رواية انتقمت ج3 الفصول من 13-16

رديتي له جميله ده ازاي ! قدمتي له ايه !
سارة ........
ملك بردو هتسكتي !! مقدمتيش اي حاجة .. الحب عمره ما كان اخد بس .. اه ممكن ندي بدون مقابل .. لكن لازم ناخد .. لكن انا شايفة ان ادهم من ساعة ما فكر يرتبط بيكي وهو بيدي .. ومبياخدش اي حاجة ..
سارة بس ده بردو مش مبرر للي عمله ..
ملك وانا معاكي .. هو غلط .. ويمكن كمان هد مجهود السنين اللي فاتت .. بس ادهم اخد الموضوع علي كرامته .. وسمح لنفسه بانه غضبه وغيرته يعموه .. مش هقولك سامحيه .. لانه صعب تسامحيه ..
سارة باندفاع انا مش هكمل معاه اصلا .. هو فعلا هد كل اللي عمله .. لا ويمكن رجعني لوقت انا مبحبش افتكره ..
ملك عندك حق .. بس هو ندمان .. وعايز يصلح غلطه ..
سارة وانا مش موافقة .. ومش عايزة اشوف وشه ..
ملك اسمعيه مرة واحدة .. شوفي هيقولك ايه ...
سارة پغضب لا .. يعني لا ..

مش عايزة اشوفه ولا اسمعه .. ادهم كده حط خط النهاية بينا .. ولو سمحتي بقى .. انا تعبانة وعايزة انام ..
بااااااك 
ابراهيم ومن يومها وهو في البيت وانتي هنا .. مكالمات مابترديش عليه .. بيجي بترفضي تقابليه .. وبعدين .. واخرة الموضوع ده ايه !!
سارة معرفش ..
محمود انا بعتذر على تدخلي .. بس انتي فعلا غلطانة .. جيتي عليه كتير .. وهو استحمل اكتر .. كان لازم هيجي يوم وينفجر .. انا معرفش ايه اللي حصل بينكم .. بس انا لو مكانه كنت اخدتك وروحنا .. ولا فرق بقى معايا اخوكي .. ولا ابوكي ولا اي حد .. هو فين من كل اهتماماتك دي .. اخر واحد .. مركون على الرف لوقت عوزة .. اخواتي وعيلتي اهم .. طيب يا ستي اشبعي باخواتك وعيلتك بقى .. وخليه هو يروح يعيش حياته مع واحدة تقدر تسعده بجد .. مش بتاخد كل حاجة ومش عايزة تدي اي حاجة ..
اول ما سمعت سارة كلمة سيبيه يعيش حياته مع واحدة تقدر تسعده بجد حست ان قلبا اتقبض .. برغم من ڠضبها الشديد منه الا انها بتحبه ومتقدرش تستغنى عنه او تتخيله مع واحدة تانية .. وحست الغيرة بتاكلها ..
ابراهيم خدي قرارك عشان ابلغه بيه .. ما هو بردو مش هيعيش حياته تحت امرك ورهن اشارة سيادتك ..
من وسط المشاكل دي كلها انا حبيت اقول كلمتين .. كل واحد فيكم لازم يعيد ترتيب حياته .. يغير من نفسه عشان شريكه .. الحياة كلها مشاكل ومصاعب .. مش كلها وردي .. بس بسهولة نقدر نتخطى كل ده طول ماحنا سوا ومتفقين .. في تضحيات كتيرة .. مرة انا ومرة انتي .. انا شايفكم يا ولادي بتضيعوا حياتكم من مابين ايديكم .. وكان لازم كلكم تفوقوا .. عشان بجد هيجي وقت تعضوا اصابعكم ندم على قرارات انتوا كان لازم تاخدوها .. وماخدتوهاش .. فوقوا قبل فوات الاوان ..
لازم كلنا نخرج من الحالة دي .. ومش هنلاقي مناسبة افضل من نعمل سبوع ابنك يامحمد .. كفاية عليه اوي كده .. ويمكن دي تكون فرصة ليكم كلكم انكم تصلحوا احوالكم ..
سابهم ابراهيم ودخل اوضته وكل واحد قاعد بيفكر في احواله ..
.......................................
في يوم سبوع ابن محمد ..
كلهم متجمعين في حفلة جميلة .. الابتسامة مرسومة على وشوشهم لكن اغلبهم قلبه حزين وتعبان ..
