رواية انتقمت ج3 الفصول من 13-16

يا ستي وقد كان ... تولين دي شريكتي في الشغل .. كانت بتقرب مني بقالها فترة وبصدها بحكم اني واحد متجوز .. بس بما اني خلاص انتي رفضتي رجوعنا .. وانا اعتذرت لك اكتر من مرة وقلت لك خلاص مفيش حاجة ڠصب .. وبردو رفضتي .. وقطعتي اخر امل ليا في الرجوع .. قلت

اشوف نفسي بقى .. وتولي متاخرتش .. وعوضتني عن عدم وجودك ..انا بصراحة ندمت علي تفكيري ده واكتشفت ان قلبي عمره ما كان ولا هيون غير لحد ليكي .. وهي قدامها 4 شهور وهترجع فرنسا تاني وهطلقها .. وضع مؤقت يعني وهتمشي وبما انك رجعتي يبقى في فرصة اننا نرجع كل حاجة زي ما كانت .. مش كده يا وردتي البرية !
وقفت سارة ولسانها عاجز عن الكلام .. او حتى ايجاد كلام تقوله..
سارة بعياط انا عايزة امشي .. هات المفتاح عشان اروح ...
وقف ادهم ومشي راح ناحية اوضتهم وقال بهدوء لا مش هتمشي ..
مشيت وراه وقالت پغضب يعني ايه ! هتحبسني ! انا عايزة امشي انا لا يمكن اقعد ثانية هنا ولا ابقى على ذمتك لحظة ..
ادهم بس انتي مش هتمشي .. ومش هطلقك وهتبقي علي ذمتي ..
سارة !!!.. ايه اللي يخليني اقبل الوضع ده !!!!..
قعد ادهم على السرير وقال بهدوء انا لو طلقتك دلوقتي هتروحي فين !
سارة بتعجب بيت بابا ..
ادهم لا.. هتقعدي هنا في بيتك .. عدتك كلها .. ومتخرجيش الا للضرورة القصوى ..
حاولت سارة تتكلم من وسط عياطها قاطعته وقالت بنبرة تحدي ...
طلقني يا ادهم طلقني..
مشي بعيد عنها ونام علي السرير مدد رجليه قدامه حط أيده تحت راسه ...وقال بلا مبالاه ..
مينفعش ..
مسحت سارة دموعها وقربت منه ووقفت قدامه ...
قالت بتعجب 
وايه بقي اللي يخليه مينفعش !!....
مسك ادهم ريموت التلفزيون .. وقال ببرود..
.. اوعي بس كده عشان افتح التلفزيون ...
سحبت منه الريموت ورمته في الارض واتكسر ...
سارة بزعيق اتعدل كده وكلمني ...ايه البرود اللي انت فيه !!
وقف ادهم بعصبية انا قلت لك كام مرة صوتك ميعلاش .. انتي مفهمتيش اللي انا قولته !! انا لو طلقتك هتبقي مجبرة تقعدي هنا شهور ... من غير خروج وهتبقي مجبرة كمان تتعاملي معانا ... أما بقي لو مطلقتكيش .. هتعرفي تخرجي وتدخلي وتتعاملي مع الناس ..
ده غير انه وضع مؤقت زي ما قلت لك .. جوازة واتدبست فيها فاستحملي اربع شهور وانتي في بيتك معززة مكرمة .. او اربع شهور حبس وشك في وش توتا ابتسم ادهم بخبث سوري قصدي تولين طول النهار ..
..
اعقلي يا سارة وقدري الظروف ....
سابها وخرج راح ل تولين في الاوضة .. وقعدت هي على سريرها في حالة لا تحسد عليها .. مصډومة .. مش فاهمة .. ومش عارفة تتصرف ..
..............................................
نازل كريم على السلم هو وياسمين في نفس الوقت اللي كان اسلام خارج ..
وقف اسلام وبص ل ياسمين نظرة طويلة .. نظرة ندم .. اعتذار .. توسل ..
ابتسمت ياسمين لما شافته .. وكانت بتخفي ورا ابتسامتها مشاعر كتير متلخبطة .. هي فعلا عشقته .. مش قادرة تستحمل بعده .. ولكن هو اللي قطع كل اللي بينهم ..
كريم السلام عليكم .. ازيك يا اسلام .. عامل ايه !
اسلام وعليكم السلام .. الحمدلله زي ما انت شايف ..
كريم بهدوء ربنا يصلح لك حالك ..
اسلام بتردد ازيك يا ياسمين !
