رواية انتقمت ج3 الفصول من 13-16
اللي حصل !
مريم بعياط بسنت .. اتعورت جامد وپتنزف .. بنتي ..
حس سيف بقبضة في قلبه شديدة .. بالرغم من رفضه لمريم .. الا ان حبه لبسنت فطري وميقدرش يرفضه او ينكره ..
بعد فترة بسيطة وصلوا لبيت مريم .. وطلعوا هم الاتنين يجروا .. وكان الدكتور خارج من الشقه ..
مريم بفزع بنتي مالها يا ماما ! هي فين !
ماجدة بحزن متقلقيش يا حبيبتي .. الدكتور لسه ماشي اهو .. وقال ان الچرح سطحي ومش محتاج خياطة ..
سيف انا عايز اشوفها اطمن عليها ..
وبالفعل دخل سيف اوضة مريم وبسنت .. شافها نايمة على السرير بضعف .. واول ماشافته ضحكت ابتسم لها بحب .. رفعت ايديها ليه عشان يشيلها .. وبالفعل شالها وضمھا ليه ..
دخلت مريم وشافتهم للوضع ده .. هديت نفسيا لما شافت بنتها بخير ..
دخلت بهدوء وقعدت جنبهم على طرف السرير .. وقالت ..
.. بوسي .. ده الاسم المفضل اللي كنت دايما بتناديها بيه ..
اتحرج سيف وساب بسنت على السرير ووقف ..
.. لو سمحتي ممكن ابقى اجي اشوفها .. لو مش يضايقك طبعا ..
مريم بلهفة اكيد .. انت تنورنا في اي وقت ..
استاذن سيف ومشي ولكن وقفته صورته هو ومريم في فرحهم متعلقة على الحيطة .. بص لها للحظات ومشي .. اتنهدت مريم بحب .. وبقى عندها ذرة امل في ان قلب سيف ممكن يحن لها تاني
سارة وادهم ..
مازالت سارة في اوضتها تايهة .. مش مصدقة ولا كلمة من اللي قالها ادهم .. وبقت متاكدة انها لعبة ..
قاعد ادهم في اوضة الاطفال مع تولين .. قاعد على الكنبة جنب سريرها ..
ادهم تولي .. عايزين ننجز المشروع بتاعنا قريب .. اتاخرنا فيه اوي ..
تولين بملامح حزينه حاضر يا حبيبي .. قريب ..
تولين انا مش عارفة من غيرك كنت عملت ايه .. انا من غيرك كنت هضيع ..
ادهم بهدوء حبيبي اوعي تقولي كده .. انا دايما معاكي وفي ظهرك .. متقلقيش ..
قاطع كلامهم الباب .. اتفتح فجأة وكانت سارة .. اللي اول ما شافت المنظر ده كانت على وشك الفتك بيهم هم الاتنين ..
بلعت سارة ريقها بصعوبة واستجمعت قوتها موبايلي فين
ادهم معايا ..
سارة بحدة بيعمل ايه معاك ! انا عايزاه .. هاته ..
وقف ادهم وقرب منها وقال بجمود ..
.. لآخر مرة صوتك يعلى عليا .. انا اتساهلت معاكي كتير اوي .. لكن خلاص .. كفاية دلع لحد كده .. موبايلك معايا .. ومفاتيحك كمان معايا .. لا هتتكلمي مع حد ولا هتخرجي من البيت .. .. ويلا روحي على اوضتك عشان عايز انام .. يالاااا ..
انتفضت من تحوله المفاجئ .. وجريت على اوضتها .. وهي بتقول لنفسها ..
.. ادهم بجد اټجنن .. هو بيعاملني كده ليه ! من امتى تحوله ده !طول عمره حنين ..
..
عقلها زعلانة ليه ! مش انتي اللي قولتي له مش هتتخطي اللي حصل وسيبني ..
قلبها ايوة .. قلت له .. بس هو لما صدق وراح اتجوز .. لالالا دي اكيد لعبة عشان يستفزني بس .. ادهم مستحيل يستغني عني ..