حضر الحفلة دي مريم وادهم بناءا على طلب والحاح ابراهيم ليهم ..
قاعد كل اتين جنب بعض ولو كانهم قاعدين بالاكراه .. والصمت كان سيد الموقف ..
سيف ومريم سارة وادهم خالد وندى .. واسلام لوحده ..
بدأت الحفلة والكل مبسوط .. ولكن انظار شهد بردو مسلطة على سارة ..
حست سارة بتقل في نفسها قامت ودخلت البلكونة .. شوية ودخل وراها ادهم .. وقف جنبها واخد نفس طويل ..
ادهم انا اسف .. ابتسمت سارة بسخرية انا عارف ان اللي عملته مش يمحيه الاسف .. بس اوعدك اني مش هكررها تاني .. وعد ..
ضحكت سارة بشدة .. ولكن دموعها خانتها ما هو مفيش حاجة ڠصب ده بردو كان وعد.. ولا نسيت ..
ادهم عارف انه كان وعد .. وانا خلفت وعدي .. بس صدقيني غلطة وندمان بجد .. سامحيني ..
سارة لا يا ادهم .. دي مفيهاش سماح .. انتوا كلكم كده .. حيوا.....
قاطعها ادهم پغضب لا معلش .. مش هسمح لك بالغلط .. براحتك يا سارة .. لما تحسي انك هادية كده نبقى نتكلم ..
خرج ادهم بضيق .. استاذن ابراهيم انه يمشي .. حاول انه يمنعه ولكنه اصر وفعلا مشي .. دخل ابراهيم ل سارة پغضب ..
ابراهيم روحي وراه ..
حاولت سارة الاعتراض ولكن اصرار ابراهيم كان اقوى .. خرجت سارة وقفت على السلم ولكن لقته نزل .. خرجت وراها شهد وقال بسخرية ..
.. انتي لحقتوا تتخانقوا .. انتي كده دايما بتضيعي كل حاجة حلوة من ايديكي ..
سارة بضيق مالكيش دعوة بيا يا شهد وخليكي في حالك .. روحي شوفي جوزك احسن لك ..
شهد بضيق مالكيش دعوة بمحمد .. انتي بجد انسانة مستفزة ..
سارة
ابعدي عن وشي بقى .. غبية صحيح .. وعقلك صغير .. شيلني من راسك عشان ترتاحي ..
وهنا محستش شهد بنفسها الا وهي سارة علي السلم ووقعت واغمى عليها .. وفي ډم نزل منها 
فاقت شهد لنفسها واللي عملته .. مبقتش عارفة تعمل ايه .. جريت على محمد ..
شهد بتوتر محمد الحقني .. سارة وقعت من علي السلم وپتنزف ..
جريوا كلهم عليها ..
سهير لشهد هو ايه اللي حصل !
شهد بتوتر معرفش .. تقريبا متخانقة هي وادهم .. معرفش بقى داخت ووقعت ولا ايه اللي حصل 
شالوا سارة ونزلوا بيها بسرعة .. شافهم ادهم اللي جري عليها پخوف وقال ..
.. ايه اللي حصل ! سارة مالها !
محمود وقعت من على السلم ..
بعد ساعتين في المستشفى .. خرج الدكتور وقال بأسف ..
.. حمدلله على سلامتها .. هي الحمدلله كويسة .. بس مقدرناش نلحق الجنين ..
اتصدموا كلهم من الخبر ..
ادهم جنين !!!!!
الدكتور المدام كانت حامل في اول شهر ..
الفصل الخامس عشر 
...........................
بعد ساعتين في المستشفى .. خرج الدكتور وقال بأسف ..
.. حمدلله على سلامتها .. هي الحمدلله كويسة .. بس مقدرناش نلحق الجنين ..
اتصدموا كلهم من الخبر ..
ادهم جنين !!!!!
الدكتور المدام كانت حامل في اول شهر ..
ابراهيم طيب احنا عايزين نطمن عليها .. نقدر ندخلها !
الدكتور اه طبعا .. بس ارجو انكم مش ترهقوها بالكلام .. عن اذنكم ..
دخلوا كلهم عليها وكانت نايمة ..
سهير بحزن يا حبيبتي يا بنتي انتي كان مستخبي لك فين بس كل ده .. مبتلحقيش تفرحي خالص كده ..
