رواية جامدة الفصل 1-2-3

انا حزنت جدا بصراحه لاني حبتها اوي ويمكن اعترف ليك يا دكتور اني نسيت او بمعني اصح تناسيت فكره شغلي مع إيهاب هي عوضتني بحاجات كتير كنت مفتقداها
هادي يتدخل ليقاطعها متسائلا..
حاجات زي اية كنتي مفتقداها يانور وهي عوضتك عنها
نور موضحه زي مثلا الاهتمام انك تلاقي حد يفهمك يسمعك وانت تسمعله تكون انت محور حياته كلها ياخد برايك قبل ما يتصرف في اي قرار يعني ببساطة انت اللي بتمشيله حياته كلها
هادي مفسرا لها يبقي كنتي حابه ان في حد معتمد عليكي وميقدرش يستغني عنك والقرار يكون قرارك انتي في حياته
نور تمط احدي شفتاه وترفع كتفيها لاعلي  ثم تقول
يمكن منكرش اني حبيت ده فعلا وعشقته اكتر لما جربته مع إيهاب
هادي باهتمام شديد لها يردد قائلا تمام وبعدين ايه اللي حصل
نور مكمله حديثها
بعد ما سبت الشغل فضلت فترة من غير شغل كنت برفض اي عرض يتعرض عليا مكنتش حابه اشتغل مع اي حد تاني غير إيهاب كنت بتاع اخباره دايما كعادتي منذ صغري اعرف كل كبيرة وصغيرة عنه وده طبعا مكنش صعب بالنسبالي واستمر حالي ده لفترة طويلة تعبت بصراحة عشان مكنتش لاقية نفسي في البيت خصوصا اني مكنش ليا اصحاب كتير كلهم اصحاب عمل وبس والدتي والدي حاولوا معايا كتير اقبل شغل عشان نفسيتي ترتاح واهدي شوية من العصبية اللي بقيت فيها بس مكنتش عارفة اعمل ايه لغاية في يوم عرف خبر كان نقطة تحول في حياتي...
هادي علي وجه علامات الضيق يقول
علي اد ما انا مشتاق اعرف ايه اللي حصل بس كفاية لحد هنا النهاردة ونكمل بكرة عشان شكلك تعب
نور ياريت يادكتور انا فعلا مش قادرة اكمل.
هادي ينهض ويغلق التسجيل وياخذ متعلقاته ثم يودعها مرددا
تمام يانور هشوفك بكره في نفس المعاد مع السلامه
نور تنظر له ببتسامه مصطنعه وتقول
مع السلامة يادكتور
يذهب د هادي الي مكتبه لتفريغ مقابلته الاولي معها بكل تركيز واذا بصديقه معتز يدلف اليه ببتسامته المعتاده ويقول له
صباح الخير يادكتره عامل ايه
معتز برغم صغر سنه لكنه قريب جدا لدكتور هادي الذي يعتبره اخ اكبر له فيستشيره في كل امور حياته الخاصة وغيرها حتى في بعض حالاته التي يعالجها فهادي صديق للجميع ويحبونه كتيرا لطيبة قلبه وروحه المرحه
هادي يضع القلم جانبا وينظر اليه مرددا
صباح الخير يامعتز يابني انت كل مره كده تنسى تخبط علي الباب
معتز يضع يده علي جبهته ويضربها ضربه خفيفه ثم يقول
اخ نسيت يادكتره معلش حقك عليا المره دي بس انت مالك منهمك اوي كده في ايه
هادي ينظر للورق الذي امامه ثم يرد قائلا
مفيش انا كنت بس بفرغ اول حديث مع نور اخيرا بدات معاها النهاردة اول جلسات العلاج
معتز يتنهد ويقول ياااه اخيرا يا هادي اتكلمت وهتحكي
هادي بحزن يقول اخيرا يامعتز شكل حكايتها ليها حكايه كبيره اووي وشكلها عانت ياما في حبها
معتز بحزن يرد ومين فينا متعذبش وشاف من الحب والامه كتير ياهادي ياخويا
هادي يشعر ان صديقه به شيء ما فينظر له مردد
مالك يامعتز فيك ايه ياصاحبي متخبيش عني
معتز ينظر له وعلي وجه الحزن يقول
هيكون في اي غير نانسي واللي بتعمله معايا
هادي يقترب منه ويقول له
معلش انت اللي عودتها علي الدلع ده يامعتز متجيش دلوقتي وتضايق منها ومن اهملها ليك
معتز يستند علي مكتبه ويضع يده علي راسه ويقول
عارف بس تعبت والله ياهادي تعبت مش حاسه بيا خالص ودايما مطالبها مش بتسكت كل شويه عايزه عايزه وانا خلاص زهقت
هادي ينظر له نظره شفقه وعطف ثم يقول.
خلي نفسك طويل واهدي كده وسايس امورك بالكلمه الحلوة كل حاجه تتحل بإذن الله
معتز ينظر له ويقول
هحاول اسيبك بقي عشان تكمل شغلك وانا اروح اكمل مرور علي المرضى سلام يادكتره
هادي ببتسامه سلام ياحبيبي
وينصرف معتز ويمسك هادي نظارته الطبيه ويكمل ما بدأه ولا يشعر بالوقت الذي اوشك علي الإنتهاء فانهي ما كان يعمله واخذ متعلقاته وانصرف الي منزله 
ثم بعد مضي ما يقرب من ساعه وصل الي منزله وقام باخذ حماما ثم ارتدي ملابسه وجهز غذاءه وحدث نفسه مرددا
اااه ياقلبي هتفضل لحد امتي كده