عقلها هبلة لعبة هيجيبهالك تعيش معاكي في البيت .. بصفتها ايه تقعد معاكم ..ادهم عمره ما هيعمل حاجة حرام .. متقنعيش نفسك بالوهم انتي اللي ضيعتيه من ايدك .. اترجاكي كام مرة وانتي رفضتيه .. متزعليش بقى انتي اللي كنتي انانية ..
وبدات سارة تتكلم مع نفسها بصوت مسموع ..
.. ايوة انا غبية .. وضغطت عليه كتير ويمكن ضيعته من ايدي .. بس والله ڠصب عني والله ڠصب عني .. انا اتبهدلت في حياتي .. واللي حصل لي مش قليل .. كنت بحاول انسى عشانه .. بس هو اللي جرحني تاني .. ورجعني لماضيا الاليم..
قعدت سارة على الارض .. ضامة رجلها صدرها لساعات وبتعيط باڼهيار ومش حاسة بنفسها فنامت ..
سارة بزعيق انت ايه اللي جابك هنا !
ادهم بفزع بسم الله الرحمن الرحيم .. انتي مچنونة ولا ملبوسة .. ايه يابنتي ماكنتي كويسة ووحشتني وبحبك .. ايه اللي حصل !
سارة پغضب اقولك انا يا بتاع تولي .. امشي اطلع بره
يا ادهم .. ومن هنا لحد ما تمشي البلوة اللي جوة دي لسانك ميخاطبش لساني .. انا .. انا تتجوز عليا يا ادهم .. ورحمة الغاليين لاوريك ..
ضحك ادهم عليها وجري من قدامها .. وقابل تولين في وشه ..
تولين بتعجب صباح الخير .. في ايه بتزعق ليه !
ادهم بضحك لا عادي الحالة جت بس .. اتعودي عالوضع ده الفترة اللي جايه ..
تولين بتوسل ادهم انا مش بتاعت مشاكل .. متخلنيش اندم اني وافقتك وجيت اعيش هنا .. شوفي لي شقة بره لو سمحت ..
حاضر .. حاضر ..
بعد ساعتين قاعد ادهم في شغله واتصل على ابراهيم .. وحكي له اللي حصل ..
ابراهيم پصدمة يا نهار ابيض يا ادهم .. انا قلت لك تستفز مشاعرها .. تقوم تتجوز ..
ادهم بضيق والله يا عمو انا ضعفت .. لحظة ضعف واتجوزتها .. انا طول عمري ما كنت ليا في البنات ابدا .. واللي سارة عملته فيا كان فوق احتمالي ..
ابراهيم پغضب لاااا .. انت زودتها اوي يا ادهم .. وده مكنش اتفاقنا ابدا .. وبعدين رد فعل سارة ايه لما عرفت !!!
ادهم هي في حالة صدمة ومش فاهمة حاجة خالص .. وبعدين دخلت عليها بحوار العدة ده .. واللي حسيته انها مش فاهمة اي حاجة .. واستسلمت ..وسكتت ..
ابراهيم والله يا ادهم لو عملت حاجة فيها انت حر هي مش ناقصة ..
ادهم ادعي لي انا .. لحسن سارة لو فاقت ليا هتكون وقعتي سودة ..
ابراهيم تستاهل .. تستاهل يارب توريك النجوم في عز الظهر ..
ادهم هي مش هتوريني انا بس .. ده تولين اللي هتبقى تحت ايديها..ربنا يستر عليها بقى ..
ابراهيم انا مش ضامن جنان سارة .. وانت اللي جبته لنفسك مترجعش ټعيط بعد كده ..
وهنا جه لادهم اتصال تاني من تولين .. عمو انا مضطر اقفل .. تولين بتتصل وهي لوحدها مع سارة في البيت ..
وبالفعل قفل ورد عليها ..
ادهم الو .. ايوة يا تولي ..
تولين بصړيخ الحقني يا ادهم .. الحقنيييييييييي..
..
