رواية جامدة ج3 الفصل الخامس عشر والسادس عشر بقلم الكاتبة الرائعة

وشها .. بصت لاسلام بسخرية وقالت 
مكنتش أحب ان الموضوع يوصل بينا ل كده بس انت اللي اجبرتني علي الوضع ده ...
........................
سارة پصدمة مراتك !
ادهم ايوة مراتي .. ولا انتي فكراني هستناكي العمر كله ..
سارة احنا مكملناش شهرين متجوزين ..
ادهم بحدة ما تقولي لنفسك ... اننا عرسان ..
تولين.. حبيبي هدي نفسك .. الامور ماتتناقش كده ..
بصلها وقال بهدوء لو سمحتي متتدخليش .. وبص لسارة .. هدخل بس تولي اوضتها وراجع لك ..
ومشي ادهم ناحية اوضة الاطفال .. ودخل هو وتولين .. وكان هيخرج لولا وقفته تولين وقالت بهدوء ..
... حبيبي .. خليك هادي الصدمة وحشة ..
ادهم بابتسامة هي اللي جابته لنفسها .. واللي عملته معايا مكنش سهل ..
في نفس الوقت .. اخدت سارة لحظات عشان تستوعب اللي شافته وهي مش مصدقة ..
راحت ناحية الباب ودموعها سابقاها .. حاولت تفتحه ولكنه كان مقفول .. سمعت صوت المفاتيح.. بصت وراها لقت ادهم واقف ماسك المفاتيح ..
ادهم انا اخدت مفاتيحك وقفلت الباب بالمفتاح .. فمتحاوليش احنا لازم نتكلم ..
مازالت الصدمة ماثرة علىيها ومش عارفة ترد .. 
ادهم مش انتي اللي قولتي لي امشي .. ومش هتكملي معايا ..
فلاش باااااااك 
بعد ما خرجت سارة في المستشفي .. مكنش بيفارقها ودايما معاها رغم جفائها الشديد في المعاملة .. قاعدة في اوضتها على سريرها .. دخل ومعاه كوباية عصير قربها منها .. بصت الناحية التانية بضيق ومردتش تاخدها .. حط الكوباية علي الكومودينو جنبه قرب منها وهمس لها ..
ادهم مش عايزة تسامحيني بقى يا سارة !
سارة بحزن اسامحك !! انت مش متخيل انت عملت ايه ! انت رجعتني بالذكريات ل ماجد واللي عمله معايا .. لحظات قربه مني .. كنت بشوفك هو .. انت اجرمت في حقي وحق نفسك .. شوهت شكلك قدامي .. چرحتني .. وجاي تقول انا اسف .. اسفك ده هيعمل ايه ! وكمان خسړت ابني ..
ادهم بتعجب وده كان بسببي !
سارة لا مش بسببك .. بسبب غبائي .. ان انا ممكن افكر ان في راجل متفهم وبيحب بجد .. تصدق حسام كان عنده حق .. انتم كلكم تفكيركم واحد .. تفكير قذر ...
وهنا كان ادهم وصل لقمة الانفجار لاتهامها الفظيع ده وتذكيره بحسام .. وقف پصدمة ..
ادهم پغضب انا !! انا تفكيري قذر .. حرام عليكي يا شيخة .. بجد انتي مش معقولة .. انا اللي صبرت 3 سنين .. شفت معاكي فيهم الويل .. كنت كلمة بحبك بتقوليهالي بالقطارة .. .. قعدنا 3 سنين كاتبين كتابنا .. حتى .. فاكرة لما سالتك انتي في حد غصبك عليا.. وقولتيلي لا ده انا بحبك ..مصدقتكيش كل يوم تصرفاتك بتثبت انك كارهاني .. ومع اول كلمة منك كنت بنسى كل عمايلك .. تفتكري ليه ! عشان تفكيري وحش فيكي !!.. انا استحملت اللي محدش يقدر يستحمله .. وصبرت معاكي عشان بحبك وبعشقك .. اللي انا عملته معاكي كان حقي .. اه معترف ان الطريقة كانت غلط .. بس مش لدرجة اللي انتي عاملاه ده ..
سارة انا جيت على نفسي وعلى كرامتي كتير اوي معاكي .. وجعتيني ووجعتي رجولتي في كتير من تصرفاتك .. انا حالا .. عايز قرارك في جوازنا .. هتقدري تتخطي اللي حصل ولا لا !...
سارة بعياط وبدون تفكير لأ .. مش هقدر ..
وقف ومشي لحد باب اوضتها ..وقال بنبرة هادية على عكس البركان اللي جواه ..
.. براحتك يا سارة .. وده اخر طريقنا .. بس عشان تبقى عاملة حسابك طلاق انا مبطلقش .. عن اذنك ..
مشي وسابها وهو في حالة من الضيق واليأس والحزن .. اللي هي كمان مكنتش اقل منه في حزنها وۏجع قلبها ...
باااااااااااااك 
ادهم بس يا ستي وقد كان ... تولين دي شريكتي في الشغل .. كانت بتقرب مني بقالها فترة وبصدها بحكم اني واحد متجوز .. بس بما اني خلاص انتي رفضتي رجوعنا .. وانا اعتذرت لك اكتر من مرة وقلت لك خلاص مفيش حاجة ڠصب .. وبردو رفضتي .. وقطعتي اخر امل ليا في الرجوع .. قلت