قعد ادهم جنبها على طرف السرير .. بدات تتحرك بضعف في السرير .. فتحت عينيها .. دقايق وبدأت الصورة تتضح بالنسبة لها ..
سارة بضعف هو ايه اللي حصل ! انا ايه اللي جابني هنا !!
ادهم احنا اللي عايزين نعرف ايه اللي حصل .. وايه اللي وقعك من على السلم !
بدأت تستعيد اللي حصل .. وافتكرت ان شهد هي اللي وقعتها .. لمحت محمد وسط اللي قاعدين .. وسكتت ..
قرب منها ابراهيم ومسك كف ايديها .. وقال بحب ..
.. حبيبتي ايه اللي حصلك !
سارة بتوتر واضح تقريبا رجلي فلتت من على السلم ..
همس لها ادهم متاكدة !
بعدت بعيونها عنه وقالت ايوة متاكدة ..
قرب ابراهيم من محمد واخده بعيد عنهم شوية وقاله ..
.. لو سمحتي يا محمد تروح البيت تجيب لي المحفظة بتاعتي عشان حساب المستشفى اكيد محدش فيكم عامل حسابه ..
محمد فعلا انا مجبتش اي حاجة .. خلاص ساعة زمن واكون هنا .. .. حمدلله على سلامتك يا جميل .. ساعة بس هروح البيت وهرجع لك تاني ..
وبالفعل مشي محمد .. وبعد حوالي الساعة وصل البيت عند ابراهيم جاب محفظته روح بيته عشان يجيب حاجته هو كمان .. ويشوف شهد لو تحب تروح تطمن على سارة ..
في الوقت ده كانت شهد في اوضتها متوترة رايحة جايه پخوف وقلق ..
قاعدة في الاوضة معاها والدتها نعمة .. شايلة اياد وبتحاول تنيمه ..
نعمة بشك انا مش فاهمة مالك .. ايه التوتر اللي انتي فيه ده !
شهد بضيق انا غبية اوي .. كان لازم اتحكم في نفسي اكتر من كده .. لازم ..
نعمة يعني ايه ! شهد اوعي تكوني السبب في اللي حصل لسارة !
شهد بصوت مخڼوق ايوة يا ماما .. انا اللي وقعتها من على السلم ..
شهقت نعمة پصدمة يا نهار ابيض يا شهد .. انتي اټجننتي ! ليه .. كانت عملت لك ايه لكل ده !!
شهد بعياط واڼهيار ايوة اټجننت .. جبت اخري منها .. من اول ما دخلت البيت ده وهي كل حاجة سارة .. خلي بالكم من سارة .. حافظوا على مشاعر سارة .. بقت محور العيلة كلها .. قربت منكم كلكم .. امتلكت قلوبكم كلكم . هي الحاجة الجميلة الوحيدة اللي في العيلة واحنا كلنا شياطين .. حاولت اشيلها من دماغي .. بس قرب الكل منها ومحاولة انهم ينولوا رضاها كانت بتخنقني ..
نعمة يعني مش تستحق الاهتمام ده بعد اللي حصلها ! ده انتي قعدتي شهور مړعوپة لما عاصم بس وقفك قدامه .. وحسيتي انك في خطړ .. فمابالك هي بقى ..
شهد بدموع ايوة وخلصت منه خلاص .. بس هي كل شوية بتقرب من محمد .. وانا مش قابلة ده .. محمد بتاعي انا وبس .. ولو وصلت اني عشان تبعد عنه هعملها ..
اتفاجئت بالباب بيتفتح ومحمد واقف .. وملامح الڠضب والصدمة على وشه ..
قرب منها محمد ووقف قدامها بالظبط وفاجئها بانه بالقلم ووقعت على الارض .. سابت نعمة اياد على السرير وجريت على محمد ..
نعمة ارجوك يا محمد اهدى بس .. هي غلطت وهتعتذر عن غلطها .. صح يا شهد !
.. هزت شهد راسها بالموافقة ..
محمد بسخرية هي هتعمل كده مش بمزاجها .. بس مش لما تتعاقب الاول على اللي عملته ..
مشي بيها لحد بابا الشقة ونعمة وراهم بتحاول تترجاه يرحمها ..
محمد بحدة لو سمحتي متتدخليش .. خلي بالك من اياد لحد ما نرجع ..
فتح الباب وخرج وسط عياط شهد .. وترجيها ليه بانه يسمعها

واسفها ولكن .. وصل محمد لاقصى مراحل غضبه