قدرنا الجزء الاخير

ميادة بتحبه ده واضح عليها جدا وهو كمان علي فكره واضح من تصرفاته انه بيحبها بس انا ملاحظه انه بيحبها وفي نفس الوقت مش طايقها
فيروز ايوه انا بردو بقول كده احسن حاجة انك معايا علي الخط
حورية طيب و احنا هنعمل ايه دلوقتي
فيروز انا هحاول اقنع محمد انه يتجوزها و هي بقي في ايدها لو بتحبه اكيد هتقدر تخليه يحبها و هيبقي زي الخاتم في صباعها كمان بس لو زعلها انا هموتهولها
حورية انت متأكدة انك مامتهم مش مامتنا احنا
ضحكت فيروز قائلة اصلي عارفة انا العيال دي لما بتفتري بتبقي فظيعة إنما انتو غلابة خالص زي كده

حورية طبعا انت هتقوليلي بس المهم هو هيوافق علي الموضوع ده
فيروز مفيش في ايده غير أنه يوافق
حورية و هي
فيروز هتوافق طبعا
حورية طيب لو موافقيتش افرضي محمد ضغط عليها بأي شكل و خلاها ترفض
فكرت فيروز لثواني لتقول لا ده مش هيحصل تعرفي ليه
حورية ليه
فيروز لأن اصلا هو بيحبها بس في حاجة موقفاه فهو هيعتبرها انه مجبور بقي ومفيش في ايده حاجة يعملها فهيوافق
حورية بإعجاب الله عليكي يا ماما بجد مدرسة انت مركزة في كل حاجة وفي كل التفاصيل
فيروز طبعا يا بنتي هو انا اي حد صح زمان نغم جايه هي قالتلي هتبقي تيجي النهاردة طبعا مش محتاجة اوصيكي
حورية اكيد طبعا يا ماما مش هقولها متقلقيش دي نغم لو عرفت هتروح تقول لميادة انا متأكدة
فيروز ايوه كده شاطرة احبك و انت فاهماني
عند نغم اخبرت شريف بالتأكيد بكونها ستذهب الي والدتها وهو وافق ليخبرها انه سيبعث لها أحد ليقوم بإصالها الي بيت والدتها لتوافق ويرحل هو وتبدل هي ثيابها لتنزل الي الأسفل في خلال الأيام السابقة لاحظت ان والدة شريف لا تطيقها حقا او أوقات وأوقات هي حتي لم تفهم السبب فهي لم تفعل لها اي شئ كانت هذا ما تفكر فيه وهي تنزل الي الأسفل ما إن نزلت الي الأسفل حتي وجدت كوثر في وجهها
نغم بصوت خاڤت ربنا يستر
كوثر بأستغراب انت خارجة ولا ايه
نغم اه
تكتفت كوثر قائلا بضيق علي فين إن شاء الله
نغم بأستغراب من ضيقها رايحة لماما
كوثر بضيق استأذنتي جوزك
نغم بهدوء اه ممكن امشي بقي
كوثر بسخرية امشي
لتتركها وترحل بينما نظرت نغم في اثرها بدهشة حقيقية
نغم في نفسها هي مش طايقاني ليه
لتقوم بنزع تلك الأفكار من رأسها بعدم اهتمام وخرجت
عند كوثر كانت تجلس بهدوء في غرفتها لتدخل ميادة بنصف رأسها فقط قائلة ينفع ادخل
كوثر بابتسامة اتفضلي يا حبيبتي
ميادة ينفع نتكلم ومن غير زعل
كوثر بأستغراب وانا ازعل منك ليه يا حبيبتي اتفضلي
ميادة ليه بتعاملي نغم كده
كوثر بضيق هي اشتكيتلك وبعدين هو انا عملتلها ايه اصلا
ميادة يا حبيبتي هي ما اشتكتليش ولا حاجة كل الموضوع اني شوفتك وانت بتكلميها النهاردة الصبح والأيام اللي فاتت طريقتك معاها شديدة اوي ياريت بجد يا ماما لو تعامليها كويس
كوثر بضيق ما انا بعاملها كويس اهو
ميادة ماما بجد ليه بتعامليها كده يعني هي معملتلكيش اي حاجة بالعكس دي بتعاملك حلو جدا ومتقوليليش بسبب خالتي وبنتها لاني اصلا مكنتش مقتنعة بالموضوع ده من الأول بجد ليه
كوثر بضيق هي خاطفة اخوكي مني
ميادة پصدمة ايه
كوثر بضيق ايوه واخداه مني ودايما كلامه بيبقي عليها هي وكل وقته ليها وهي لسه جايه من كام يوم بس بس من ساعة ما كتبوا الكتاب وهو ملوش سيرة غير نغم نغم
ميادة پصدمة ماما انت بتتكلمي بجد انت غيرانة من نغم
صمتت كوثر ولم ترد لتقول ميادة يا ماما يا حبيبتي نغم مراته بس انت مامته و كل حد فيكوا ليه مكانة في قلبه و زي ما هي مينفعش تقارن نفسها بيكي انت كمان مينفعش تقارني نفسك بيها
كوثر ايوه بس
قاطعتها ميادة قائلة مفيهاش بس يا ماما ممكن توعديني انك تعامليها كويس علشان خاطري هي بجد بتحبك وبتحاول تعمل اللي يرضيكي
تنهدت كوثر وقد اقتنعت بكلامها قليلا قائلة اوعدك
ميادة بابتسامة ربنا يخليكي ليا يا احلي ام في المجره
كوثر بابتسامة ويخليكي ليا يا تاعباني
عند نغم وصلت الي بيت فيروز لتدخل لتقول بصوت عالي انا جيت يا بشړ يا اللي هنا
كانت فيروز وحورية يجلسان في الخارج ليسمعاها لتقول حورية بفرح نغم وحشتنيني
نغم وانت اكتر وحشتيني اوي اوي
فيروز بحنان موحشتنيش ايه يا هبلة انت اكيد وحشتيني وجدا كمان البيت كان وحش اوي من غيرك
نغم بمشكاسة يا سلام اخيرا عرفتوا قيمتي بس ما اهي حورية موجودة اهي
حورية لا انت كنت ارجوز البيت و مينفعش حد ياخد مكانك
ضحكت فيروز بخفة قائلة اهي قالتلك اهو و بعدين ما هي اختفيت هي كمان التلات ايام اللي فاتوا دول زيك
نغم والست كانت مختفية ليه