ياسمين بابتسامة الحمدلله تمااام اوووي ..
اسلام وحشتيني .. اووي ..
ياسمين انا اسفة بس مينفعش الكلام ده بعد اذنك .. سكتت لحظات وقالت بنبرة واثقة .. مش تبارك لي يا اسلام ..
توقفت انفاسه للحظات .. وحس ان قلبه بيدق پعنف لدرجة انه هيخرج من مابين صدره ..
اسلام بنفسه ابارك لك .. علي ايه !! جواز تاني ..
اسلام پصدمة على ايه !
ياسمين ابية كريم جاب لي وظيفة حلوة اوي .. ورايحة استلم الشغل النهاردة ..
اسلام بضيق من امتي موضوع الشغل ده ان شاء الله !
ياسمين من ساعة ما روحي رجعت لي .. واكتشفت اني كنت مضيعة نفسي ..
كريم بضيق على وضع اسلام المزري ياسمين .. مفيش داعي للكلام ده لو سمحتي ..
اسلام واحمد !
ياسمين هيقعد مع ماما .. هو الشغل لحد الساعة 2 وهبقى هنا .. يعني متقلقش على ابنك .. هو ابني انا كمان واقدر اخلي بالي منه كويس .. سكتت للحظات وقالت بنبرة سخرية .. صحيح انا سمعت ان خالو ابراهيم فصلك من شغلك .. لاقيت حاجة تانية

!
وهنا شدها كريم من ذراعها وقال بحدة مفيش داعي للكلام ده قلت .. عن ذانك يا اسلام اتاخرنا ..
ومشيوا وسابوه وهو بيعض على اصابعه ندم على ضياع ياسمينته ..
اول ما نزلوا ..
كريم بحدة ممكن افهم ايه لازمتهم الكلمتين دول ! انتي متعمدة مضايقته ..
ياسمين بحزن ايوة متعمدة .. خليه يشوفني وانا معاه كنت ازاي .. وانا من غيره بقيت ازاي .. خليه يندم على كل لحظة غلط فيا فيها .. وهو بغباءه ضيعني ..
كريم بسخرية انتوا الاتنين مش طبيعين .. ربنا يهديكم ..
ياسمين بضحك يلا بقى يا كوكي هنتاخر على الشغل ..
كريم انتي مش بس مش طبيعية .. انتي مچنونة ..
دخل سيف مكتب آسر بعد كمية المباركات والتهاني الحارة من زمايله ..
سلم عليه آسر ببرود ..
آسر اتفضل يا سيف نورت ..
قعد سيف بهدوء .. واتردد في كلامه .. ولكن استجمع قوته .. وقال ..
.. آسر انا مش عارف اقول ايه .. بس بصراحة انا دماغي فيها مليون حاجة .. ووضعي مع مريم .... كان لازم يتعاد .. انا مش متخيل اني اتجوزتها بعد مۏت سمر بس ب 9 شهور .. مش فاهم ازاي .. وحسيت انه ........
قاطعه آسر بهدوء شديد سيف .. اظن ده لا مكان ولا وقت مناسب نتكلم فيه عن الموضوع ده .. وبعدين انت مش عملت اللي يريحك .. فمفيش داعي نتكلم في الحوار ده تاني ..
اتنهد سيف بضيق يا آسر انت اخويا وصاحبي الوحيد .. واكتر واحد فاهمني ...
آسر طالما عملت اللي انت مقتنع بيه .. انا معاك .. المهم تشرب قهوتك بقى عشان نشوف شغلنا بقى ولا ايه ! كفاية دلع اوي كده .. وشحنة الادوية اياها محتاجك معايا فيها .. لان اللي انت اكتشفته تقريبا صح .. ضغط اسر على زرار في جهاز استدعاء السكرتيرة .. وطلب منها اتنين قهوة ..
سيف بضحك طيب معلش واحدة واحدة عليا .. انت واخد بالك اني معرفش اي حاجة عن اللي انت بتقوله ده .. ولا فاهم اي حاجة ..
آسر بضحك يووووووة تصدق نسيت .. طيب يا سيدي .. التفاصيل ببساطة ..احنا جالنا اخبارية ان في شحنة ادوية منتهية الصلاحية .. كبيرة جدا .. هتدخل البلد قريب .. وبعد ما اطلعنا على المعلومات والتحريات اللي عملتها انا وانت اكتشفنا ان في اسامي كبيرة اوي في العملية دي .. قرب آسر وقال بهمس .. وشبه اتاكدنا ان اللواء حمدي متورط في الموضوع ده ..
