة مش ناقص غير حاجة واحدة بس دي لو تمت يبقي
سأله الأخر بفضول أو يريد معرفة ما يدور في رأس هذا الأحمق حتي لا يفسد مخططه
إيه الحاجة دي يا صاحبي
أنزل قدميه على الأرض و اعتدل جالسا يمسك بياقة قميصه يضبطها قائلا بثقة
أتجوز مريم
صاح الأخر بتعجب يسأله
مريم قريبة عم عرفة
هز رأسه بالإيجاب و أجاب
اه هي
بس اللي عرفته منك أن أبوك كان عايزها ليوسف و بالتأكيد هي عينيها منه
ضړب سطح المكتب بيده و صاح محذرا إياه
مريم دي تخصني أنا و بس و لا مش موافقة أنا هخلي خالها توافق بالعافية
ابتسم الأخر بدهاء و بفحيح أفعي سامة أخبره
طيب و اللي يقولك على خطة تخليها هي اللي تجيلك لحد عندك ټبوس إيدك عشان ترحم خالها و مقابل كدة تتجوزها
حدق إليه بنظرة قناص صائد للفرص فقال
حلاوتي هي جوازي من أختك
و قبل أن يبدي الأخر رفضه أردف
أختك محتاجة واحد يحافظ عليها و ما يكونش طمعان فيها و تكون أنت عارفه و واثق فيه و أنت حافظني و عارفني من و إحنا لسه عيال
ضحك جاسر و عقب قائلا
ما هي المصېبة إن أنا عارفك بس عندك حق أهو أنت أولى من الغريب اللي معرفش ممكن يعمل فيها إيه و يبقي يبقي فرحي أنا و مريم يبقي فرحك و فرح أختي فى نفس الوقت
رد الأخر بمزاح
و أنت دماغك و لا إبليس بذات نفسه يا جدع يلا قولي على الخطة الجهنمية اللى هاتجيب مريم لحد عندي
أجاب حمزة و داخل عينيه ألسنة لهب من الچحيم
بص يا برنس....
أخذ يملي عليه ما يفعله فكان تحالفهما معا أقل ما يوصف به هو تحالف الأبالسة.
