قدرنا الجزء الاخير

الي غرفة فيروز
في غرفة فيروز فتحت حورية الباب بعد أن دقت عليه لتسمح لها فيروز بالدخول لتدخل بوجهها فقط قائلة _ صباح الخير يا جميل نهارك فل ينفع ندخل انا والكائن الغلبان اللي مستني بره ده
ابتسمت فيروز بخفة قائلة _ صباح الفل يا حبيبتي ادخلوا طبعا
لتدخل حورية ونغم الي الغرفة لتقول فيروز _ مالك بقي يا حورية مش طبيعية ليه
حورية _ مالي بس يا ماما ما انا زي الفل اهو
فيروز _ فل ازاي يعني انت امبارح منزلتيش خالص من الشقة بتاعتك وبتقول انك كويسة ازاي يعني
حورية _ مفيش حاجة يا حبيبتي هو بس كنت مضايقة شوية فقولت اقعد لوحدي عادي يعني

فيروز بشك _ يعني رعد سافر بدري عن ميعاده وانت مخرجتيش من شقتك غير دلوقتي انتو مټخانقين صح
تنهدت حورية قائلة _ حاجة زي كده
فيروز بهدوء _ بصي يا حورية انا عمري ما حبيت ابدا اني ادخل في مشكلة ما بين واحدة وجوزها علشان متأكدة انهم يعرفوا يحلوا مشاكلهم بمعرفتهم بس خليكي عارفة دايما انك لو عوزتي تحكيلي انا موجودة وانا هابقي اټخانق مع رعد ازاي يزعل القمر بتاعنا كده ويسيبه زعلان ويمشي
ابتسمت حورية قائلة _ ربنا يخليكي ليا يا حبيتي ولا متعمليش حاجة هي مشكلة كده وانا اصلا اللي غلطانة فهبقي احاول احلها معاه متشغليش بالك انت خالص بالموضوع ده
فيروز بهدوء _ ربنا يهديكي انت وهو يارب
ومن ثم نقلت نظرها ناحية نغم قائلة _ وانت يا آخرة صبري ايه نظامك مشكلة مع شريف بردو
اومئت نغم برأسها لترد فيروز _ مش هعيد الكلام علشان ملهاش لازمة نفس الكلام اللي قولته ليها هقوله ليكي بردو بصو هقولكوا انتو الاتنين حاجة بلاش من اول مشكلة تضعفوا وتقعدوا تعيطوا كده لان العياط مبيفيدش بحاجة انا سيبتكوا امبارح بس علشان متأكدة ان كل واحدة فينا احيا بتجيب اخرها وبتحس انها لو مطلعيتش الجواها ممكن تكون من الخنقة علشان كده ما ادخلتيش بس خليكوا فاكرين ان عمر المشاكل ما هتتحل يالعياط المفروض نفكر كويس علشان نعرف نلاقي حلول صح
اوما الاثنين برأسهم دليلا علي موافقتهم لتقول فيروز بضيق مصطنع _ والله ولا صح ولا نيلة ومتأكدة ان الكلام اللي هيدخل من الودن دي هيطلع من الودن دي
حورية _ عيب عليكي يا جميل نصايحك دي فلة ازاي نطنشها بس صح يا نغم
نغم _ طبعا دي ست الكل ازاي نقدر نزعلها ده كلامها كله حكمة كده ومواعظ
فيروز باستغراب _ ايه ده ايه الهدوء ده في مصېبة هتحصل صح قولولي متكدبوش عليا انتو الاتنين مره واحدة بتسمعوا الكلام و بتقولوا حاضر مش مصدقة نفسي النهاردة عيد
حورية _ يااه احنا للدراجادي كنا مطلعين عينك
فيروز _ فوق ما تتخيلي وخصوصا ام لسان متر ونص دي
نغم بدهشة مصطنعة _ انا يا ماما
فيروز _ لا يا قلب ماما يا ملاك الرحمة اكيد مش انت وبعدين يلا بقي قوموا امشوا من هنا ده انتو عيال رغاية اوي
حورية _ الله مش انت اللي مكانش عاجبك اننا مقعدناش معاكي امبارح
نغم _ ايوه فاحنا حابين نعوضك و نقعد معاكي اليوم كله
فيروز _ لا لا شكرا مستغنين عن خدماتكوا
حورية _ انا حاسه اننا بنطرد انت حاسه زي كده
نغم _ ايوه انا رأي نقوم نمشي علشان كرامتنا متبوظش اكتر من كده
حورية _ اكتر من كده مش هتبقي موجودة اصلا فيلا و نحترم نفسنا
نغم _ يلا يا اختي
حورية ونغم _ سلام يا جميل
فيروز بضحك _ سلام يا مجانين
عند شريف جلس قليلا ليرتاح من السفر وهو يفكر أن نغم سوف يتصرف معها عندما يعود والان يجب عليه التركيز في سبب مجيئه الي هنا فحسب ثواني ورن هاتفه كان يتمني ان تكون نغم ولكنها كانت شهد ليتنهد بملل ليرد _ الو يا حياتي عاملة ايه
شهد _ كويسة اكيد بعد ما سمعت صوتك بس انا زعلانة منك
شريف _ ليه بس
شهد بدلع امبارح اتعصبت عليا و كمان جيت القاهرة ومكلمتنيش اول ما جيت انا بجد زعلانة
شريف _ معلش يا حبيبتي كنت متعصب بس امبارح مش اكتر فكلامك عصبني اكتر وانا حاليا لسه واصل وكنت بفكر حتي اني اكلمك بس انت سبقتيني
شهد _ بجد يا حبيبي
شريف _ بجد يا روح حبيبك
شهد _ طيب هنتقابل امتي
شريف _ النهاردة طبعا في الميعاد اللي يناسبك بس عملتي ايه في اللي انا طلبته منك
فلاش باك
شريف _ بصي يا حبيبتي في ورق مهم عند باباكي وانا عايزه الورق ده مهم اوي بالنسبالي بس هو مش مهم بالنسباله خالص ومش هيفرق معاه حتي بس انا مقدرش اروح اطلبه منه وبعد كده اطلب ايد بنته هيفكر في ايه اكيد هيرفض لانه هيفتكر اني طمعان فيكي صح بصي هي خدمة بسيطة لو عايزاه تعمليها تمام لو لا فمش مشكلة بقي بس هأجل موضوع جوازنا شوية للأسف علشان الورق ده كان هيظبط