فجأة جت على ذاكرة سيف ومضات مبقاش قادر يفسرها .. مسك راسه وغمض عيونه پألم ..
سيف آآآآه ..
آسر بقلق مالك يا سيف في ايه !
سيف پألم مش عارف .. انا جت على دماغي كده فجاة اني بتخانق جامد مع اللواء حمدي .. ومعاه واحد تاني .. بس معرفش اسمه ولا شكله ..
آسر ده يا سيف نفس اليوم اللي عملت فيه الحاډثة .. وعرفت من شهاب ان الخناقة دي كانت كبيرة جدا .. وعشان كده انا شاكك ان الحاډثة دي مدبرة .. مش صدفة ..
سيف لاااااا احنا بقى نقعد قاعدة كده بعد ما نشرب القهوة تفهمني الوضع كله ..
قاطعهم صوت خبط على الباب ..
آسر ادخل ..
دخلت السكريتيرة بهدوء .. حطت القهوة قدام سيف وآسر ...
....... حضرتك تؤمر بأي حاجة تانية !
رفع سيف عيونه ناحيتها وقف وقال پغضب ..
سيف انتي ايه اللي جابك هنا !
مريم بثبات حضرتك انا بشتغل هنا .. بصت لآسر .. حضرتك تؤمرني بأي حاجة تانية !
آسر بهدوء لا اتفضلي انتي يا مريم ..
خرجت مريم وعلى وشها ابتسامة عريضة ..
سيف مريم بتعمل ايه هنا يا آسر !
آسر زي مانت شايف .. بتشتغل ..
سيف وانا مش عايزها هنا .. غيرها ..
آسر بس انا عايز اختي

تبقى تحت عيني .. عشان كده هبقى مطمن عليها ..
اتنهد سيف يضيق ووقف ماشي .. براحتك يا آسر .. براحتك اوووي ..
خرج سيف من المكتب وهو في قمة غضبه .. وقابل مريم قدامه وواقفة بترتب بعض الملفات ..
سيف بضيق انتي ياااااا ... !!
وقفت مريم وقالت بثقة مريم حضرتك .. اؤمرني ..
سيف هاتي لي الملف الخاص بشحنة الادوية .. بسرعة وبطلي تضييع وقت ..
مريم بابتسامة استفزاز الملف علي مكتب حضرتك .. وبقية المعلومات علي جهاز حضرتك جوه ..
مشيت مريم قدامه.. ودخلت مكتبه .. عض على شفايفه پغضب وهو بيتوعد لها ..
.............................................
سمير پغضب انت قولتي لي خلصت منه .. انا غلطان اني اعتمدت على واحد زيك ..
حمدي انا مش هقدر اخدمك دلوقتي .. هو رجع وخۏفي يفتكر .. اصبر شوية ..
سمير لا هصبر ولا هنيل .. انت شكلك كبرت وخرفت .. وحتة الظابط ده هو اللي هيودينا في داهية ...
حمدي لااااا .. انت ناوي تخلع .. انا لو وقعت مش هقع لوحدي .. ولو بعتني عليا وعلى اعدائي ..
سمير بتحدي اعلى ما في خيلك اركبه .. انا ما بتهددش وانت عارف ..
قفل سمير الخط پغضب .. وبص للمساعد بتاعه .
سمير خليك جاهز .. وقت قرب دخول الشحنة عايز مراته وبنته عندي هنا .. عشان لو فكر يقف قدامي ... اما نشوف اخرتها معاه ..
عند خالد وندى ..
قاعدين بيتغدوا في مطعم شيك ..
خالد بعتاب بس انا زعلان منك يا نادو ..
ندى بقلق ليه يا قلب نادو !!
خالد عشان انتي شكيتي فيا واتهمتيني اني خۏنتك ..
ندى بابتسامة انا عمري ما شكيت فيك انا كنت بس بقرص لك ودنك عشان تسيبني وتروح تتفسح ..
خالد پصدمة يعني ايه !!
ندى يعني انا كنت عارفة مخطط دالين ده كله ..
خالد ايييييييييه !!!!
لحلقة 16.....
الفصل السادس عشر
عند خالد وندى ..
قاعدين بيتغدوا في مطعم شيك ..
خالد بعتاب بس انا زعلان منك يا نادو ..
ندى بقلق ليه يا قلب نادو !!
خالد عشان انتي شكيتي فيا واتهمتيني اني خنتك ..
ندى بابتسامة انا عمري